Fakhra Batool

[Asif]

Us gali ka nishaan miley na miley
Phir se wo jaane jaan miley na miley

Nain goya thee meher hoton per
Pyaar ka wo samaa miley na miley

Khud ko hum haale dil suna daalen
kia khabar raazdaaan miley na miley

Wasl ke raaz is pe likh daalo
Phir yeh aabe rawaan miley na miley

Mat juda kerna usko aankhon sey
Khaab ka phir dhuan miley na miley

[Asif]

Dhoop aur chhaon ke nazare thay
Dil ki daulat jahan pe harey thay

Bewafaai ka ab gilaa kaisaa
Aap pehle bhi kab hamare thay

Meri aankhon mai phelte huye rang
Kal talak aapko bhi pyare thay

Hai gharonda mera to mitti ka
Teri raahon mai chaand tarey thay

Chhoo liya tha gulon ko chahat se
Jal gaye haath wo sharare thay

[Asif]

Kahaa us ney zamaana dard hai aur tum dawaa jaisey
Laga "tum se muhabbat hai" mujhey us ne kaha jaisey

Talab ki us ne jab mujh sey muhabbat kee wazahat to
Bataaya dasht key hotoN pey baarish kee duaa jaisey

Suno kiun dil kee bastee kee taraf sey shor utthaa hai
Bataaya haadisaa ahasaas key ghar mai huaa jaisey

Kaho ai gul kabhi khushboo ka tum ney aks dekha hai
Kaha qaus-eqazah ke sarey rangoN kee sadaa jaisey

Suno khwahish ki lehroN per sanbhalna kiun hua mushkil
Bataya paaniyon per khwaab kee rakkhee bina jaisey

Bhala tum rooh ki in kirchiyoN mai dhoondhtey kia ho
Kaha yeh itnee raushan hain ke sooraj ho diya jaisey

Suno aankhon hi aankhon ka bayaan kaisa laga tum ko
Laga phooloN sey sargoshi see kertee ho hawa jaisey

[Asif]

کہا اُس نے ، زمانہ درد ہے اور تُم دوا جیسے
لگا، "تُم سے محبت ہے" مجھے اُس نے کہا جیسے

طلب کی اُس نے جب مجھ سے محبت کی وضاحت تو
بتایا، دَشت کے ہونٹوں پہ بارش کی دُعا جیسے

سُنو کیوں دل کی بستی کی طرف سے شور اُٹھتا ہے ؟
بتایا، حادثہ احساس کے گھر میں ہوا جیسے

کہو اے گُل ! کبھی خوشبو کا تُم نے عکس دیکھا ہے ؟
کہا ، قوسِ قزح کے سارے رنگوں کی صدا جیسے

سُنو ، خواہش کی لہروں پر سنبھلنا کیوں ہوا مُشکل ؟
بتایا پانیوں پر خواب کی رکھی بنا جیسے

بھلا تُم رُوح کی اِن کِرچیوں میں ڈھونڈتے کیا ہو ؟
کہا ، یہ اتنی روشن ہیں کہ سُورج ہے دیا جیسے

سُنو آنکھوں کی آنکھوں کا بیاں کیسا لگا تُم کو ؟
لگا ، پھولوں سے سرگوشی سی کرتی ہو صبا جیسے

[Asif]

نیلا میرا وجود گھڑی بھر میں کرگیا
وہ زہر کی طرح مرے دل میں اتر گیا


پلکیں لرز کے رہ گئیں اور دیپ بجھہ گئے
الزام اب کے بار بھی آندھی کے سر گیا


اب کس لئے سنبھال کے رکھوں بصارتیں
آنکھوں سے خواب چھین کے جب چارہ گر گیا


اس سے بچھڑ کے دل کا ہوا ہے عجیب حال
پانے کی آرزو گئی، کھونے کا ڈر گیا


جب موسموں نے پھر سے بغاوت کی ٹھان لی
ٹہنی پہ پھول کھلنے سے پہلے بکھر گیا


بہتر ہے خود رفو گری سیکھوں کہ آج تو
گھاؤ کھلے ہی چھوڑ کے وہ چارہ گر گیا


اس پر یقیں بحال ہوا تو وہ ایک دم
اقرار کے مقام پہ آ کر مکر گیا


آنکھوں سے نیند، دل سے سکوں ہوگیا جدا
لگتا ہے اپنے ساتھ کوئی ہاتھہ کرگیا


سورج نے ساتھہ چھوڑا تو دیکھا پلٹ کے تب
سوچا، جو ساتھہ چلتا تھا سایہ کدھر گیا

[Asif]

گھاؤ گہرا بھر جانا تھا
درد کو آخر مر جانا تھا

کون پلٹ کر کس کو دیکھے
سب کو اپنے گھر جانا تھا

اندھیاروں کے اس باسی کو
سُورج دیکھ کے ڈر جانا تھا

اشکوں کی سوغات ہے آخر
دامن اپنا بھر جانا تھا

ایک صلیب کھُبی ہے من میں
اب کی بار تو سر جانا تھا

وصل، کلّی کا صرف تبسّم
ہجر کو دائم کر جانا تھا

جانے والے نے تو ہم پر
ہر الزام کو دھر جانا تھا

[Asif]

خُدا نے جب شفاء تقسیم سارے زمانے میں
تمھاری اُنگلیوں پر اُس نے اپنے ہاتھ سے لکھا
کسی بیمار کو چُھو لو
شفاء اُس کا مقدر ہے
تم ہر بیمار کو اپنا سمجھتے ہو
مداوہ اس کا کرتے ہو
ہر اک بیمار کے چہرے پہ رونق تم سے قائم ہے
دُعا عیسٰی کی تم کو لگ گئی شاید
تُمھی اُمید ہو اُس کی
شفاء ہاتھوں پہ تم نے رب سے لکھوا لی
مسیحا ہو

[Asif]

زندگی خوابِ پریشاں سے زیادہ تو نہیں
اس میں تعبیر بھی مل جائے یہ وعدہ تو نہیں

بات نے بات اُلجھنے کی یہ خُو کیسی ہے؟
یہ بتا تیرا بچھڑنے کا ارادہ تو نہیں

کون خوشبو کے تعقب میں گیا دور تلک
لوگ سادہ ہیں مگر اتنے بھی سادہ تو نہیں

آپ جائیں گے تو ہم حد سے گزر جائیں گے
شہسوار آپ سہی، ہم بھی پیادہ تو نہیں

کس خوشی میں بھیجا ہے بتا سُرخ گلاب؟
ظلم کا یہ تیری جانب سے ارادہ تو نہیں

بےوفا ہم ہی سہی، خود پہ بھی کچھ غور کرو
بے رُخی آپ کی بھی حد سے زیادہ تو نہیں

[Asif]

ادھ کھلی آنکھوں میں کچھ خواب جگائے اس نے
خود ہی تعبیر کے امکان مٹائے اس نے

جس کے ہاتھوں نے کماں کو کبھی تھاما ہی نہ تھا
تیر اَن دیکھے مرے دل پہ چلائے اس نے

میرے مٹی کے گھروندے کو گِرا کر پل میں
خود ہواؤں میں کئی محل بنائے اس نے

وہ دیالو ہے مگر اتنا دیالو بھی نہیں
روشنی چھین کے کچھ دے دئیے سائے اس نے

کہکشاں ساری کی ساری ہی چھپا کر گھر میں
کچھ ستارے میری پلکوں پہ سجائے اُس نے

[Asif]

زمانہ چاہتا ہے ہر گھڑی بس نِت نئی باتیں
نئے دن اور نئی شامیں، نئی صبحیں نئی راتیں
نئی قسمیں، نئے وعدے، نئے رشتے، نئے ناتے
پُرانے جو بھی قصے تھے وہ اب اس کو نہیں بھاتے
میں خود لفظوں کی مصرعوں کی بہم تکرار سے جاناں!
بہت اُکتا گئی تھی اب
تو میں نے یوں کیا، لفظوں کو مصرعوں کو
لپیٹا سُرخ کاغذ میں
پھر ان کو من میں رقصاں آگ دکھلا دی
ہوا میں راکھ کے اُڑتے ہوئے ذرّوں نے جب پوچھا
کرے گی کیا؟
سُنے گی کیا، کہے گی کیا؟
تیرا دامن تو خالی ہے
کہا میں نے،
مجھے اب کچھ نہیں کرنا
مجھے اب کچھ نہیں سُننا، مجھے اب کچھ نہیں کہنا
کہانی اوڑھ لی میں نے