Iski Hawa Saari Khushi Uda Le Gayi,
Aaj Baarish Mujhe Udaas Kar Gayi,
Kyon Pata Nahi Mera Dil Dukha Gayi,
Laga Aise Jaise Roya Ho,
Aasman Meri Tarah,
Nahi Samajh Aya Hua Kya,
Bas Meri Aankh Nam Kar Gayi,
Mera Dil Tadpa Gayi,
Aaj Barish Mujhe Udaas Kar Gayi,
Aaj Baarish Ko Chhua Bhi Nahi Phir Bhi,
Mujhe Yaadonse Bhigo Gayi,
Aaj Baarish Mujhe Udaas Kar Gayi,
Kar Gayi Mujhe Gum-Sum,
Kyon Hua Aisa Nahi Malum,
Har Aahat Par Chhune Ki Ho,
Kahin Na Kahin Ho Tum Par,
Nahi Thi Kahin Tum,
Ye Baat Udaas Kar Gayi,
Aaj Baarish Mujhe Udaas Kar Gayi...

Agar Kabhi Tum Samjho To,
Un Jazbon Ko
Un Khwahishaat Ko,
Un Umangon Ko,
Un Tamannaon Ko,
Un Targmaniyon Ko,
Jo Kisike Dil Mein,
Tumhare Liye Posheeda Hai,
Ah! Is Dilko Kitna Intezaar Hai,
Ah! Ye Dil Kitna Bekarar Hai,
Ah! Ye Dil Tumhare Inkaar Se Bezaar Hai,
Ah! Is Dilko Tumhare Jawab Ka Intezar Hai,
Ah! Ye Dil Tumhara Ba-Ikhtiyar Hai,
Magar Tum Samjho To,
Tumhari Baaton Ko,
Tumhari Gair-Maujudgi Mein,
Tumhare Naam Se Yaad Kar Lena,
Bas Yehi,
Is Dilka Rozgar Hai,
Kya Tumko Aitbaar Hai,
Kash Tum Samjho To,
Main Bhi Aakhir Insaan Hoon,
Main Bhi Zindadil Ka Malik Hoon,
Main Bhi Jazbaat Rakhta Hoon,
Main Bhi Ehsaas Rakhta Hoon,
Ehsaas! Dosti Ka,
Aisi Dosti,
Jis Mein Insaan Khud Ko Bahut Halka Mehsoos Karta Hai,
Kabhi Tum Samjho To,
Ah! Magar Tumhare Dilko,
Kabhi Bhi, Gam Se Wasta Pade,
Ye Mujhe Ganwara Nahi,
Koi Lamha Is Haalat Mein,
Sakoon Se Guzre, Maine Guzra Nahi,
Magar Tum Samjho To,
Kitne Atif Hai Is Duniya Mein,
Aur Mera Dil Kitna Bekarar Hai,
Dusron Ke Dukh Uthane Ko,
Atif Ke Dard Mitane Ko,
Faisalbad Aane Ko,
Thoda Apna Dil Jalane Ko,
Thodi Apni Talafi Karwane Ko,
Is Gunehgar Ki,
Jo Tadap Raha Hai,
Ke Koi To Ho,
Jo MoQa De,
Khwah Tum Hi,
Magar Tum Samjho To...

Dilki Mehfil Pe Chha Raha Hai,
Nazar Mein Dhoka Sada Raha Hai,
Mere Liye Wo Wafa Raha Hai,
Isko Chaha Isko Pooja,
Sada Jo Humse Khafa Raha Hai,
Ise Bhulaun To Kis Tarah Main,
Jo Dilki Basti Basa Raha Hai,
Jo Pee Ke Zinda Hai Zeher-E-Jag Mein,
Ye Dil Isiko Bula Raha Hai,
Jo Bas Chuka Hai Dil-O-Nazar Mein,
Nazar Wo Mujhse Chura Raha Hai,
Isko Chahum Main Misal,
Jo Dilki Mehfil Pe Chha Raha Hai...

Tumne Murjhaye Hue Phool Kabhi Dekhe Hai?
Dilki Qabron Pe Pade,
Hijr Ki Lash Ki Aankhon Pe Dhare,
Tumne Uktaye Hue Khwab Kabhi Dekhe Hai?
Dard Ki Palkon Se Lipte Hue,
Ghabraye Hue,
Tumne Bechain Duwayein Kabhi Dekhi Hai?
Mohabbat Ke Kinaron Pe Bhatakti Phirti,
Tumne Dekha Hai Mujhe?
Kya Kabhi Dekha Hai Mujhe???

Kaho To....
Haath Utha Ke,
Tumhe Rab Se Maang L'un,
Agar Chaho To,
Tumhe Chah Lu'n,
Tumhari Masoom Nazron Ka,
SadQa Utar Lu'n,

Kaho To Ye Saare,
Chaand Suraj Aur Taare,
Tumhari Jholi Mein Bhar Dun,
Bas Tumhe Paa Lu'n,
Tumhe Chah Lu'n,
Aur Pyaar Kar Lu'n,

Kaho To....
Tumhari Masumiyat Ke Waaste,
Mar Jaun.....
Pyaar Amar Kar Dun,
Bas Tumhe Paa Lu'n,

Kaho To....
Haan......Agar Kaho To...

Mujhe Lagta Hai Aisa Kabhi Kabhi,
Jaise Wo Ajnabi Ladki,
Mujhse Pyaar Karti Hai,
Mujhe Chahti Hai,
Aksar Yunhi Chup Kar,
Dekhte Hai Jaane Kya Soch Kar,
Nazrein Chura Jaate Hai,
Kuch Sharma Se Jaate Hai,
Kuch Ghabra Se Jaate Hai,
Apne Aanchal Ko Hawaon Ke Zor Par Lehrate Hai,
Mehsoos Mujhe Ye Hota Hai Ke,
Shayad Wo Mujhe Bahut Chahte Hai,
Mujhe Aisa Ehsaas Dilate Hai Jaise,
Wo Mujhse Kuch Kehna Chahte Hai,
Mere Puchhne Par Kuch Sharma Se Jaate Hai,
Kuch Ghabra Se Jaate Hai,
"Suniye" Keh Ke Bhag Jaati Hai,
Ajnabi Ladki Shayad Pyaar Karti Hai Mujhse,
Aisa Mehsoos Hota Hai Mujhe Jaane Kyon,
Dil Bhi Kitna Pagal Hai, Kya Kya Sochta Rehta Hai,
Kuch Masoom Se Jazbe Hai,
Kuch Andekhe Sapne Hai,
Magar Wo Nahi Jante Shayad,
Meri ZINDAGI To Koi Aur Hai...

Kya Pyaar Mein, Apni Wafa Ke Badle,
Sab Kuch Kho Diya, Paane Ki Aas Mein,
Kya Malum Tha, Dhoka Hai Tere Pyaar Mein,
Maangi Usse Wafa, Jo Shamil Tha Bewafaon Mein,
Pyaar Manga Aise Insaanse,
Jo Khud Anjaan Tha Pyaar Ke Naam Se,
Socha Na Tha, Usi Deep Se Jal Jayenge,
Har Khushi Nichhawar Kar Di Uske Pyaar Mein,
Uski Aankhka Har Ek Ansu, Bahaya Apni Aankh Se,
Phir Bhi Kuch Paa Na Saki Apne Pyaar Mein...

Udaas Mausam Ke Ratt-Jagon Mein,
Har Ek Lamha Bikhar Gaya Tha,
Har Ek Rasta Badal Gaya Tha,
Phir Aise Mausam Mein Kaun Aaye,
Koi To Jaye,
Tere Nagar Ke Musafatoo Ko Samet Laye,
Tere Gale Mein Hamar Sochein Bikhar Aaye,
Tujhe Bataye Ke Kaun Kaise
Uchhalta Hai Wafa Ke Moti,
Tumhare Janab,
Koi To Jaye,
Meri Zuban Mein Tujhe Bulaye,
Tujhe Manaye,
Hamare Halat Tujhe Bataye,
Tujhe Rulaye,
To Apne Dilko Bhi Chain Aaye...

Meri Khata Ko Tune Wajah Di,
Bina Baat Ke Bhi Mujhko Tune Saza Di,
Shola Tha Dil Mein Mere Gam Ka,
Uspar Tune Aur Aag Laga Di,
Samajh Ke Bhi Tune Itna Na Samjha,
Mere Pyaar Ne Bas Tujhko Sada Di,
Dilke Tukde Tukde Karke,
Zidd Se Tune Har Khwahish Mita Di,
Maine Manga Tha Sath Bas Tera,
Gairon Ke Paas Jaakar Meri Tune Qeemat Hi Gira Di,
Aansu Mere Dilke Gam Ke,
Maange Tujhko Aur Tune Mujhko Bas Daga Diya,
Samjhaye Bhi To Kaise Tujhko,
Tune To Har Baat Hans Ke Uda Di,
Dil Mein Hi Reh Gaye Din Wo Pyaar Ke,
Har Baat Tere Mere Dilki Tune Aye Sangdil Bhula Di,
Meri Khata Ko Tune Wajah Di,
Bina Baat Ke Bhi Mujhko Tune Saza Di,
Kitna Sitam Tu Laakh Aur Kar Le,
Dil Ne Mere Bas Tujhko Duwa Di...

Gamon Ke Samundar Mein Doobe Hai Khwab Mere,
Mere AshQon Mein Chhupe Hai Dard Ke Raaz Mere,
Sulag Raha Hai Mere Seene Mein Dukho Ka Dhuwan,
Jal Rahe Hai Rafta Rafta Sab Khwaab Mere,
Zakham Jitne Mile Wo Inaam The Mere,
Aye Khuda Mujhko Bata De Gunaah Mere,
Har Ghadi Meri Aankhein Nam Kyon Rehti Hai,
Rok De Saans Meri Ya Rok De Aankhon Ke Sailaab Mere...

Jab Dekha Teri Aankhon Mein Maine,
Tham Sa Gaya Ye Dil Mera,
Jab Chuma Labon Ko Tere,
Khil Sa Gaya Ye Dil Mera,
Jab Aayi Tum Meri Baahon Mein,
Mehek Sa Gaya Ye Dil Mera,
Jab Aya WaQt Juda Hone Ka Tumse,
Udaas Ho Gaya Ye Dil Mera,
Ab Ye Aalam Bhi,
Uthti Hai Nazrein Jahan,
Chehra Tumhara Hota Hai Wahan,
Mujhse Kehta Hai Ye Dil Mera,
Le Chal Wapas Mujhe Un Baahon Mein,
Sakoon Mujhe Milta Hai Jahan,
Gar Bas Mein Ho Mere Agar,
Cheer Kar Tumhe Dikha Dun Ye Dil Mera,
Jab Dekha Teri Aankhon Mein Maine,
Tham Sa Gaya Ye Dil Mera...

Kya Mila Mohabbat Se,
Khwab Ki Musaafat Se,
Visl Ki Tamazat Se,
Roz-O-Shab Riyazat Se,
Kya Mila Mohabbat Se,
Ek Shaam Yaadonki,
Ek Hijr Ka Sehra,
AUR
Ek Thaka Hua Aansu...

Dil Ke Dard Ko Dil Mein,
Chhupane Ka Maza Kuch Aur Hi Hai,
Roti Aankhonke Sath,
Khilkhilane Ka Maza Kuch Aur Hi Hai,
Jitne Bhi Phool The Daman Mein,
Unki Rahon Mein Bichha Diya Humne,
Ab Bache Hue Kaanton Pe Nange Panv
Chalne Ka Maza Kuch Aur Hi Hai,
Wo To Chhod Gaye,
Toote Sapnoke Sath Akela Mujhko,
Ab Jhuthe Waadonki Is Chubhan Ke Sath,
Har Pal Tutne Ka Maza Kuch Aur Hi Hai,
Jeene Ki Khwahish To Unke Sath Hi Chali Gayi,
Ab Apne Aapko Dekhke Jeete Hai,
Sach Maano Dost,
Gam To Mitle Hi Rahenge Rahon Mein,
Par Apnoki Khushi Ke Liye,
Muskurane Ka Maza Kuch Aur Hi Hai...

Wo Ek Khwab Jiski Sheh Par,
Meri Zindagi Ki Hazar Raatein,
Kabhi Na Bhoolein Wo Saari Baatein,
Mere Wajood Mein Bikher Rahi Hai,
Hazaron Khushiyan Wo Teri Yaadein,
Wo Ek Khwab Ke Jiski Shay Par,
Har Ek Shay Ko Sajaya Maine,
Wafa Ka Deepak Jalaya Maine,
Teri Mohabbat Ke Zakhm Lekar,
Khud Apni Hasti Ko Mitaya Maine,
Wo Tere Wade Wo Saare Bandhan,
Kabhi Na Khatam Ho Wo Saare Jazbe,
Unhe Main Tere Naam Likhun,
Wo Ek Khwab Ke Jiski Sheh Par,
Andheri Raahon Mein Kho Gaya Hoon,
Jaagti Aankhon Se So Gaya Hoon,
Main Apni Saanso Ka Ek Ek Moti,
Dhukon Ki Ladkyon Mein Piro Gaya Hoon,
Khule Samundar Mein Leke Kashti,
Khud Apne Haathon Dabo Gaya Hoon,
Wo Ek Khwaab Ke Jiski Sheh Par,
Naye Sawere Ki Ummid Le Kar,
Chala Hoon Ek Naye Safar Par,
Gamon Ke Pul-E-Saraat Se Guzar Kar,
Wo Ek Khwaab Ke Jiski Sheh Par...

Ek Umr Ke Baad Usko Dekha,
Aankhon Mein Sawal The Hazaron,
Honthon Pe Magar Wohi Tabassum,
Chehre Pe Likhi Hui Udaasi,
Awaz Mein Gunjti Judayi,
Baanhein Thi Magar Wasal-E-Samaa,
Simti Hui Uske Baazuon Mein,
Ta Der Sochti Rahi Thi,
Kisi Abr-E-Guraiz Paa Ki Khatir,
Main Kaise Shajar Se Kati Rahi Thi,
Kis Chhanv Ko TarQ Kar Diya Tha,
Main Uske Gale Lagi Hui Thi,
Wo Ponchh Raha Tha Aansu Mere,
Lekin Bahut Der Ho Chuki Thi...

Kabhi Tamanna Ke Raaston Par Nikal Pado To,
Khayal Rakhna,
Hawaein, Baadal, Fizayein, Mausam, Khayal,
Chehre Badal Badal Ke Tumhe Milenge,
To Lamha Lamha Badalte Rangon Ki Shokh Dhoke Mein Aa Na Jana,
Kabhi Jo Charon Taraf Tumhare
Kiran Kiran Apna Khwab Aasa Badein Nikhre,
Zameen Pe Utre,
To Dhundlako Mein Sama Na Jana,
Kabhi Jo Aankhon Mein Chand Hans Hans Ke Chandni Ka Khumar Bhar De,
To Apni Aankhein Kehne Khala Mein Ganwa Na Aana,
Ke Ye Na Ho Phir Jo Khwab Toote,
Dhanak Dhanak Ke Suraab Toote,
To Jism-O-Jaan Par Azab Toote,
Aru Hum Ba Mushkil Larazte Hathon Mein,
Kirchi Kirchi Badan Sambhale,
Khane Bulandi Pe Cher Ke Risti Hui Nigahon Mein,
Wapasi Ke Nishaan Dhundo,
Ujad Gaya Jo Jahan Dhundo,
Kabhi Tamnna Ke Raaston Pe Nikal Pado To Khayal Rakhna,
Khane Se Khali Palet Ke Aana Bahut Kathin Hai,
Bahut Kathin Hai..

Jab Seene Andar Saans Ke Dera Dolte Hai,
Sab Mausam Sard Hawa Mein,
Chup Si Gholte Hai,
Jab Aansu,
Palkien Rulate Hai,
Jab Sab Aawazein Apne Apne Bistar Par So Jati Hai,
Tab Ahista Ahista Ankhein Kholte Hai,
Dukh Bolte Hai...

Usse Kehna,
Mere Hisse Ka,
Koi Jugnu Koi Taara,
Jo Ho Sake To Bacha Ke Rakhna,
Agarcha Raahein Bahut Kathin Hai,
Ke Chand Raatein Bhi Jaa Chuki Hai,
Magar Mujhe To Hai Chalte Rehna,
Agar Mile To Usse Kehna,
Jo Teri Chahat Ka Dam Bhara Hai,
Jab Aa Bhi Jayega Dard Sehna...

Kabhi Kabhi Koi Yaad,
Bahut Purani Yaad,
Dilke Darwaze Par,
Aise Dastak Deti Hai,
Shaam Ko Jaise Taare Nikle,
Subah Ko Jaise Phool,
Jise Dhire Dhire Zameen Par,
Roshniyon Ka Nuzoul,
Jaise Rooh Ki Pyaas Bujhane,
Utare Koi Rasool,
Hans De Koi Malol,
Kabhi Kabhi Koi Yaad,
Koi Bahut Purani Yaad,
Dilke Darwaze Par Aise Dastak Deti Hai...

Gar
Main Ye Kahun Tumse
Mujhe Ek Baat Sunni Hai,
Tumhari Bolti Aankhein,
Jo Har Lamhe Ek Hi Baat Kehti Hai,
Mujhe Honthon Se Sunni Hai,
Tumhe Malum Hai Kuch Ke,
Wo Saari Ankahi Baatein Tumhari,
Jo Mujh Tak Pahuchne Se Pehle,
Hawaon Mein Bikhar Jaati Hai,
Main Unko Samet Kar,
Ibarat Banane Ki Saeei Karti Hoon,
Suno Jaana,
Ye Mushkil Hai,
Chalo Mana Ye Mushkil Hai,
Magar,
Tumhare Wo Awaz Ki Parchhaiyan,
Mujhse Kuch Kehna Chahti Hai,
Magar Kuch Keh Nahi Paati,
Meri Samaat Mein Ghul Kar Wohi Ek Baat Keh Do Tum,
Unhi Mein Se Dhoond Lo Wo Lafz,
Tumhari Shabnami Baatein Jo Kehti Hai,
Mujhe Wo Baat Sunni Hai Tumhari Bolti Aankhein Jo Kehti Hai,
Kaho Mujhse Mohabbat Hai,
Kaho Mujhse Mohabbat Hai...

Adhoore Khwaab Ke Andar,
Kabhi Palkein Mat Bichhana,
Adhoore Khwaab Aankhon Ko Bahut Takleef Dete Hai,
Adhoori Yaad Ko Dil Ki Zameen Mein Tum Nahi Bona,
Adhoori Yaad Dhadkan Mein Bahut Chubhti, Sisakti Hai,
Khalish Bankar Khatakti Hai,
Lahoo Mein Bijliyan Ban Kar Bhatakti Hai,
Adhoore Pyaar Ko..........Lekin Chalu Usko Jaane Do Tum,
Mohabbat. Pyaar, Chahat, IshQ, Adhoore Hi Hote Hai.

Dilko Koi Bhi Kali Hai In Dino,

Samne Uski Gali Hai In Dino,

Kis Liye Mehke Hue Hai Jaan-E-Dil,

Kya Kali Koi Khili Hai In Dino,

Khanda Zan Hai Mujhpe Meri Aagahi,

Wo Khushi Mujhko Mili Hai In Dino,

Qalb Ko Taskeen Si Milne Lagi,

Kya Bala Koi Tali Hai In Dino,

Subah Ki Soorat Nazar Aati Nahi,

Shaam Ye Kaisi Dhali Hai In Dino,

Rab Taala Ne Suni Khanam Ki Baat,

Ye Khabar Mujhko Mili Hai In Dino...

MERI ROOH,

Main Shigaf Aal Kar,

Wo Bahut

Pur Sukoon Hai,

Is Baat Se Bekhabar,

Ke Meri Rooh Mein Basne Wala,

Ek FaQt,

Wohi To Hai...

Wo Jo Shakh Se Toot Kar Gira Tha Hawa Ke Ek Jhonke Se,
Manzil Thi Kya? Phoolon Ki Sej Ya Kisi Ka Kaanton Bhara Nasheman,
Dukhon Ki Bhatti Mein Sulag Sulag Ke Tamaam Hona,
Khushi Ke Chand Lamhe Pana Aur Phri Matti Mein Mil Kar Khak Hona,
Ghalazatin Ho Kisika MuQaddar To Kisi Ka Rehguzar,
Koi Gira Naali Mein To Koi Pairon Tale Ronda Gaya,
Kisiko Kya Malum Tha Kya Hai Uska Mukaam-E-Abad,
Kyon Har Ek Ki Manzil Thi Alag, Patte To The Wo Ek Hi Shajar Ke...

Haan Abhi Bhi,
Jaan Kuch Baaki Hai,
Saans Kuch Baki Hia,
ArMaan Kuch Baaki Hia
Aur In Ashkon Ki, Rawaani Kuch Baaki Hai
HuM SaMay Ke Dariya Mein
Yun Tanha Tanha,
Aankhon Me Ashq Bhare Bhare,
In Dharaon Me Behte Behte,
KhaMosh Dishaon Mein
Kabhi Kidhar Kho Jayein
Kya Unhe Khabar Bhi Hogi Yaa Rab!!!

Mujhe Bas Itna Kehna Hai,
Kabhi Main Yaad Aaun To,
Kabhi Tanhayi Ki Raatein
TuMhe Zyada Satayein To,
Kabhi Titli Na Bole To,
Aur Jugnoo Laut Jaye To,
Kabhi Jab Dil Bhi Bhar Jaye,
Koi Jab Sunn Na Paye To,
Agar Sab Dost Sathi Bhi,
Jo TuMse Rooth Jaayein To,
Kabhi Jab Khud Se Lad Lad Kar,
Thakan Se Choor Ho Jao,
Kabhi Chahte Hue Bhi Khud Akele
Ro Na Paao To,
Apni Aankhon Ko Band Karna,
Mujhe Aawaz De Dena,
Aur Phir Mere Tasawwur Se,
Jo Chaho Baatein Kar Lena,
Mere Kaandhe Par Sar Rakh Kar
TuM Jitna Chaho Ro Lena,
Phir Khud Me Jab Laut Jao To,
Wahi Duniya Mein Chale Jana,
Magar Bas Itna Kehna Hai
Ke Jab Bhi Dukh Ya Khushiyon Mein
HaMein Dilse Pukaroge,
KasaM Khuda Ki Kabr Mein Bhi Honge
To Laut Aayenge HuM...

Mere Dilke Kore Kagaz Pe
Yaad Karo Kabhi Kuch Likha Tha TuM Ne,
Mere Tasavvur, Meri Yaadon Mein Rahoge Har Ghadi,
Socho Ye Kabhi Kaha Tha TuMne,
Phir Jane Kya Hua TuM Ruthe Ya HuM Ruthe,
Yun Wo Chah Bhi Na Rahi Jis Chah Se Kabhi Chaha Tha TuMne,
Mere Dilke Kore Kagaz Pe
Yaad Karo Kabhi Kuch Likha Tha TuMne...

Main Jiske Dilki Kitab Banti
Main Jiski Chahat Ka Khwab Banti

Main Hijr MausaM Ki LaMbi Raaton Mein Yaad Bankar Azaab Banta
Koi To Hota!!!
Jo Meri Khwahish Me Uth Kar Raaton Ko Khoob Rota,
Dukhon Ki Chadar Lapet Kar Duniya Walon Se Door Hota,
Main Rooth Jaati Manata Mujhko Ke Chahe Mera Kasoor Hota,
Koi To Hota!!!
Jo Mujhko Dil Ka Karaar Kehta,
Rago Ko Apni Fishar Kehta
Udaas MausaM Mein Tazgi Ki Biyar Ban Kar,
Jo Meri Baahon Ko Aarzu Ka Diyar Kehta,
Koi To Hota!!!
Dua Se Apni Jo Dukh Bhi Mere SaMet Leta,
Wo Is Jahan Se GaMon Ka Mere Hisab Leta,
Wo Saari Duniya Ki Rafaqaton Ke TaMaM Rishte,
Koi To Hota!!!
Main Jiske Itna Kareeb Hoti,
Na Paas Koi Parchhayi Hoti,
Main Tanha Uski Habeeb Hoti,
Ye Daastan Bhi Ajeeb Hoti,
Koi To Hota,
Aye Kaash, Koi To Hota!!!

Musalsal Baithna Tanha,
Musalsal Sochna Tanha,
Musalsal Dekhna Khud Ko,
Musalsal Janchna Tanha,
Musalsal KhaMoshi Sab Ki,
Musalsal Bolna Tanha,
Musalsal Uljhanein Dil Ki,
Musalsal Kholna Tanha,
Musalsal Jodna Sabko,
Musalsal Tootna Tanha,
Musalsal Aankh Mein Rehna,
Musalsal Doobna Tanha,
Musalsal Saad Achha Hai,
Musalsal Dhoondna Tanha...

Woh Saari Baatein Khwab Hui,
Aur Khwab Se Phir Azaab Hui,
Jab TuMko Saba Ke Jhonke Se,
PaighaM HaMara Milta Tha,
Jab Meri Ek Nazar Se Hi
Chehra Ye TuMhara Khilta Tha,
Kuch Yaad Sa TuMko Hai JanaM
Jab Ghanto Baatein Karneki Aadat Roz Ki Thi,
Kuch Der Jo Mujhko Ho Jaati
TuM Ghanto Rootha Karte The,
Kabhi Geeton Ki Kabhi Sheron Ki,
TuM Khwahish Mujhse Karte The,
Kabhi Pyar Tha Meri Baaton Se,
Mere Chehre Se Meri Aankhonse,
Aur Jhank Ke Meri Aankhon Mein
TuM Khudko Dhunda Karte The,
Ek Do Din Dekh Na Paao To,
TuM Bekal Bekal Rehte The,
Aur Ab To Aisa AalaM Hai,
Koi Chahat Hai Na Ulfat Hai,
Kya Pyaar, Mohabbat Aur Wafa,
Is Zikr Se TuM Ko Vehshat Hai,
Main Laakh Tasalli Khud Ko Dun,
Ke Ab Bhi Teri Khwahish Hoon,
Anjaan Bezaaar Se Lagte Ho,
Main Ab Bhi Teri Talabgaar Hoon,
Par Dhoka Aakhir Dhoka Hia,
Kab Tak Dilko Behlayega
Do Palki Khushiyan De Kar Ye
Mujhe Sadiyan Lahoo Rulayega,
Kyon TuM Takdeer Se Ladte Ho,
Kyon Khudko Dhoka Dete Ho,
Khwabon Ke Tukde Chun Ke Ab,
Kyon Khudko Ghayal Karte Ho,
Ye Baat TuMhein MaluM To Hai,
Kab Beeti Yaadein Lauti Hia,
Jo Baatein Khwab Si Ho Jayein,
Wo Baatein Khwab Hi Rehti Hai.

Hawa Ko Likhna Jo Aagaya Hai,
Ab Uski Marzi Ke Wo Khizan Ko Bahar Likh De,
Bahar Ko Intezar Likh De,
Safar Ki Khwahish Ko WehMon Ke Azaab Se HaMkinaar Likh De,
Wafa Ke Raaston Par Chalne Walon Ki KisMatonMe Gubaar Likh De,
Hawa Ko Likhna Jo Aagaya Hai,
Hawa Ki Marzi Ke Wasal MausaM Me Hijr Ko Hissedaar Likh De,
Mohabbaton Ke Guzarne Wali Raaton Ko Na-Paidaar Likh De,
Shajar Ko KaM Sayadaar Likh De,
Hawa Ko Likhna Jo Aagaya Hai,
Ab Uski Marzi Ke Wo HaMare Diye Bujha Kar,
Shabon Ko Ba-Ikhtiyaar Kar Ke Seher Ko Be-Aitbaar Likh De,
Hawa Ko Likhna Sikhane Walo,
Hawa Ko Likhna Jo Aa Gaya Hai...

Koi Kaash Tujhe Batlata
Hijr Mein Kaisa Khwab Tha Utra,
Rooh Par Kaisa Azab Tha Utra,
Koi Kash Tujhe Batlata,
Kitni Yaadon Ka GaM Charon SiMat Tha Mere,
Dil Mein Bilkul MataM Jaisa Shor Tha Mere,
Kitne Kaante Dil Me Chubhe The,
Kitne Ashq Meri Aankhon Mein Thehre The,
Koi Kash Tujhe Batlata...

Wo Nahi Hai To Uski Chahat Me Kis Liye,
Din Raat Sanwarte Ho?
Khud Se Be Matlab Baatein Karte Kyon Ho?
Apni Hi Parchhayi Nochne Ke Liye
Khudse Ulajhte Darte Kyon Ho?
Unki Shakal Dekhke Aine Me
Aaine se Guftugu Karte Kyon Ho?

Bahut Muddat Ke Baad Kal Jab
Kitab-E-Zindagi Ko Maine Khola,
Bahut Se Chehre Nazar Mein Utre,
Bahut Se NaaMo Pe Dil Machla,
Ek Aisa Safa Bhi Aisa Aaya,
Likha Hua Tha Jo Aansuon Se,
Ke Jiska NaaM Dost Tha,
Jo Safa Sabse Pyaara Aur Aziz Tha,
Kuch Aur Aansu Ispe Tapke,

Kitab-E-Zindagi Ko Band Kar Ke
TuMhari Yaadon Mein Kho Gayi Main,
Agar Tu Milta To Kya Hota,
Inhi Khayalon Main So Gayi Main...

Udasi, TuM Use Kehna,
Hawa Ke Haath Me Kuch Bhi Nahi Hai,
Aur Sada Veeran Phirte Hai,
Tujhse Bichhde Hue Aksar HuM,
Ujre Hue Shehron Me Aksar Bhagta Phirta Hai,
Aksar Jaagta Phirta Ahi
So Nahi Paaya Hai
Aur Udasi TuM Use Kehna,
TuMhi Dukh Me Nahi Ho
HuM Bhi Apni Raakh
Hathon Mein Liye,
Aur Siskiyan Leti Hui Tanhai Ke Baal Khole Bayan Karti Hai,

Udasi! TuM Use Kehna,
TuM Hi Dukh Mein Nahi Tanha,
Yahan Bhi Hawa Ke Haath Me Kuch Bhi Nahi Hia,
Khala Jo Zaat Ki Har Char Diwari Ke Andar Hia,
Kabhi Bhi Bhar Na Payega
Yahan Bhi Har Sada Veeran Phirti Hai,
Udaasi TuM Use Kehna,
Udaasi TuM Use Kehna...

Aitbaar Kachi Dor Se Bandhi Patang Hai,
Jise Wajood Ki TaMaM-Tar Sachaiyon Se
Udana Hi MuMkin Hai,

Aur Agar Aitbaar Ek Baar Toot Jaye
To Zindagi Maut Jaisi To Nahi
Lekin Bas Itna SaMajh Lo Ke
Maut Se Kuch KaM Bhi Nahi Hogi

Chalo Chhodo!!!
Mohabbat Jhuth Hai,
Ahd-E-Wafa Ek Shauk Hai Bekar Logonka,
Mujhe Ehsaas Kab Tha...
Ke TuM Bhi MausaMon Ke Sath
Apni Chahat Ke Rang Badloge,

Chalo Chhodo!!!
Mera Hona Na Hona Ek Barabar Hai,
TuM Apne Dikhawo Ko Aaine Mein
Phir Nikharne Do,
TuM Apni Aankh Ki Basti Mein,
Phir Se Ek Naya MausaM Utarne Do,
Mere Khwabon Ko Marne Do,
Nayi Tasveer Dekho,
Phri Naya Afsaana Likho,
Phir Naye MausaM Naye Lafzon Se Apna Silsila Jodo,
Mere Mazi Ki Chahat Ko Barbaad SaMjho,
Meri Yaadon Se Kachhe Rabte Todo,
Haan...
Chalo Chhodo
Mohabbat Jhuth Hai,
Ahd-E-Wafa Shauq Hai Bekar Logonka.

Aakhri Baar Jaane Kyon Maine,
Mud Ke Dekha TuMhari Aankhon Mein,
Ek LaMha Tha Wo Faqat LaMha,
Bheed Mein Doobkar Jo Tanha Tha,
Saans Bhi Chup Thi Dhadkanein Bhi GuM,
Ek Sannata Sa Tha Chhaya Hua,
Waqt Ke Be-LagaM Ghode Ko,
Maine Bebas Sa Ruka Paya Tha,
Kaash Jo Mere Bas Mein Hota
Waqt Ke Ghode Ka Maarke Chabook
Main Yaqeenan Us Ek LaMhe Ko
Itna Dushwar Na Banane Deti
Tez In Zindagi Ki Raahon Mein,
Khusq Patte Se Hi Uda Deti...

Yahan Charon Taraf Kagaz Hai Bikhre,

Ki Soch Unpar Din Bhar Khelti Hai,

Kabhi Hansti Hai To Kabhi Jhagadti Hai,

Kabhi Main Laakh Chahun Paas Na Aati,

Mujhe Kuch Door Se Hai Munh Chidhati,

Ye Mujhko Chain Se Rehne Na Deti,

Ye Kaisi Mushkilon Me Aa Fansi Hoon,

Ke Ek KashMakash Si Charo Soo Hai,

Wo Ek Hansti Si Soch Ko Jo Likh Dun,

To Wo Royi Si Bas Hai Rooth Jati,

Jo Us Royi Si Ko Jaaun Manane,

To Wo Ek Chulbuli Hai Munh Chidhati,

Ye Sochein Ki Ya Ki Hai Ye DushMan,

Koi Inko Hata Bhi Le Yahan Se,

Ke Main In Sab Se Tang Ab Aa Chuki Hoon,

Ye Mujhko Chain Se Jeene Nahi Deti,

Magar Ek Baat Hai TuMko Bataun,

Ke TuM Ho Mere Apne Isliye Hi,

Main TuMse Keh Rahi Hoon Raaz Rakhna,

Ke Main Inke Bina Kuch Bhi Nahi Hoon,

Jo Inko Hata Do Door Mujhse,

To Main Goongi Si Ho Jaugni Sach,

Ki Mujhko Aati Hai Sirf Inki Bhasha,

Ye Baaqi Duniya Hai Bas Ek TaMasha,

Mera Jo Kuch Bhi Hai Bas Ye Shayri Hai,

Ke Yehi Bas Ab Meri Bandagi Hai,

Khuda Sajda Mera Qubool Karna,

Meri Is Soch Ko Maqbook Karna...

TuMhare Paas Kya Kabhi Meri Yaad Aayi??
Kisi Raat Ke Sanante Me Kisine TuMhe Rulaya Kya?
TuMhe Sataya Kya??
Kabhi In Guzre Hue LaMho Ne,
Kya TuMhe Bechain Kiya? Aur Sataya Kya??
Kya TuMne Kabhi Mera NaaM Hath Par
Likh Kar Mitaya Kya???

Mujhe TuM Se Kuch Puchna Hai
Kya TuM Jawab Doge???
Kabhi Tanhayi Mein Baithkar Aankhein Band Karke,
Mera NaaM Liya Kya??
TuM Meri Zindagi Ho Meri Jaan Ho,
Main Tere Bina Kuch Bhi Nahi Hoon Ab Bhi Wakt Hai Laut Aao..

Suna Tha Ke Mohabbat
Badi Jaan Leva Hoti Hai,
JisM-O-Jaan Ko Maar Dete Hai,
Ek Aag Si Saare Wajood Mein Bhar Deti Hai,
HaMein MaluM Tha,
So HuM Isse Door Rahe
Magar Na Jane Kab QadaM Bekhudi Mein
Is Reh-Guzar Mein Mood Gaye,
Aur Phir
Phool Bichhane Chahe HuMne,
NagMe Bhi Likhe HuMne,
Nigahon Mein Basaya Usko,
Dil Me Bhi Jagah Di Usko,
Uske Dukho Ki Kirchiyan,
Palon Se Chune HuMne,
Uski Raahon Ko Roshan Kiya HuMne,
Khud Ko Dukhi Karke
Magar Na Jane Kya Hua........
Murjha Gaye Phool Saare,
NagMe Besada Hue,
Sazo Se Sisikiyan Purote
Aur Raah Mein Guzar Sehra Hui
Sehra Bhi Kaisa
Tapta Hua
Main Chahti Na The Lekin Door Tak Nikal Gayi,
Aur Jab Palat Kar Dekha To,
Raasta Hi Nahi Tha,
Usko Pukara Bahut,
Magar Apni Hi Sada Wapas Palat Kar Aayi,
Ke Ya To
Har Sada Bedard Thi,
Kis Tarah SiMte Wajood Mera,
Raahein Hai Kaanto Si,
Sheher Hai Veeran Sa,
Sard Hawayein Deti Hawa Har ZakhM Ko,
Dard Se Hoon Chooor,
Magar Chalna To Hai!!
Tanhayi Ke Sehra Mein,
Rehna To Hai,
Koi Dekhe Bebasi Meri,
Jeene Ki Aarzu Nahi,
Magar Jeena To Hai...

Wo Guzri Baatein Chhod Kar,
Wo GaMon Se Naata Tod Kar,
Phir Se Naye Rishte Jod Kar,
Apni Taqdeer Aap Banayein,
Chalo Phir Se Muskurayein,
Logonko Khushiyan De Kar,
Ek Nayi Duniya De Kar,
Raat Mein Khone Walon Ko,
Seedha Rasta Dekhein
Chalo Phir Se Muskurayein,
Wo Purane Sapne Jod Kar,
Wo Toote Dilonko Jod Kar,
Wo Guzre Hue Kal Se,
Kuch Sikhein Kuch Sikhayein,
Chal Phir Se Muskurayein,
Wo Bebasi Ko Mita Kar,
Wo Mayoosi Ko Hata Kar,
Dilke Kisi Kone Mein Deep Jalayein,
Aur Chand Ko Andheri Raat Mein ChaMkayein,
Chalo Phir Se Muskurayein...

Laazim Hia Ke Hum Bhi Dekhenge,
Wo Din Ke Jiska Wada Hai,
Jo Loh-E-Azel Mein Likha Hai,
Jab Zulm-O-Sitam Ke Koh-E-Giran,
Rui Ki Tarah Ud Jayenge,
Hum Mehkomon Ke Panv Tale,
Jab Dharti Dhak Dhak Dhadkegi,
Jum Ehle Hukum Ke Sir Upar,
Jab Bijli Kur Kur Karegi,
Jab Arz-E-Khuda Kee Kaaba Se,
Sab Bott Uthvaye Jayenge,
Hum Ehle Safa Mardoode Harum,
Musned Pe Bithaye Jayenge,
Sab Taaj Uchhale Jayenge,
Sab Takhat Giraye Jayenge,
Bus Nam Rahega Allah Ka
Jo Ghaib Bhi Hai Hazir Bhi,
Jo Manzar Bhi Hai Nazir Bhi,
Or Raaj Karegi Khalq-E-Khuda
Jo Main Bhi Hoon Aur Tum Bhi Ho...

Itne Kare Vasii Nizaam Men Sirf Aik Merii Hii Nekii Se Kyaa Hotaa Hai
Main To Is Se Ziyaadah Kar Hii Kyaa Saktaa Hun
Mez Par Apnii Saarii Duniyaa : Kaghaz Aur Qalam Aur Tutii-Phuutii Nazmen
Saarii Chiizen Bare Qariine Se Rakh Dii Hain,
Dil Men Bharii Hu’ii Hain Itnii Acchii Acchii Baaten,
Un Baaton Kaa Dhyaan Aataa Hai To Ye Saans Barii Hii Besh-Bahaa Lagtii Hai
Mujh Ko Bhii To Kaisii Kasii Baaton Se Raahat Miltii Hai
Mujh Ko Is Raah Men Saadiq Paakar
Saare Jhuut Merii Tasdiiq Ko Aa Jaate Hain
Ek Agar Main Sacchaa Hotaa,
Merii Is Duniyaa Men Jitne Qariine Saje Hu’e Hain
Un Kii Jagah Be-Tartiibii Se Pare Hu’e Kuch Tukre Hote
Mere Jism Ke Tukre, Kaale Jhuut Ke Us Chalte Aare Ke Niiche !
Itne Bare Nizaam Se Merii Nekii Takraa Saktii Thii,
Agar Ek Main Hii Sacchaa Hotaa !

Mujhe Mat Batana
Ke Tum Ne Mujhe Chhorne Ka Irada Kiya Tha,
To Kyon
Aur Kis Wajahse
Abhi To Tumhare Bichhadne Ka Dukh Bhi Kam Nahi Hua,
Abhi To Main
Baaton Ke, Waadon Ke Sheher Mein
Aankh Par Khush Gumani Ki Patti Ke Liye
Tum Ko Pairon Ke Pichhe, Darakhton Ke Jhund
Aur Deewar Ki Push Par Dhoondne Mein Magan Hoon,
Kahin Par Tumhari Sada Aur Kahin Par Tumhari Mehek,
Mujh Par Hansne Mein Masroof Hai,
Abhi Tak Tumhari Hansi Se Dil Behlaye Hue Hoon,
Aur Is Jung Mein Mera Hathyaar
Apni Wafa Par Bharosa Hai Aur Kuch Nahi,
Ise Kam Karne Ki Koshish Na Karna,
Mujhe Mat Batana...

Kyon Raat Ki Ret Pe Bikhre Hue,
Taaron Ke Kankar Chunte Ho?
Kyon Sannate Ki Silwat Mein
Lipti Aawazein Sunte Ho,
Kyon Apni Pyaasi Palkon Ki Jhalar Mein,
Khwab Purote Ho,
Kyon Rote Ho???

Ab Kaun Tumhari Aankhon Mein
Sadiyon Ki Nind Undelega?
Ab Kaun Tumhari Chahat Ki
Haryaali Mein Khel Khelega?
Ab Kaun Tumhari Tanhayi Ka
Un Dekha Dukh Jhelega?

Ab Aisa Hai__________????

Ye Raat Musallat Hai Jab Tak
Ye Shamayein Jab Tak Jalti Hai,
Ye Zakham Jahan Tak Chubhte Hai,
Ye Saansein Jab Tak Chalti Hai...

Tum Apni Soch Ke Jungle Mein Rah Bhatkoo Aur Phir Kho Jao!!!
Ab So Jao...

Ye Zard Mausam Ke Khushk Patte,
Haya Jinhe Le Gayi Udakar,

Agar Kabhi Inko Dekh Paao
To Soch Lena
Ke In Mein Har Barg Ke Namo Mein
Ziyan Gaya Arq Shaakh-E-Gul Ka
Kabhi Ye Sar-Sabz Konpalein Thi,
Kabhi Ye Shadaab Bhi Rahe Hai,
Khule Hue Honth Ki Tarah Narm Aur Shagufta
Bahut Dino Tak
Ye Sabz Patte
Hawa Ke Relon Mein Bebasi Se Tapad Chuke Hai,
Magar Ab Ye Khushk Ho Rahe Hai,
Magar Ye Ab Khushk Ho Chuke Hai,
Agar Kabhi Is Tarafse Guzro,
To Dekh Lena
Barahana Shaakhein Hawa Ke Dil Mein Gadi Hui Hai,
Ye Ab Tumhare Liye Nahi Hai...

Kaun Kise Ab Mere Ilawa Khone Ka Dukh Jhelega,
Kaun Yahan Ab Bekal Hoga Dil Mein Kuch Armaan Liye,
Gar Ye Mutthi Khul Jaye To Jante Ho Kya Paoge?
Aansu Bankar Beh Jane Wale Ek Adhuri Neend Ka Dukh,
Ek Sisakta Sajdah Jiske Aakhir Mein Do Uthe Haath,
Bin Mange Kuch Dhalke Honge Apne Aap Bejaan Liye,
Ek Jhijhakta Aks, Lamha Bhar Chamka Tha Aaine Mein,
Dooje Pal Hi Khud Se Khafa Tha Kuch Tevar Anjaan Liye,
Sehra Hothon Ki Wo Hasrat Pyaas Ka Ek Meezan Liye,
Do Aankhein Jo Gum Sum Hai Ab Khwabon Ka Ehsaan Liye,
Us Manzar Ko Takti Reh Gayi Jo Ab Shayad Badlega,
Ek Udasi Ka Paikar Kuch Bikhre Bikhre Haalon Mein,
Ishq Ka Pehla Misra Likh Kar Jazb Ka Ek Deewan Liye,
Ek Adhoori Nazm Ka Misra, Ek Takmeel Ki Khwahish Mein,
Samjhe Jaane Ki Hasrat Ka Namumkin Imkaan Liye,
Sari Umr Ki Ummeedon Ke Be-Rooh Jismon Ke Lashkar,
Aaj Bhi Yakja Ho Baitha Tha Rayeegan Jaane Ki Khatir,
Ek Musalsal Mehv-E-Intezaar Tamanna Jane Kya Kya Dhyan Liye,
Dinke Kinaron Par Kuch Khoye Safhey Rakh Ki Soorat Thi,
Apne Andar Jal Bujhi Shikaston Ki Ek Daastan Laye,
Kaun Ise Ab Mere Ilawa Kholne Ka Dukh Jhelega,
Ek Shikasta Din Ki Mutthi Band Ahi Kuch Samaan Liye..

Sitaron Se Bhare Aasman Ki Wusaaton Mein,
Mujhe Apna Sitara Dhundna Hai,
Falak Par Keh-Kashan Dar Keh-Kashan Ek Bekaraani Hai,
Na Uska Naam Hai Malum--Na Koi Nishani Hai,
Bas Itna Yaad Hai Mujhko,
Azal Ki Subah Jab Sare Sitare,
Alwidayi Guftagoo Karte Hue Raasto Pe Chal Nikle The,
To Uski Aankh Mein Ek Uar Taara Jhilmilaya Tha,
Usi Taare Ki Soorat Ka,
Meri Bhigi Hui Aankhon Mein Bhi Ek Khwab Rehta Tha,
Main Apne Aansuon Mein Apne Khwabon Ko Sajata Hoon,
Aur Uski Raah Takta Hoon,
Suna Hai Gumshuda Chizein Jahan Par Khoyi Jaati Hai,
Wahin Pe Mil Bhi Jaati Hai...

Khule Paniyon Mein Ghiri Ladkiyan,
Naram Lehron Ke Chhinte Udati Hui,
Baat Baat Pe Hansti Hui,
Apne Khwabon Ke Shehzade Ka Tazkara Karti Hui,
Jo Khamosh The Unki Aankhon Mein Bhi
Muskurahat Ki Tehreer Thi,
Hamari Hansi Aur Mojon Ke Ahang Se Bekhabar,
Door Saahil Par Baithi Hui Ek Nanhi Si Bachhi,
Ret Se Ek Nanha Gharonda Banane Mein Masroof,
Aur Main Sochti Thi,
Ya KHUDA Ye Hum Ladkiyan,
Kachhi Umar Se Khwab Kyon Dekhna Chahti Hai?

Mohabbat Jab Lahoo Bankar
Ragon Mein Sarsaraye To,
Koi Bhula Hua Chehra
Achanak Yaad Aaye To,
Kadam Mushkil Se Uthte Ho,
Irade Dagmagaye To
Koi Maddham Se Lehje Mein
Tumhe Wapas Bulaye To,
Thaher Jaana
Samajh Lena
Ke Ab Wapas Palatne Ka Amal Agaaz Hota Hai
Kabhi Tanhaiyon Ka Dard
Aankhon Mein Samaye To,
Koi Lamha Ghuzishta Chahaton Ka,
Jab Sataye To,
Kisiki Yaad Mein Rona,
Tumhe Bhi Khoon Rulaye To,
Agar Tumse Tumhara Dil,
Kisi Dam Rooth Jaye To,
Kabhi Anhoniyon Ka Dar,
Parindon Ko Udaye To,
Hawa Jab Darakht Se Ek Zard Sa,
Patthe Gire To
Thaher Jana,
Samajh Lena
Ke Ab Wapas Palatne Ka Amal Aghaaz Hota Hia...

Wo Janta Tha
Bahut Pasand Hai Baarishein Mujhe,
Aur Isi Liye
Jaate Samay Meri Aankhon Ko
De Gaya Hai Sawan Ka Pata!!!

Suno Ladki....
Abhi Tum Ishq Mat Karna,
Abhi Gudiya Se Khelo Tum,
Tumhari Umar Hi Kya Hai,
Faqat Satrah Baras Ki Ho,
Abhi Masoom Bachi Hai,
Nahi Malum Abhi Tumko,
Ke Jab Ye Ishq Hota Hai,
To Insaan Kitna Rota Hai,
Sitaare Toot Jaate Hai,
Saharae Chhut Jaate Hai,
Abhi Tumne Nahi Dekha,
Ke Jab Sathi Bichadte Hai
To Kitna Dard Milta Hai,
Ke Har Farqat Ke Mausam Mein
Hazaron Gum Ubharte Hai,
Hazaron Zakhm Khulte Hai,

Suno Ladki...
Meri Mano
Padhai Par Tawajo Do,
Kitabon Mein Gulabon Ko
Kabhi Bhoole Se Mat Rakhna,
Kitabein Jab Bhi Khologi,
Ye Kaanto Ki Tarah Dil Mein
Chubhenge Khun Bahenge,
Tumhe Pehron Satayenge,
Kisiko Khat Nai Likhna,
Likhayi Pakdi Jaati Hai,
Badi Ruswai Hoti Hai,
Kisiko Phone Mat Karna,
Sadayein Dil Dukhati Hai,
Wo Awazein Satati Hai,
Meri Nazmein Nahi Padhna,
Ye Mehshar Utha Dengi,
Tumhe Pagal Bana Dengi,

Suno Ladki...
Meri Mano
Apni Takdeer Se Tum
Khulke Mat Ladna
Abhi Gudia Se Khelo Tum,
Abhi Tum Ishq Mat Karna...

Is Wakt To Yun Lagta Hai Ke Kuch Bhi Nahi Hai,
Mehtaab Na Suraj, Na Andhera Na Sawera,
Aankhon Ke Dareeche Mein Koi Husn Ki Chilman,
Aur Dil Ki Panahon Mein Kisi Dard Ka Dera,
Shayad Woh Koi Wehm Tha Mumkin Hai Suna Ho,
Galiyon Mein Kisi Chap Ka Ek Aakhri Phera,
Shakhon Mein Khayalon Ke Ghane Ped Ki Shayad,
Ab Aa Ke Karega Na Koi Khwab Basera,

Ab Bair Na Ulfat Na Koi Rabt Na Rishta,
Apna Koi Tera Na Paraya Koi Mera,
Mana Ke Ye Sunsaan Ghadi Sakht Kadi Hai,
Lekin Mere Dil Ye To Fakt Ek Hi Ghadi Hai,
Himmat Karo Jeene Ko To Ek Umar Padi Hai...

Khush-Haal Se Tum Bhi Lagte Ho,
Yun Afsurda To Hum Bhi Nahi,
Par Jannewale Jante Hai Khush Tum Bhi Nahi,
Khush Hum Bhi Nahi.....

Tum Apne Khudi Ke Pehre Mein,
Aur Dam-E-Gharoor Mein Jakde Hue,
Hum Apne Zaum Ke Nerghay Mein,
Una Haath Hamare Pakde Hue,

Mehsoor-E-Talatum Aaj Bhi Ho,
Jo Tumne Kinare Dhund Liye,
Toofan Se Sambhle Hum Bhi Nahi,
Kehne Ko Kinare Dhund Liye,

Ek Muddat Se Ghaltan Paichan,
Tum Rabt-O-Guraiz Ke Dharaon Mein,
Hum Apne Aap Se Uljhe Hue,
Pachhtawon Ke Angaron Mein,

Khamosh Se Tum Ho Muhur Ba-Lub
Jug Beet Agye Kuch Baat Kiye,
Suno Khel Adhoora ****te Hai,
Bina Chaal Chale Bina Maat Kiye,

Jo Bhagte Bhagte Thak Jayein,
Wo Saaye Ruk Bhi Sakte Hia,
Chalo Todo Kasam Ikraar Karein,
Hum Dono Jhuk Bhi Sakte Hai...

Wisaal-O-Hijr Me
Ya Khwab Se Mahroom Aankhon Me
Kisi Ahd-E-Rifaqat Me
Ke Tanhai Ke Jangal Me
Khyal-E-Khal-O-Khad Ki Roshani Ke Gahre Baadal Me
Chamkti Dhoop Me Ya Phir
Kisi Be Abr Saye Me
Kahin Baarish Me Bhige Jism-O-Jaan Ke Nasrparon Me
Kahin Hoton Pe Shairon Ki Mahaktie Aabsharon Me
Chiraghon Se Saji Shaamon Me
Ya Benoor Raaton Me
Sahr Ho Runuma Jaise Kahin Baaton Hi Baaton Me
Koi Lipta Hua Ho Jis Tarah
Sandal Ki Khushboo Me
Kahin Pe Titliyon Ke Rang Tasweeren Bana Te Hon
Kahin Pe Jugnuon Ki Muthiyon Me Roshani Khud Ko Chupati Ho
Kahin Kaisa Hi Manzar Ho
Kahin Kaisa Hi Mausam Ho
Tere Saare Hawalon Ho
Teri Saari Misalon Ko
Mohabbat Yaad Rakhti Hai

Hath Ki Lakeeron Mein
Kya Talash Kartey Ho?
In Fazool Baton Mein
Kis Liye Ulajhtey Ho?
Jisko Milna Hota Hey
Bin Lakeer Dekhey Hi
Zindagi Ke Raston Per
Sath Sath Chalta Hey
Phir Kahan Bichharta Hey
Jo Nahi Mukaddar Mein
Kab Hamein Wo Milta Hey
Kab Wo Saath Chalta Hey
Hath Ki Lakeeron Mein
Kya Talash Karte Ho?......

Kya Tum Bhi
Aansoo Rokne Ki Koshish Mein,
Palkein Tez Tez Jhapakte Ho,
Aur
Kisi Sandese Ki Aas Mein Baar Baar,
Darwaze Ki Jaanib Lapakte Ho,
Kya Tum Bhi
Phool Pe Girti Barish Ki Awaz Se
Aur
Door Kahin Bajne Wale Almiyaan
Saaz Ki Awaz Se,
Aafsurda Ho Jaate Ho...

Aye Dil-E-Tabah Tu
Khwahishon Ke Raasto Par
Kya Falah Payega
Is Jahan Ke Hangame
Tu Samajhna Payega
Aise Mein Mit Hi Jayega,

Barf Ki Chitano Mein,
Ishq Ki Tapish Kahan,
Munjamid Hawaon Mein,
Parwaz Ka Haasil Kahan,
Wo Shakhs Thik Kehta Hia,
Jahan Mein Jitne Dil Dukhega
Utna Sukun Payega,
Par Tu Ye Bhi Na Kar Payega,

Tere Is Dasht Nawardee Mein,
Jo Ek Sarab Aya Hai,
Jab Paas Uske Jayega
Tu Kuch Bhi To Na Payega,
Phri Tu Use Bhulega,
Aur Ye Bhi Kar Na Payega,
Aye Dil-E-Tabah Tu,
Khwahishon Ke Raaston Par,
Kya Falah Payega...

TUM! TUM HO NA!
Jisne Mujhse
Mera Maazi Chhin Kar,
Uske Purze Purze Kar Dalein Hai,
Bawajood Ye Jaanne Ke
Mujhe Kitaab-E-Maazi Ka Har Lafz Yaad Hia,
Tum Kyon Ek Nayi Kitab Likh Rahe Ho Mere Andar,

Tum! Tum Hi Ho Na,
Jisne Har Lamha Bina Lafzon Ke Mujhse Baat Ki Hai,
Tum! Tum Hi Ho Na
Kaash Tumhe Koi "TUM" Na Rehne De,
Jis Tarah Tumen Mujhe "MAIN" Nahi Rehne Diya..

Koi Puchhe To Main Kya Kahoon,
Usse Kya Bataun,
Ye Roz-O-Shab To Janam Janam Par Muheet Hai,
Mere Zakhm Zakhm Dil-O-Nazar
Mujhe Is Janam Mein Nahi Mile,
Mere Ratt-Jage Mere Humsafar
Mere Sath Aaj Nahi Chae,
Ye Maheeb Wehshat-E-Fikar Jo
Mere Naksh Naksh Ki Rooh Hai,
Koi Be-Sabaat Bayan Nahi,
Ye Aasmaon Ka Aks Hai,
Ye To Dewtaon Ka Dhyan Hai,
Ye To Jane Kaise
Sadi Sadi Ki Aziyaton Ka Bayan Hai,
Ye Ajeeb Mere Gham-O-Alam
Ye Naseeb Sang-E-Siyaah Par,
Ye Warq Warq Pe Gadhe Qalam,
Ye Qaraa Hisar Naya Nahi
Mera Intezaar Qadeem Hai,
Mera Usse Pyaar Qadeem Hai,
Ye Ajeeb Meri Mohabbatein...

Sar-E-Shaam
Door Ufaq Par
Ek
Roshan Taara
Chamak Raha Tha,
Bilkul Aise
Jaise Waqt Judayi
Meri Aankhon Mein
Ek Nanha
"QATRA"
Laraz Raha Tha...

Udasiyan Be-Sabab Nai Hai,
Udasiyon Ka Agar Ye Mausam
Theher Gaya To Gazab Karega,
Na Ji Sakoge Na Mar Sakoge,
Na Kaam Hi Kio Kar Sakoge,
Kisiki Har Pla Talab Karega,
Udasiyan Be-Sabab Nahi Hai,
Suno Jo Lamhe Hai Aaj Haasil,
Unhe Hamesha Sambhal Rakhna,
Wafa Ke Gulshan Mein Charon Jaanib,
Bahar Rakhna Nikhaar Rakhna,
Mohabbat Ka Waqar Rakhna,
Udaasiyan Be-Sabab Nahi Hai,
Jahan Mein Ktine Hi Log Aaye,
Rahe Base Hai, Ujad Gaye Hai,
Magar Ye Jazbe Abud Se Hai,
Aur Azal Tak Rahenge,
Tum Apni Aankhon Mein Pehle Jaisa Jaal Rakhna,
Udaasiyan Be-Sabab Nahi Hai,
Zara Ye Socho Bichhad Gaye To,
Kahan Milenge
Yun Hi Rahengi Tamam Raahein,
Magar Ye Rahi Na Mil Sakenge,
Bahar Mein Bhi Khizaan Ki Soorat
Na Phool Har Simt Khil Sakenge,
Na Dil Ko Apne Udaas Rakhna,
Har Ek Jazbe Ka Paas Rakhna,
Milenge Aakhir Ye Aas Rakhna,
Udaasiyan Be-Sabab Nahi Hai...

Kisi Khushnigaah Ki Aankh Ne Ye Kamaal Mujhpe Karam Kiya,
Meri Loh-E-Jaan Pe Raqam Kiya,
Wo Jo Ek Chand Sa Harf Tha Wo Jo Ek Sehma Sa Naam Tha,
Wo Jo Ek Phool Si Baat Phirti Thi Darbard
Use Gulsitan Ka Pata Diya,
Mere Dilka Shaher-E-Malaal Tha Use Roshni Me Basa Diya,
Meri Aankh Aur Mere Khwab Ko Kisi Ek Pal Mein Beham Kiya,
Mafre Aaino Pe Jo Gard Thi Mah-O-Saal Ki,
Wo Utar Gayi,
Wo Jo Dhoond Thi Mere Chaaro Soo Wo Bikhar Gayi,
Sabhi Roop Aks-E-Jamaal Ke,
Sabhi Khwab Shaam-E-Khayal Ke,
Jo Ghubaar-E-Waqt Me Sas Basar The Aate Hue,
Wo Chamak Uthe,
Wo Jo Phool Raah Ki Dhool The Wo Mehek Uthe,
Liye Saat Rang Bahaar Ke,
Chala Main Jo Sang Bahar Ke,
To Saja Diye Sabhi Raaste,
Kisi Dast-E-Shubdahsaaz Ne,
Mere Naam Par Mere Waaste,
Meri Beghari Ko Panaah Di Meri Justaju Ko Nishan Diya,
Jo Yakeen Se Bhi Haseen Hai Mujhe Ek Aisa Guman Diya,
Wo Jo Reza Reza Wajood Tha,
Use Ek Nazar Mein Baham Kiya,
Kisi Khushnigaah Si Aankh Ne,
Ye Kamaal Mujh Pe Karam Kiya...

Koi Yaad Saloni Si,
Koi Baat Purani Si,
Aankhon Se Jaari Hai,
Ashkon Ki Rawani Si,
Hans Ke Kisi Se Milna,
Lagta Hai Kahani Si,
Koi Mujh Ko Lagti Thi,
Khwabon Ki Raani Si,
Mere Rahe Takti Thi,
Pagal Si Diwani Si,
Bachpan Ke Beete Din,
Lagte Hai Nadani Se,
Aaj Jab Wo Mile,
Lage Kitne Begane Se...

Tum Ab To Aa Milo Hum Se
Na Jaane Kab Hamari Zindagi Ki Shaam Ho Jaaye
Jo Ankhon Mein Chamakta Hai Nazar Ko Jagmagta Hai
Wo Jugnoo Maand Ho Jaaye
Jo Dhadkan Main Utarta Hai
Hamein Dilshaad Karta Hai
Wo Naghma Khwab Ho Jaaye
Tum Ab To Aa Milo Ham Se
Ke Tum Hi Ho
Ke Jis Ke Saath Hamein Har Raah Chalna Hai
Safar Ki Shiddaton Mehroomion Ko Zabt Karna Hai
Jahan Pe Tum Bichad Jaao
Usi Raste Pe Ham Ko Zindagi Ki Sham Karna Hai
Tumhare Sath Ubharna Aur Tumhare Saath Dhalna Hai
Tum Ab To Aa Milo Hum Se

Kahein Aisa Na Ho Ke Ankahi Ka Bhed Khul Jaye,
Isi Khadshay Mein Tum Mujhse,
Meri Takhlik Ke Johar Juda Karte Rahe Ho,
Aur
Meri Takmeel Se Darte Rahe Ho,
Tumhari Muslahat Goshi Ki Saffaki,
Mujhe To Kya Zameen-O-Aasman Ko Bhiga De,
Tumhari Fitrat-A-Baymahar Se Waqif Bhi Hoon,
Tasleem Karti Hoon,
Magar Ye Kya Azeat Hai,
Ajab Andaz Wehshat Hai,
Mujhe Tumse Mohabbat Hai...

Humne Uska Haath Chhua Tha,
Wo Muskura Kar Batane Lagi,
Tumhare Haath Kitne Garam Hai Aur Garam Haath Wafa Ki
Nishani Hote Hai,
Ye Sunkar Main Itna Khush Hua Tha Ke Mujhe Har Baat
Bhool Gayi Thi,
Aur Aaj Mujhe Yaad Aa Raha Hai,
Uske Haath Kitne Sard The...

Din Raat Ke Aane Jaane Mein,
Duniya Ke Ajayab Khane Mein,
Kabhi Sheeshe Dhundle Hote Hai,
Kabhi Manzar Saaf Hote Hai,
Kabhi Surat Baat Nahi Karta,
Kabhi Taare Aankh Badalte Hai,
Kabhi Manzil Pichhe Rehti Hai,
Kabhi Aasein Tod Nai Chadtein,
Kabhi Khushi Puri Hoti Hai,
Kabhi Aankhein Dekh Nahi Sakti,
Kabhi Khwab Adhure Hote Hai,
Ye Sab To Sahi Hai Lekin,
Aashob Ke Manzar Khane Mein,
Duniya Kya Ajayab Khane Mein,
Kuch Saya Karti Aankho Ke Paiman To Dikhayi Dete Hai,
Hathon Se Agarche Door Sahi Imkaan To Dikhayi Dete Hai,
Haan Ret Ke Us Darya Ke Paar,
Ek Pairon Wali Basti Ke Unwaan To Dikhayi Dete Hai,
Manzil Se Koson Door Sahi,
Pur Dard Sahi Ranjoor Sahi,
Zakhmose Musafir Choor Sahi,
Par Kisse Kahein Ye Jaan-E-Wafa,
Kuch Aise Ghaav Bhi Htoe Ahi Jinhe Zakhmi Aap Nahi Dhote,
Bin Roye Hue Aansu Ki Tarah Seene Mein Chupa Kar Rakhte Hai,
Aur Saari Umr Nai Rote,
Neendein Bhi Muhaya Hoti Hai, Sapne Bhi Door Nahi Hote,
Ab Kisse Kahein Aye Jaan-E-Wafa,
Ye Ahl-E-Wafa,
Kis Aag Mein Jalte Rehte Hai,
Kyon Bujh Kar Rakh Nahi Hote...

Bhigi Bhigi Shaam Dhale,
Tanha Tanha Chand Tale,
Door Kahin, Kuch Saayon Se,
Dhundlayi Si, Raahon Se,
Aati Hai Ek Awaz Kabhi,
Kuch Jaani Hui, Kuch Ajanbi,
Sunkar Jise Na Jane Kyon,
Hota Hai Kuch, Ehsaas Yun,
Koi, Kahin, Aisa Bhi Hai,
Karta Mujhe Jo Yaad Hai..

Aisi Hi Sard Shaam Thi Wo Bhi,
Jab Wo Mehendi Rachaye Haathon Mein,
Apni Aahat Ke Khauf Se Larazaan,
Surkh Aanchal Mein Muh Chhipaye Hue,
Apne Khat Mujhse Lene Aayi Thi,
Uski Sehmi Hui Nigahon Mein,
Kitni Khamosh Iltijayein Thi,
Uske Chehre Ki Zard Rangat Mein,
Kitni Majburiyonke Saye The,
Mere Hathonse Khat Pakadate Hi,
Jane Kay Soch Kar Achanak Wo,
Mera Shaana Pakad Kar Royi Thi,
Uske Yaaquut Rang Honthon Ke,
Kapkapaate Hue Kinaro Par,
Sekdon Ankahe Fasane The,
Sard Shaamon Mein Der Tak Aksar,
Jab Ye Manzar Dikhayi Deta Hai,
Ek Lamha Heenayi Haathon Se,
Mujhko Apni Taraf Bulata Hai,
Humnashin Ruth Kar Na Ja Mujhse,
Aisi Hi Sard Shaam Thi Wo Bhi...

Amar Kar Lo Wo Sab Lamhe,
Jo Hune Yun Guzare Hai,
Saher Kar Lo Wo Sab Raatein,
Jahan Apni Hi Duniya Thi,
Jahan Saansein Bhi Apni Thi,
Jahan Sapne Bhi Apne The,
Safar Kar Lo Wo Sab Raste,
Jahan Kuch Bhi Wafayein Hai,
Jahan Khushbu Hai Pyaron Ki,
Jahan Yaadein Hai Yaaron Ki,
Fikr Kar Lo Zara Ek Pal
Ke Tumne Kisko Khoya Hai,
Use Tum Tum Dhund Paoge
Kabhi Phir Dekh Paoge
Thaher Jao Jahan Ho Tum,
Ke Us Din Tum Adhure Ho,
Kabhi Phir Mil Na Paoge,
Use Dhundoge Yaadon Mein,
Use Is Pal Bula Lo Tum,
Ke Ye Lamhe Tumhare Hai...

Aaj Itne Barso Ke Baad,
Jaise Kayi Sadiyon Ke Baad,
Usne Kaha Suno
Ab Se Tum Aazaad Ho,

Qafas Khulte Hi,
Par Tolte Panchhi,
Main Udun Kis Tarah Magar,
Usne Noch Dale The Mere Par,

Dabi Hui Hasratein,
Na Tamam Khwahishein,
Puri Karun Kis Tarah Magar,
Na Ab Waqt Hai Na Nazar,

Dilke Goshon Mein Nahin,
Khwabon Ki Reshmi Doriyan,
Sapna Bunun Kis Tarah Magar,
Sulajhti Nahi Dooriyan Ulajh Kar,

Rasta Chalna Bhool Kar,
Ab Jaun Main Kis Dagar,
Ulti Ho Gayi Sab Tadbeerein,
Phir Pehen Li Ab Zanjeerein...

Tab Yaad Tumhari Aati Hai,
Jab Yunhi Kabhi Baithe Baithe Kuch Yaad Achanak Aa Jaaye,
Har Baat Se Dil Bezaar Sa Ho, Har Chiz Se Dil Ghabra Jaye,
Karna Bhi Mujhe Kuch Aur Hi Ho, Kuch Aur Hi Mujhse Ho Jaye,
Kuch Aur Hi Sochun Main Dil Mein, Kuch Aur Hi Hothon Par Aahe,
Aise Hi Kisi Ek Lamhe Mein, Chupke Se Kabhi Khamoshi Mein,
Kuch Phool Achanak Khil Jayein, Kuch Beete Lamhe Yaad Aaye,
Tab Yaad Tumhari Aati Hai.....
Jab Chandni Dilke Aangan Mein, Kuch Kehne Mujhse Aa Jaye,
Ek Khwabeeda Se ****e Koi, Ehsaas Pe Mere Chha Jaye,
Jab Zulf Pareshan Chehre Par, Kuch Aur Pareshan Ho Jaye,
Kuch Dard Bhi Dilme Hone Lage, Aur Saans Bhi Bojhal Ho Jaye,
Aise Hi Kisi Ek Lamhe Mein, Chupke Se Kabhi Khamoshi Mein,
Kuch Phool Achanak Khil Jayein, Kuch Beete Lamhe Yaad Aaye,
Tab Yaad Tumhari Aati Hai.....
Jab Shaam Dhale Chalte Chalte, Manzil Ka Na Koi Naam Mile,
Ek Hansta Hua Aagaz Mile, Ek Rota Hua Anjam Mile,
Palkon Ke Larazte Ashkon Se, Is Dilko Koi Paigam Mile,
Aur Saari Wafaon Ke Badle, Mujhko Hi Koi Ilzaam Mile,
Aise Hi Kisi Ek Lamhe Mein, Chupke Se Kabhi Khamoshi Mein,
Kuch Phool Achanak Khil Jayein, Kuch Beete Lamhe Yaad Aayein,
Tab Yaad Tumhari Aati Hai...

Wo Barkha Rut Ki Boondon Mein,
Kisi Chhoti Si Waadi Mein,
Guzre Jo Tumhare Sath, Un Anmol Lamhon Par,
Bahut Maasoon Jazbon Par,
Tumhare Shokh Aankhon Par,
Laraztee Apni Palkon Par,
Chalo Ek Nazm Kehte Hai...

Chale Jaana
Magar Thehro Zara,
Is Pair Ki Sargoshiyan Sun Lo
Ye Kehtaa Hai,
Ke Aage Dhoop Hai,
Tum Meri Chhanv Saath Le Jao,
Hare Mausam Jab Aayenge,
Main Tumko Khushbuyein Bhejunga,
Meri Shaakh Aankhein Barg Aansu Royenge,
Main Janta Hoon,
Jab Hawa Hi Par Bane To Phir Parinde Rokne Se Ruk Nahi Paate,

Chale Jaana,
Magar Thehre Zara,
Ye Lawn Tumko Yaad Karta Hai,
Yahan Shaam Ka Suraj Aur Hamare Geet Ki Lai Aaj Tanhayi Hai,
Tumhare Qahqahon Ke Phool Suthi Tehniyon Pe Jhulte Hai,
Titliyan Basi Dhuno Par Raqs Karti Hai,
Sadaayein Bujh Gayi Hai,
Door Tak Ye Dhoop Hi Dast-E-Dua Hai,
Aur Hawayein Narm Lafzon Ki Tarah Koi Duaa Tashkeel Deti Hai,

Chale Jaana,
Magar Thehro Zara,
Ye Dar Ye Deewar Judayi Ki Lughat Hai,
In Pe Likhe Lafz Ko Padh Lo,
Ke In Boseedah Deewaron Ki Aankhon Mein Tumhare Aks Roshan Hai,
Inhe Achhi Tarah Dekho,
Ke In Din Tum Inhi Akson Ki Jaanib Lautna Chahoge,
Lekin Waapsi Ke Saare Raaste Band Paoge,

Chale Jana,
Magar Thehro Zara,
Par Kya??????

Main Aur
Meri Tanhaai
Shab Bhar Baatein Karte Hain
Chaand, Sitaare, Raat Ho
Sab Meri Baatein Sunte Hain
Rote Hain, Hanstey Hain
Door Ufaq Par
Subah Ka Taara Jaise Hi Chamakta Hai
Aankh Mein Thehra Aakhri Aansoo
Chupke Se Beh Jaata Hai....!

Zyada Se Zyada Ye Hoga,
Dilki Dhadkan ThaM Jayegi,
Log Hasenge Aur Kahenge,
HuM To Pehle Hi Kehte The,
Baraf Pighal Sakti Hai Lekin,
Bhadak Uthe Ye NaMuMkin Hai,
Chhodo Jo Bhi Kehte Haikehne Do Unko,
Aao JaanaM,
Aaj Wafa Ka Aakhri Naata Tod Ke Dekhein.

Mohabbat Mein Koi Gehrayi Ab Bilkul Nahi Baaki,
Ab Atwaar Mohabbat Bhi,
Is Manind Badle,
Milo To Khush, Na Milne Par Koi Shikayat Bhi Nahi Hoti,
Kabhi Ek Hijr Hota Tha Jise Ab Gap Kehte Hai,
Maheeno Bhi Agar Mehboob Mil Nahi Paate
To Milne Par Masroofiyat Ka Uzr Chal To Jata Hai,
Isi Tarah BahaM Rabton Ka Toot Jana Ek HaQeeQat Hai,
Yehi Kuch Wo AwaMil Hai Jinhe HuM "Gap" Kehte Hai,
Ke Ab To Wasl-O-Hijr Mein Milne Na Milne Ka FaraQ Mitta

Ja Raha Hai,
Ke Do Dil WaQt Milne Par Hi Milte Hai,
TaQazon Par Nahi Milte,
Na Is Mein Khwahish ShaMil, Na Koi Aarzu-O-ArMaan,
Ke Phonic Rabte Bhi Ho Nahi Paate,
Ke Phonic Rabton Par Saal Kat Jaate Hai,
Lekin Mil Nahi Paate,
Mohabbat Mein Wo Pehle Ki Tarah Jazbaat Ki Tehreek Bhi

Paayi Nahi Jaati,
Ke Nafsanafsee Ke Is Daur Mein Itna Bhi Kafi Hai,
HaMein Koi Chahta To Hai,
Kahin Par Door Reh Kar Bhi Kisika Koi Saari UMr Rehta Hai,
Koi Pehlu Mein Rehte Hue Bhi Anjan Rehta Hai,
Mujhe Hairat Hai,
Is TaluQ Ko Mohabbat Ka NaaM Deneki Bhi Aakhir Kya

Zaroorat Hai,
Magar Shayad Zaroorat Hai,
Ke Bas Ab To Mohabbat Sirf Apne NaaM Par Zinda Hai..

Suno
Ye Jo Chand Hai Mujhe Dekh Kar
Muh Pher Leta Hai Ab
Kabhi Baagh Jaun To To Phool Bhi Shikwa Kuna
Mujhse Baat Nahi Karta Hai Ab
SaMundar Ki Taraf Niklun Kabhi
To Lehre Chhod Deti Hai Paanv Mere,
Barish Mein TaMaM Katre DaMan Bachate Hai,
Mujh Par Baraste Hi Nahi,
ShafaQ Bhi Mujhe Dekh Kar,
Chhupa Leti Hai Khudko Badal Mein,
To Dekho Yun Mujhe,
Na Door Karo TaMaM AlaM Se,
Meri Zeesat Ko Aye Nishat-E-Mun
Yun Azab Mat Kiya Karo,
Mujhe Yaad Mat Kiya Karo...
Mujhe Yaad Mat Kiya Karo..

So Ye Tay Paya,
Ke Is Shahed Bhari Neend Ka Ras
Meri Aankhon Ke Siwa Bhi Koi Pee Sakta Hai,
Aur Wo Sar-Shari
Jo Ab Tak Kisi Mantar Ki Tarah
Sirf Mujhe Padhti Thi
Ab Kisi Aur Badan Ko Bhi Yun Vird-E-Zuban Janegi
Wohi LaMhe Usi Shiddat Se
Tere Khon Mein Sitaron Ki Tarah DaMkayegi
Jinke Tanveer Abhi Tak TaQdree Rahi
Aaj MaluM Hua,
Band Palkon Ke AQab Mein Kisi Jugnu Ki Tarah,
Jisko Chupa Leti Thi Teri Palkein,
Wo Mera Aks Na Tha, Wo Meri Tasveer Na Thi,
Khwab-E-Yaktaye Ke Mere Kio Tabeer Na Thi,
Tera Dildaar TabassuM Aakhir
Uzar Se Kiya Dilke Girah Kholega,
Aankh Jab Jhuth Kahe
Aayna Kya Bolega...

Jo Shab-E-Wasl Tere Sath Maine Guzar Di
Mere JisM Pe Woh Sub RaQaM Hui
Meri Rooh-O-Jaan Mein Utar Gayi
Badi Mukhtasar Si Woh Raat Thi Jise Maine Wasl SaMajh Liya
Mera JisM-O-Jaan Tere Sath Tha Meri Rooh Tujh Pe Nihal Thi
.
.
.
Bade Purfareb Woh Pal Lage
Meri Jaan Jab Tu Qareeb Thi
Mera Reza Reza JisM Ka Teri Khushbuon Se Mahek Utha
Meri Zeest Ki Sari Udasiyan Tere Qurab Se Bahel Gayi

Tere Pyar Se
Tere Pyar Se
Meri Zindagi Ki Ye Raat Bhi TakMeel The Tere Mere Pyar Ki
Tune Paa Liya
Maine Kho Diya
.
.
.
Ye Hi Husn Is Pal Ka Tha....
Aur
.
.
Aur
Sahir Mein Sara Azab Tha
Main Wasal Jis Ko SaMajh Rahi Thi
Woh To Sare Ka Sara Hijr Tha
Aur FiraQ Tha

Kabhi Sab Kuch Keh Kar
Kabhi KhaMosh Reh Kar
Kabhi Bahut Door Jaa Kar
Kabhi Paas Aa Kar,
Wo Mujhe Ye Ehsaas Dilata Hai,
Ke Uski Mohabbaton Ka,
Shiddaton Ka Koi ShuMaar Nahi,
Magar Usse Puchho
Bata Kar Hi Ki Jaati Hia?
Kya Mohabbat Jata Kar Bhi Ki Jaati Hai???

Jab Kabhi TuM Bikhar Kar Rone Lago,
Aur Dil GaM Aashna Hone Lage,
To Sirf........... Itna Yaad Rakhna,
Aankh Heere Ki Tarah Hia,
Aur Heere............
Yun Roya Nahi Karte...

Suno
Ye Jo Chand Hai Mujhe Dekh Kar
Muh Pher Leta Hai Ab
Kabhi Baagh Jaun To To Phool Bhi Shikwa Kuna
Mujhse Baat Nahi Karta Hai Ab
SaMundar Ki Taraf Niklun Kabhi
To Lehre Chhod Deti Hai Paanv Mere,
Barish Mein TaMaM Katre DaMan Bachate Hai,
Mujh Par Baraste Hi Nahi,
ShafaQ Bhi Mujhe Dekh Kar,
Chhupa Leti Hai Khudko Badal Mein,
To Dekho Yun Mujhe,
Na Door Karo TaMaM AlaM Se,
Meri Zeesat Ko Aye Nishat-E-Mun
Yun Azab Mat Kiya Karo,
Mujhe Yaad Mat Kiya Karo...
Mujhe Yaad Mat Kiya Karo...

Andheri Raaton Ki,
Tareekon Mein,
Ubharti Hui Siskiyon Ko
TuM Bhool Jao To
Achha Hai,
Un Anjaan Raaston Mein
JisMe TuMhare
Aur Uske
QadaM Mile The,
Un Raaston Par
Palat Ke Na Jao
To Achha Hai,
Unn Zard Patton Ko
Jin Mein TaMaM
Zard Yaadein Ghul Ke
Sukh Chuki Thi,
Apne KadMon Se
TuM Rond Jao
To Achha Hai...
Kya Hua Gar
Baalon Mein Safed Chandni Utar Chuki Hai,
Gulaab Saare Murjha Gaye Hai,
Aankh Se Aansu,
Tapak Rahe Hai,
Dil Jo TuMhara
Tadap Raha Hai
TuM Ab Is Par ItMinaan Ka Hath Rakho,
Kuch Isko Bhi TuM
Qarar De Do,
Jo Chale Gaye Hai,
Nahi Wo Phir Aane Wale
Bas HaMare Paas Hai FaQat
Yaadein Chhod Jaate
Un Yaadon Ke Jugnuon Ko
Kahin Door Waadi Mein,
Daba Do To Achha Hai...

Bahut Dino Ke Baad Use
Ek Mehfil Mein Dekha Tha
Ek LaMhe Ko Hijr-O-Wisal Ke Saare MausaM
Aankhon Mein Lehra Se Gaye,
Dil Mein Chirag Se Jal Uthe,
Usse Gale Milne Ke Tasavvur Se Hi
Jaise Sara Wajood
Phool Ki Soorat Khil Utha,
Un Hathon Se LiMs Ka Soch Ke
Saara JisM Sulag Utha,
Un Honthon Ke GarM Gulabi Nari Ka Khush Rang Khayal
Hothon Pe Muska Utha
HalQ-E-Yaara'n Se Aakhir
Pal Bhar Ki Fursat Paakar
Meri Taraf Wo Aya Bhi,
Meri Jaanib Dekha Bhi,
Par Jo Kaha To Itna Kaha,
Aap Se Mil Kar Khushi Hui,
Mere Sehan-E-Dil Mein Achanak Hone Wali,
Patjhad Se Yaksaa'n La ElM...

Doli Uthi Teri To Janaza Mera Bhi Uthega,
Saanjh Teri Bhi Saj Rahi Hogi,
Saanjh Meri Bhi Saj Rahi Hogi,
Rone Wale Tere Bhi Honge,
Rone Wale Mere Bhi Honge,
Phool Tujhpe Bhi Honge,
Phool Mujhpe Bhi Honge,
Tu Kisika Ghar Aabaad Karne Ja Rahi Hogi,
Aur Main Teri Duniya Ko Khair Baad Kar Raha Hounga...

Lafz EhMiyat Rakhte Hia,
Ye Lafz EhMiyat Rakhte Hai,
Kabhi Yeh Rooh Ko
Katal Kar Dete Hai,
Aur Kabhi
Ye Rooh Ko Jhulsa Dete Hai,
Lekin Ye Lafz Hi Hai
Jo Khwahishon Ke Tapte Hue Sehra Mein,
Jeevan Ke Phool Khila Dete Hia,
Ek Haare Hue Insaan Ko
Jeevan Ki Naveed Suna Dete Hai,
Kabhi Ye Saath Chhod Dete Hai,
Kabhi Ye Saath Chhudwa Dete Hia,
Kabhi Inke Zariye Nafrat
Doosron Ke Dilo Mein Utar Jati Hia,
Jo Rooh Ki Gehraiyon Ko Bhi
Zeher Zeher Kar Jaati Hia,
Lafzonki Wajashe Ye Zindagi
BeMaani Hoke Reh Jati Hai,
Aur Kabhi In Lafzon Ki Wajahse Ye Zindagi
Jannat Bhi Ban Jati Hia,
Kitni Takat Hai In Lafzon Mein,
Ke Zindagi Badal Jaati Hia,
Ye Lafz Hi Hia Jo Logonke
Dilon Ko Bhi Pigla Deti Hia,
Ye Lafz Hi Hia Jo JisM Ke Sath,
Rooh Ko Bhi Jhulsa Dete Hai,
Ye Lafz EhMiyat Rakhte Hai,
Ye Lafz EhMiyat Rakhte Hai...

Ek Dilka Nazrana.....
De Kar TuM.....
Ehsan Jatane Lage.....
Maine To Kabse.....
Apni Har Saans.....
Tere NaaM.....
RaQaM Kar Rakhi Hia.

Mujhe Zindagi Mein,
Har Wo Chiz,
Har Wo AMl,
Har Wo Baat,
Har Wo Bandhan,
Aur.....
Har Wo Rishta Pasand Hai,
Jiska Dosti Se Koi TaaluQ Na Ho...

Akela Dekh Ke TuMko
HaMein Ehsaas Hota Hia,
Kabhi HuM Bhi Akele The,
Agarche Shahar Mein,
Dilke Liye Laakhon JhaMele The,
Hazaro Rang Ke Mele The,
Magar Itni Bahut Si Raunako Mein,
HuM Akele The,
Akela Dekhke TuM Ko
HaMein Ehsaas Hota Hia,
Kabhi HuM Bhi Akle The,
Phir Ek Din HuMne In Tanhaiyon Se Dosti Kar Li,
Akele Reh Ke Jeene Ka Kareena Aagaya HuMko,
Koi Bhi Rut Ho,
Apni Aankh Hargiz NaM Nai Rakhte,
Ye AalaM Hia Ke Ab
Tanhaiyon Ka GaM Nahi Rakhte,
Magar Phir Bhi HaMein Tanha Nazar Ata Hai Jab Koi
To Phir Ehsaas Hota Hai,
Kabhi HuM Bhi Akele The...

kisi k you'n bicharnay say
kisi k yaad Aanay say
buhat say log rotay hain
k rona aik riwayat hai
riwayat torr jataa hoo'n
tumhari yaad Aanay per
main aksar muskarata hoo'n

Mohabbat main deewangi zaroori hai
Mohabbat saare
Rishte naate torr
deti hai
faqat ek Dil se
Rishta jorr leti hai
Mohabbat ki haddein hoti nahi
Haddon ko torr dena
Is ka shewa hai
Agar tumhain mujh se
Mohabbat hai to phir
Yeh rishte naaton ki
Bandishein torrna hongi
Agar aisa nahi karsakte to
Phir hum tum apni khuwahish ke
Khilone torr dete hain
Dilon ko morr lete hain
Mohabat chor detey hen...!!!

Kaha tha na!
Mujhay tum iss tarah sootay huay matt chor ker jana
Mujhay bayshak jaga daina
Bata daina
Muhabbat ke safar main saath mairay chal nahin sakteeN
Judai main, hijar main saath mairay jal nahin sakteeN
Tumhain rasta badalna hai
Mairi hadd se nikalna hai
Tumhain kis baat ka derr tha
Tumhain jaanay nahin daita
Kahin per qaid ker laita
Array PAGLI!
Muhabbat kee tabiyat main zaberdasti nahin hoti!
Jissay rasta badalna ho
Ussay rasta badalnay se
Jissay hadd se nikalna ho
Ussay hadd se nikalnay se
Na koi rok paya hai
Na koi rok pai ga
Tumhain kiss baat ka darr tha
Mujahy baishak jaga daitay
Tumhain main daikh hee laita
Tumhain koi dua daita
Kam-az-kamm yuN tu na hota
Mairay Saathi! Haqeeqat hai
Tumharay baad khonnay ke Liya kuch bhee nahin baaqi
Mager khonnay se derta hoon
Mian ab sone se Darta hon...!!!

yaad hai janaa
tum ne pichli baar kaha tha
mujh ko bhool k khush rehna hai
tum ko tu main bhool na paya
lakin janaa
chupkey chupkey dukh sehta hoon
abb main aksar khush rehta hoon...!!!

Mujhay Iss Zindgani Se Koi Shikwa Nahi Lekin,
Zara Si Be Sakooni Hay,
Na Janay Kiun Mery Dil Mein,
Ajab Ik Khauf Rehta Hay,
Mujhay Mehsoos Hota Hay,
K Mery Dil K Darwazey Pe,
Teri Yaad Ki Dastak Mein Vo Shiddat Nahi Baqi,
Bohat Si Khas Baatein Hain,
Jo Mujh Ko Aam Lagti Hain,
Mery Dil Mein Unhein Sun Kar Koi Toofan Nahi Uthta,
Teri Aankhein,Tera Chehra,
Teri Awaaz Ki Rimjhim,
Sabhi Kuch Khuwab Lagta Hay,
Mujhay Mehsoos Hota Hay,
Sunehrii Titliyoon Jaisy,
Vo Sab Khush Rung Se Sapney,
Mery Lafzoon K Pholoon Par,
Bohat Din Se Nahi Baithy,
Mujhay Mehsoos Hota Hay,
Samay Ki Tez Lehron Ne,
Hamary Rait K Kachay Gharonday Torr Dalay Hain,
Mujhay Un Tez Lehron Se,
sunehrii Titlion Jaisy,
Sabhi Khush Rung Sapnoon Se,
Koi Shikwa Nahi Lekin,
Zara Si Be Sakooni Hay,
Mujhay Mehsoos Hota Hay,
Tumharay Dil K Darwazey Pe Meri Yaad Ki Dastak,
Meri Jaan Ab Nahi Hoti,
Meri Jaan Ab Nahi Hota,
K Meri Yaad Aye To,
Tumhari Aankh Bhar Aaye,
Duaein Mangtey Lamhay,
Mujhay Tum Bhool Jati Ho,
Magar Phir B Mujhay Tum Se,
Koi Shikwa Nahi Lekin,
Ajab Si Be Sakooni Hay,
Ajab Ik Khauf Hay Dil Mein,
Main Tum Ko Bhool Jaon Ga…!!!

mene chaha usay bhool jaon .......
faramosh kardon wo sub,roz o shab!!
usko dekhon to youn kay jesay wakif hi nahin
mein bhi us ki tarah ab kisi ro ko saath lay kar chaloon
har ghari khush rahoon .....,muskurata phiron
bewajah,besabab!!
jab hawa kay qadam misl-e-maynosh bedhab se parnay lagein
chandni khirkiuon se pukaray
nigahein chamaknein lagein
aahatein kaan mein sabz sargoshiyan karkay chalnein lagein
dast-e-mosam kay aaejaz se perhan zard patay badalnay lagein
bakht e khwabeeda gul aankh malnay lagein
kaash youn ho kay tab.............
usko dekhon to wo ajnabi sa lagay
uski aahat pe khwahish kay koi gul na khilein
wo pukaray agar...uski awaz pe kaan tak na dharoon
ehd-e-rafta ki har yaad ko bhool kar
anay wali ruton ka swagat karoon
uskay chehray ko ..,chehron kay anboah mein...
...is tarah gum kardoon...
kay phir wo ankhein rahein,na wo gaisoo..na wo lub..
mene chaha usay bhool jaon
faramosh kardon wo sub,
roz-o-shab!!

Dekh December Ab Mat Aana
Dekh December Mere Ander
Kitnay Sehra Phail Chukay Hain
Tanhayi Ki Rait Ne Mere
Saaray Darya Paat Diye Hain
Ab Main Hoon
Aur Mere Banjar Pun Ki Bojhalta Hay
Dekh December
Teri BarFaab Shaboon Mein
Teri BeKhuwab Shaboon Mein
Khuwab Sweater Kon Bunay Ga
Rooh k Ander Girti Barfein Kon Chunay Ga
Dekh December Ab Mat Aana
Aur Agar Tu Aye b To
Apnay Dukh Ki Baraf Pehan Kar
Dhoop Diyaroon Tak Mat Jana
Mere Pyaroon Tak Mat Jana
Dekh December Ab Mat Aana

juda hona hi thehra to
gilay kaisay shikayat kya
juda ho jayen chupkey se
na tum bolo na main boloon
hamare bol perne se
judaayi phhail sakti hai
hawaun main
fizaaaaon main
judaai zaat main bher lein
chalo ham is terha ker lain
kisi sunsaan raste ke
kisi bhi morre per dono
juda ho jayen chupke se
na tum bolo na main bolon
hamare bol parney se
judayi phhail sakti hai

Wo meri mehfil se uth kar yak-ba-yak jana tera
Kar ke tamam kam ko wo kam kar jana tera

Chaarsazi ghamgusari ye teri fitrat nahin
Dard-e-garaan ke liye wo hai murzhana tera

Kya azab hai dastan tarq-e-mohoobat ke liye
Tuz se sharmana mera aur muz se sharmana tera

Haal-e-dauran-e-gardishen aur badtar ho gaye
uf ! siyah raat mein wo julf bikhrana tera

Be-hayai , Be-niyaji , Be-dili , Be-darriyan
Lafz hain Be-noor se goya ke afsana tera

Ta Kamayat din rahe ab raat se vehshat hui
Dil mein fir nashtar chubhone khwab mein aana tera

Baad ‘Bismil’ ke dikhana jlwa-e-pakizgee
Jan Balab hoke wo jalwa Jan-nisarana tera

اگر کبھی میری یاد آۓ
تو چاند راتوں کی دلگیر روشنی میں
کسی ستارے کو دیکھ لینا
اگر وہ نخل فلک سے اڑ کر تمہارے قدموں میں آ گرے تو یہ جان لینا
وہ استعارہ تھا میرے دل کا
اگر نہ آۓ؟ ۔۔۔
مگر یہ ممکن ہی کس طرح ہے کہ کسی پر نگاہ ڈالو
تو اس کی دیوار جاں نہ ٹوٹے
وہ اپنی ہستی نہ بھول جاۓ!!
اگر کبھی میری یاد آۓ
گریز کرتی ہوا کی لہروں پہ ہاتھ رکھنا
میں خشبووں میں تمہیں ملوں گا
مجھے گلابوں کی پتیوں میں تلاش کرنا
میں اوس قطرہ کے آئینے میں تمہیں ملوں گا
اگر ستاروں میں، اوس خشبووں میں
نہ پاؤ مجھ کو
تو اپنے قدموں میں دیکھ لینا
میں گرد ہوتی مسافتوں میں تمہیں ملوں گا
کہیں پہ روشن چراغ دیکھو تو جان لینا
کہ ہر پتنگے کے ساتھ میں بھی سلگ چکا ہوں
تم اپنے ہاتھوں سے ان پتنگوں کی خاک دریا میں ڈال دینا
میں خاک بن کر سمندر میں سفر کروں گا
کسی نہ دیکھے ہوۓ جزیرے پہ رک کے تمہیں صدائیں دوں گا
سمندروں کے سفر پہ نکلو
تو اس جزیرے پہ کبھی اترنا

او میرے مصروف خدا
اپنی دنیا دیکھ ذرا
اتنی خلقت کے ہوتے
شہروں میں ہے سنّاٹا
جھونپڑی والوں کی تقدیر
بجھا بجھا سا ایک دیا
خاک اڑاتے ہیں دن رات
میلوں پھیل گۓ صحرا
زاغ و زغن کی چیخوں سے
سوٗنا جنگل چیخ اُٹھا
پیاسی دھرتی جلتی ہے
سوکھ گۓ بہتے دریا
فصلیں جل کر راکھ ہوئیں
نگری نگری کال پڑا
او میرے مصروف خدا
اپنی دنیا دیکھ ذرا

Mairay jaanay pay aey jaana'n...

Paraishaa'n tum nahee'n hona...

Kabhi chhup ker nahee'n rona...

Judaaii zeher hoti hay...

Mujhay ma'loom hay laikin...

Firaaq-o-hijr ka mausam yaqeenan beet jaaey ga...

Yaqeenan wasl k lamhay...

Dobaara laut aaey'n gay...

Wohi shaamai'n, wohi raatai'n...

Wohi qissay, wohi baatai'n....

Wohi phir daastaa'n ho gi...

Mohabbat meherbaa'n ho gi...!!!

Mohabbat rang badalti hay...

Aur is ka koi bhi rang mustaqil...

Pukhhta nahee'n hota...

Naveed-e-seher ki koi...

Daleel-e-bay-karaa'n jaisay...

Kisi mushhkil safar mai'n...

Qaafla ik bay-amaa'n jaisay...

Kabhi hairaan say lehjay....

Koi dil bad-gumaa'n jaisay...

Jhulasti dhoop may saaya...

Shajar-e-meherbaa'n jaisay...

Kabhi na ruknay waala zindagi ka karwaa'n jaisay...

Koi rangeen si...

Sangeen si...

Ik daastaa'n jaisay...

Mohabbat ibteda may baal kholay muskuraati hay...

Kabhi nazm may..

Her shai'r may...

Her ista'aaray may...

Ghataao'n ki tarah ghir ghir k aati hay aur barasti hay...

Kabhi sehra ki maanind..

Chand boondo'n ko tarasti hay...

Kabhi ik bulbulay ki tarah...

Pal do pal ko ha'nsti hay...

Kabhi sadiyo'n talak...

Dil ki nihaan khaano'n may basti hay...

Kabhi khurd k andaishay....

Kabhi ik jaush-o-masti hay...

Kabhi ha'ns ha'ns k roti hay...

Kabhi ro ro k ha'nsti hay....

Mohabbat aadmi ki zindagi ka dhang badalti hay...

Mohabbat khud rang badalti hay...

Mohabbat rang badalti hay...!!!

Kathan hay zindagi kitni...

Safar dushwaar kitna hay...

Kabhi paaoo'n nahee'n chaltay....

Kabhi rasta nahee'n milta....

Hamaara saath day paaey...

Koi aisa nahee'n milta...

Ager mai'n yoon guzaaro'n to...

Yeh shab-o-roz nahee'n kat'tay...

Mager aey mairay maalik...

Mujhay shikwah nahee'n tujh say...

Mai'n jaa'n pay khail sakta hoo'n...

Mai'n per dukh jhail sakta hoo'n...

Ager tu aaj hi ker day....

Mohabbat hum-safar mairi....!!!

Hatheli samnay rkhna
K sub anso grain usmay
Jo ruk jaega honton per
Samjh Jana K Wo Hon Main

Kabhi jo chand ko dekho
To tum muskra dena
Jo chal jaye Hawa Thandi
To ankhein bund kr leena
Jo jhonka tez ho sub sey
Samjh Jana K Wo Hon Main

Jo zyada yad aoun main
To tum ro lena ge bhar k
Agar hichki koi ayay
Samjh Jana K Wo Hon Main

Agar tum bholna chaho
Muje shayed bhula do tum
magr jub sans lena tum
Samjh Jana K Wo Hon Main

Kash Koi Samjha Day::
Guftugo Ke Lamhon Main
Dekh He Nahi Paatay
Ham Tumharay Chehray Ko
Tum Hamari Aankhon Ko
Aaj Aisa Kartay Hain
Chasm-o-lab Ko Parhtay Hain
Baat Chor Datay Hain
Jaane Kiya Lamha Hoga
Jab Ye Hath Hathon Say
Gar Kabhi Juda Hoga
Aaj Aisa Kartay Hain
Zabt-e-Jaan Parakhtay Hain
Hath Chor Datay Hain
Kash Koi Samjha Day
Loag Kis Tarah Dil Ki
Manzilain Alag Kar Kay
Saath Chor Datay Hain
Aaj Aisa Kartay Hain
Bey-sabab Bikhartay Hain...!!!

khiza'n ki udaas subha mein
sardion ki shaamon mein...
Aas barhnay lagti hai
un-kahay say jazbon ki
piyaas barhanay lagti hai
baykali udaasi si
baychain kiyey rakhti hai
kissi kay sath ki, Dil ko
tamanna honay lagti hai
yoonhi qadam say qadam mila kar...
kissi kay sath chalnay ko
kissi ka hath thamay...
dheeray say,
Dil ki baat karnay ko,
apna yaqeen dilanay ko
kissi ka yaqeen karnay ko
kissi kay garam hathon ka...
haseen sa lamas panay ko
kissi ki mohabbat bhari ankhoon mein
khud ko khoj laynay ko
kissi ki narm muskurahat mein
khud ko bhool janay koo...
kissi ki mehekti khushboo mein
yoon masroor honay ko
kisi kay Dil mein khud ko
dhondnay ko... jhaank laynay ko
kisi ki ankhoon ki gehri jheel mein,
Dil kay samander mein...
yaqeen ki lahar pay
aahista say... dheeray, dheeray say
tamaam gahraaiyo'n ko...
jaan laynay ko
Mohabbat ki seep mein Apna...
Ghar banaanay ko
Wafa kay noor say roshan aik
sacha mooti paanay ko
kissi kay naam pay sadiyaa'n bitaanay ko
kissi ki aas ka bin-baas lainay koo
kissi kay saarey jazbay jaan laynay ko
kissi ko saray jazbay soonp daynay ko
kissi kay gird apna
hisaar baandh daynay ko
kissi kay saath ka paband honay ko...
khawaahish honay lagti hai
Tamanna barhnay lagti hai
Sardiyo'n ki shaamon mein
narm garm jazbon ki
talab barhnay lagti hai
aas barhnay lagti hai
un-kahay jazbon ki
piyaas barhanay lagtti hai

Kia kabhi too ney
yeh bi socha hai
K........
raat k aakhari pehar main
koi.........
numm aankhon sey
laraztey hounton sey
apney haath phailaaye
tujh ko
"Khuda" se maang raha ho ga .....

Ik roz koi to soche ga
Farzanon ki is basti main
Ik shakhs tha pagal pagal sa
Par baten theek hi kehta tha
Barish ki tarah par shor na tha
Darya ki tarah chup rehta tha
Jin se use pyar bala ka tha
Taane bhi unhi ki sehta tha
Ik roz koi to soche ga

Dunya ne use kuch bhi na diya
Par us ne jag ko pyar diya
Jaan rote rote kho betha
Dil hanste hanste haar diya
Jo nazm likhi bharpoor likhi
Jo sher diya shahkar diya
Kyoon jite ji dargor hua
Kis chah pe tan man har diya
Tha dushman kon bechare ka
Kis ranj ne us ko maar diya
Ik rooz koi to soche ga

Tujhey Main Bhool to Jata
Magar Terey Taluq se
Jo Chehrey Saamney Aaye
Jo rastey Saamney Aaye
Jo Lamhey Saamney Aaye
Jo Rishtey Saamney Aaye
Unhein Kaise Bhulata Main
Tujhey Kaise Bhualata Main?

kisi kamzor lamhey mai
ager tm se yeh keh doon mai
mujhey tum se mOHABBAT hay
tmm yeh mat samajh laina
k.....!!!!!
mainey sach kaha ho ga
aisi dilnashin baaton ko
aisi adaaon mai kehna
mujhey bachpan se aata hay
meri aankhain,mera chehra
mera yeh be sakhta lehja
yeh sab kuch jhoot kehta he mager
is jhoot main ik sach baaqi hay
k.....!!!!!!
MUJHEY TuM SE mOHABBAT HE

Kaha ussnay
Tab waqai mujhey tum sey muhabbat thi
Kaha mainay
Main tu ab bhi tum sey muhabbat kerta hoon
Woh tab kii baat kerti hai
Main ab ki baat kerta hoon
Magar iss ab aur tab ke darmeyaan jo faasla hai
Woh hum donno se mil ker bhi samaita jaa nahi sakta
Woh ab tak aa nahi saki
Main tab ko paa nahi sakta

baat niklay gi tu phir door talak jay gi
loog bewajha udaasi ka sabab pochain gey
yeh bhi pochain gey k tum itni paraishan kyon ho
choorion per bhi kai tanz kiay jain gey
kaanptay haathon per fikray bhi kasay jain gey
loog zaalim hain har eik baat ka tana dain gey
baaton baaton main mera zikr bhi lay aain gey
chahay kuch bhi ho sawalaat na karna un say
meray baray main koi baat na karna un say
warna
baat niklay gi tu phir door talak jay gi

بھول جائیں تو آج بہتر ہے
سِلسلے قرب کے جدائی کے
بُجھ چکی خواہشوں کی قندیلیں
لُٹ چکے شہر آشنائی کے

رائیگاں ساعتوں سے کیا لینا
زخم ہوں پھول ہوں ستارے ہوں
موسموں کا حساب کیا رکھنا
جس نے جیسے بھی دن گذارے ہوں

زندگی سے شکایتیں کیسی
اب نہیں ہیں اگر گِلے تھے کبھی
بُھول جائیں کہ جو ہُوا سو ہُوا
بُھول جائیں کہ ہم ملے تھے کبھی

اکثر اوقات چاہنے پر بھی
فاصلوں میں کمی نہیں ہوتی
بعض اوقات جانے والوں کی
واپسی سے خوشی نہیں ہوتی

ور تو کچھ یاد نہیں بس اتنا یاد ہے
اس سال بہار ستمبر کے مہینے تک آگئی تھی
اُس نے پوچھا
" افتخار ! یہ تم نظمیں ادھوری کیوں چھوڑ دیتے ہو"
اب اُسے کون بتاتا کہ ادھوری نظمیں اور ادھوری کہانیاں
اور ادھورے خواب
یہی تو شاعر کا سرمایہ ہوتے ہیں
پورے ہو جائیں تو دل اندر سے خالی ہوجاتا ہے
پھر دھوپ ہی دھوپ میں اتنی برف پڑی کہ بہت اونچا
اُڑنے والے پرندے کے پَر اس کا تابوت بن گئے
اور تو کچھ یاد نہیں بس اتنا یاد ہے
اس سال بہار ستمبر کے مہینے تک آگئی تھی

Duaa kaa TuuTaa hu’aa harf sard aah meN hai
terii juda’ii kaa manzar abhii nigaah meN hai

tere badalne ke baa-vajuud tujhko chaahaa hai
ye ai’tiraaf bhii shaamil mere gunaah meN hai

azaab degaa tou phir mujhko Khwaab bhii degaa
maiN mutma’iin huN, meraa dil terii panaah meN hai

jise bahaar ke mehmaan Khaalii chhoR gaye
vo ek makaan abhii tak makiiN kii chaah meN hai

yahii vo din the jab ek duusre ko paaya thaa
hamaarii saalgiraah thiik ab ke maah meN hai

maiN bach bhii jaauuN tou tanhaa’ii maar daalegii
mere qabiilaa ka har fard, qatl-gaah meN hai

کس کو معلوم تھا


یونہی چلتے ہوئے راستوں میں کئی ہمسفر جو ملے
اور بچھڑتے گئے
آتے جاتے ہوئے موسموں کی طرح
آپ ہی اپنی گردِ سفر ہوگئے
نہ کبھی میں نے پھر مُڑ کے دیکھا اور نہ سوچا کبھی
وہ کہاں کھو گئے
جو گئے، سو گئے
پھر یہ کیسے ہوا !
یونہی اک اجنبی، دیکھتے دیکھتے
دل میں اُترا، دل میں سما سا گیا
اور دھنک رنگ سپنے جگا سا گیا
جیسے بادل کوئی، بےارادہ یونہی، میری چھت پہ رُکا
اور برسے بنا اس پہ ٹھہرا رہا
کیا تماشا ہوا، سامنے تھی ندی اور کوئی تشنہِ لب
اس کو تکتا گیا اور پیاسا رہا

ایک لمحے میں سمٹے گی یہ داستاں
کس کو معلوم تھا !
تم ملو گے مجھے اس طرح بےگماں
کس کو معلوم تھا

اب کہاں جاؤ گے اے دیدہ ورو؟
اب تو اِس سمت بھی ظلمت ہے
جہاں شب کے آلاؤ میں نہا کر
!مرے سورج کو نکلنا تھا
!گجر بجنے تھے
اب تو مشرق پہ بھی مغرب کا گماں ہوتا ہے
اب تو جب ذکر کرو نور ِ سحر کا
تو بلک اٹھتی ہے دنیا کہ کہاں ہوتا ہے؟

ye hum tasleem karte hain
tumhen fursat nahen milti
hamare waste tum ko
koi sa'at nahen milti
hamari sooch ke mehwar!
kabhi aik pal to soocho tum
tumhen hum yaad karte hain
aur itna yaad karte hain
ke khud ko bhool jate hain

IDHER DEKHO YEH KHAMOSHI
ZARA ACHI NAHI LAGTI
KAHO!!!
KUCH TU KAHO JANA'N
RUTEIN KAISAY BADALTIEN HAIN
BAHAREIN GUM HOI KAISAY
KHIZAAN KA RAAJ KAISA HAI ??????
CHALO IK LAFZ GHALAT FEHMI
YA IK RISHTEY KI SACHAAIEE
MUHABBAT, DOSTI NAFRAT
KISI MAUZO KO CHAREIN HAM
KOI TU RAEY DO APNI
KOI TU SILSILA NIKLAY
MERAY IN SOOKHEY BALOO'N PER
MERI BANJAR SI AANKHOON PER
MERAY IN MAILAY DANTOO'N PER
CHALO TANQEED KAR DALO
SITAREY AISI PALKOO'N PER
NAHI JANA NAHI ACHAY
TUMHARI TU YE! AADAT THI
MERI HAR BAAT PAR HANSNA
ZAMEEIN PER APNI UNGLI SAY
AREY KYA LIKH RAHEY HO TUM
SUNO TUM SAY MUKHATIB HOON
MUJHEY DEKHO MAIN KAISAY HOON
AGARCHEY MAR GYA HOON MAIN
TUMHARA HUKM MANA HAI
TU PHIR KIS BAAT KA RONA
TUMHEY TU MUSKURANA HAI
INHI IK DO DINOO'N MAIN TU
MUJHEY BAS BHOOL JANA HAI..!!

meri ek baat mano..

mera ek kaam ker do..

Ek be-naam si Mohabt meray Naam ker do...

Meri zaat pe faqat itna Ehsaaan ker do...

kisi subeh ko milo aur shaaam ker do....

mUjhay Achi Trah MalOom hAi
Tera Kahien RaastOn Mein Milna mUmkin Nahien
In RaastOn Nay
jO jUda Likhay hAin hUm Nay KhUd Apnay Hi HaathOn Say
HazaarOn FasalOn Kii Teh hUmaray PaaOn Say Bandhi hAi
Bhala tOo Un Sabhi lOgon Mein Kab Tak rUk Saka hOga
K wO tO Khud tUjhay Apnay Barhana AastenOn Par
Zara Bas Jism Ki MajbOoriyon Tak hUmSafar iK AjnAbii Likh Aaya Kartay Thay
mUjhay Yeh Bhi Khabar hAi
tOo Wahaan Par Bhi Nahi hOga
Sulagtii DhOop Ki Rutt Mein
Ghari dO Bhar Kharay Rehnay Ka JahaaN Tak Irada Tha
K Ab Tak Soch Mein Fitrii TaQaazay Such Nahi hOtay
Iraday jhOot hOtey hAin
mUjhay Yeh Bhi Pata hAi
hUm Anna Kay mOar Par BiChray hOye hAin
Aur ZameenOn Par Kahien Asii gUzar-Gaah Raahien Nahi hAin
jO Kabhi Is mOar Par BiChray hOye lOgon Ko Phir Say Laa Milaatii hAin
mUjhay MalOom hAi Sab Kuch, mUjhay MalOom hAi Lekin

Na Janay kyOn Main Phir Bhi Roz tUjhay dhOondnay Ghar Say Nikalta hOn...!!

Chalo khatam hoi aaj say dastaan-E-muhabbat
Ab hum tareekh-e-wafa main tera naam kanda kertey hain


Chalo aaj say hum chahat k zanda'n main muqeed huy
Teri yaad k sehra main dard-E-maazi ki wa'eed huy


Chalo ab kitaab-e-zeest se awraq-e-wafa palat'tay hain
K ab hum "wafa" ko jafa likhaingay , saza likhaingay



K ab hum apni bheegi january ki shuru'aat
Teray bakhsay huy azaab-e-tanhai se kertaY hain


Chalo ab teri muhabbat ki umar qaid muqaddar hoi
(k hum ko wafa nibhanay ki saza to milni thi)


Chalo ab hum apney haathon ki lakeero'n say
Tera aks-e-jaa'n mita daingay


Qalb-e-jaa'n main saji tasveer-E-muhabbat . . ..
Shab ki tanhai main chupke say hata daingay


Is per bhi sehar koi gham nahi hota
K hum ko zamane main teri ruswai manzoor nahi
Shayad isi liye yeh lehja gham nahi hota


Mgr jab faseel-E-jaa'n say saans ukharti hay to
Aise main hum Aseer-E-muhabbat
Phir say ahd-E-wafa duhranay lagtay hain


Itneay zakhm kha kar bhi
nishtar jaan ko teri ankhon ka
Surmai samandar yaad aata hay


Aisay main hum dair tak mazar-E-muhabbat per
Noha giri kertay hain , aahain bhartay hain


Aise main yaad-E-maazi ki her yaad
Nakhl-E-yada'n say mehev hojati hay


aisay main bas december ki
Siskiyan leti hoi sard tareek yaad ka
alvidaii manzar yaad aata hay


aisay main humain tu bhi nahi teri chahat bhi nahi
Bass woh muabbat ka aakhri december yaad aata hay
Haan bass woh aakhri december .........Yaad aata hay ..!!

Khuf
tumhari rafaqat ki chah
aur main!
kya kahon!
kahen koii khwab
barbadii ke asar na de jaye
iss liye khauf se
ankhen khuli rakhti hon
tumhari!
tamana se darti hon

Main sunn keh uss ki sab batain
Faqat itna hi kehta hoon
Khafa hona
Mana Laina
Yeh sadion se riwayat hai
Mohabat ki illamat hia
Gilay shikwe kero mujh se
Tumhian jana ijazat hai
Mager ik baat meri bhi
Zara tum yaad rakhna
Kabhi aisa bhi hota hai
Hawain rukh badalti hian
Khizain laut aati hain
Khatain ho hi jati hain
Khata hona bhi mumkin hai
Khafa hona bhi mumkin hai
Mager yeh hamesha yaad rakhna tum
Ta'aluq rooth jane se kabhi toota nahi kerta!!!

Hamare darmiyan aisa koye rishta nahi tha!
Teray shaanoo pe koye chahat nahi thi
Mere zimme koye qaraar nahi tha
Koii wada teri zanjeer pe banane nahi paya
Kisi iqraar ne meri kalayi ko nahi thama
Hawa-e-dasht ki manind
Tu azaad tha
Rastey teri marzi ke taabe thai
Mujhe bhi apni tanhaayi pe
Dekha jaye tuo
Poora tasarruf tha!
Magar jab aaj tu ne
Raasta badla
Tu kuch aisaa laga mujh ko
Ke jaise tu ne
Mujh se be-wafai ki!

chalo ik nazm likhtay hain
kisi k naam kartay hain
magar ye sochna hai ab
k us mai zikr kis ka ho
k us mai baat kis ki ho
k us mai zaat kis ki ho
aur ye bhi farz kartay hain
k jis pe nazm likhtay hain
humain us se mohabbat hai
hamaray saray jazboo ko
bus usi ki zaroorat hai
chalo ik kaam kartay hain
k hum jo nazm likhtay hain
tumharay naam kartay hain
tumhi unwaan ho is ka
tumhara zikr hai is mai
tumhari baat hai is mai
tumhari zaat hai is mai
to phir ye farz bhi ho ga
humain tum se mohabbat hai
hamaray saray jazboo ko
tumhari hi zaroorat hai
magar kya farz karnay se
kabhi aisa bhi hota hai
k jo hum farz kartay hain
Haqeeqat mai bhi aisa ho
magar ye bhi to mumkin hai
k upni nazm ka jis ko
hum ne unwaan banaya hai
usay is ki khabar na ho
hamari jo mohabbat hai
koi us ki mohabbat ho
aur us k saray jazboo ko
bus us ki hi zaroorat ho
kisi ko apni nazmoo ka
wo bhi unwaan banata ho
aur apni saari nazmoo ko
usi k naam karta ho..!!!

us ne kahaa sun
ahad nibhaane kii Khaatir mat aanaa
ahad nibhaanevaale aksar majabuurii yaa
mahajuurii kii thakan se lauTaa karate hai.n
tum jaao aur dariyaa dariyaa pyaas bujhaao
jin aa.Nkho.n me.n Duubo
jis dil me.n bhii utaro
merii talab aavaaz na degii
lekin jab merii chaahat aur merii Khvaahish kii lau
itanii tez aur itanii uu.Nchii ho jaaye
jab dil rode
tab lauT aanaa.....

koi zangeer ho
aahan ki, chandani ki, riwayat ki
muhabbat tor sakti hai
yeh aisi dhaal hai jis per
zamanay ki kisi talwaar ka sika nahi chalta
agar chasm-e-tamasha may zara si milaawat ho
yeh aaiina nahi chalta
yeh aisi aag hai jis may
badan showlon may jaltay hain to rooheiN muskurati hain
yeh woh selaab hai jis ko
dilon ki bastiyaan aawaaz day kar khud bulaati hain
yeh jub chahay kisi bhi khuwab ko taabir mil jaye
jo manzar bujh chukay hain in ko bhi tanweer mill jaye
dua jo be thikaana thi usay taaseer mill jaye
kisi rishtay may raasta poochti taqdeer mill jaye
muhabbat rok sakti hai kisi girtay sitaray ko
yeh chakna choor aaiinay ki kirchein joR sakti hai
jidhar chahein yeh baagein mor sakti hai
koi zanjeer ho us ko muhabbat tor sakti hai

ye ajeeb fasl-e-firaq hai!
k na lab pe hurfe talab koi
na udasion ka sabab koi
na hujoom-e-derd k shoq main!
koi zakham ab k hara hoa
na kaman badast ado hoe
na malamat-e-saf-e-dostaan
pe ye dil kisi se khafa hoa

koi taar apne lebas ka
na hawa ne hum se talab kia
sar-e-rahguzer wafa berhi
na diya jalane ki arzoo
pe charha gham-e-do jahan
na koi maseeha na charager
na kisi kahayal ki justuju
na khalish kisi k wisaal ki
na thakan rah-o-mah-o saal ki

na dimagh rang rukh batan!
na talash lashker nasehan!!
wahi aik haal hai zabt ka
wahi aik chaal hai deher ki
wahi aik rang hai shoq ka
wahi aik rasm hai sheher ki,
na nazer main khof hai raat ka
na fiza main din ka hiraas hai

pe arz-e- haal sukhanwaran,
wahi humsukhan hai rafeeq-e-jan,
wahi hum shukhan jise dil kahen!
wo to youn bhi kub ka udas hai.


ye ajeb fasl-e-firaq hai,
ye ajeeb fasl-e-firaq hai

Itna hi yaad rakh mujhy,
Jaise kisi kitaab main,
beete dino k dost ka,
ek khat para huwa mile,
lafz mitey mitey sahii,
rang urra urra sa ho.
lekin

Woh ajnabi na ho...!!

kabhi yon jo ho kisi din agar
kabhi to jo sar E raah miley
mein hazar lamhon ko khench kar
ye jo chalta waqt hay...bandh don

ye jo gardishein hein zameen ki
isi aik lamhay pe ruki rahein

mein taka karon tujey jazab say
yonhi pyar say yonhi shoq say
teri har ada ko samet ***
mein hisar e jaan mein saja rakhon

to jo pas ho to mein je sakon
to jo door ho,, na jia karon...!!!

kabhi yon jo ho kisi din agr
merye humsafar to jo na milay

mein hazar dharkanon ko khench kar
ye jo chalta dill hay...bandh don

ye jo silslay hein meri sans k
teri doori mein he haar don

to jo paas ho to mein jee sakon
to jo door ho...na jia karon...!!!!

Toloo-e-shams-e-mufaaraqat hai
purani kirane'n naye makaano'n key Aangano'n me laraz rahi hen
Faseel-e-shehar-e-wafa ke rozaan chamakate zarro'n se bhar gai hen
gaye dino'n ki Aaziz baate'n, Nighaar subahe'n, gulab raate'n
Bisaat-e-Dil bhe ajeeb shay hai, hazaar jeete'n hazaar maate'n
Judaaiyo'n ki havaaye'n Lamho'n ki Khushmati uraa rahi hen
Gayee Ruto'n kaa malaal kab tak
chalo keh shaakhe'n to Tootati hen
chalo ke qabro'n pe Khoon rone se
Apni Aankhe'n hee phootatii hen
Ye mor wo hai jaha'n se mere tumhaare raste badal gaye hen
Puraani raaho'n ko Laotna bhe hamari taqdeer me nahee'n
keh Raaste bhe hamaare qadamo'n ke saath aage nikal gaye hen

Toloo-e-shams-e-mufaaraqat hai
Tum apni Aanko'n me Jhil_milaatay hoye sitaaro'n ko maot de do
Gayee Ruto'n ke tamaam phoolo'n, Tamam Khaaro'n ko maot de do
Naye safar ko hayaat baKhsho
keh pichhali Raaho'n pe sabt jitane Naqsh-e-paa hen
wo baar hon gey
Hawa uraaye keh tum uraao...!!!

Mere hathon main aaker

rang batein kernay lagtay hian

main in rangon se

apnay dil ki batein paint kerti hoon

meri in paintings ko dekh ker

duniya ye kehti hai

tumharay khawab sachay hain

tumharay khawab achay hain

main us dam muskurati hoon

unhain batla nahi sakti

ke is rangon bhari duniya ke peechay

dard ke kitnay samandar hain

jinhain main keh nahi sakti

magar kab log mere dil ke aander

jhank saktay hain

wo bas ik baat kehtay hain

tumharay khawab sachay hain

tumharay khawab achay hain

magar dukh chupchap gumsum se

meri aankhon main rehtay hain

jinhain main keh nahi sakti...

Akelepan ke usi bekinaar seharaan mein

uljhi bikhri huii taqdeer ki lakeeron mein ghiri

safed kapdon se zakhmon ko apne dhaampe huey

fir wohi mein,wohi chauraha,wohi benaam sakoot

duaan dhuaan si nazar aur wohi sanaanta

fir se ehsaas ne pehna hai behisi ka libaas

sawaal ban gayi bewajah zindagi fir se

jawaab jiska...wohi benaam si khamoshi hai...

Ek andhere ki kahaani hai,
jo akser raaton me nazar aati hai,
kabhee saanson me umad aati hai,
kabhee aansoon me ubhar aati hai
Sochti houn toh ek khaamoshi chaa jaati hai,
Ik raat aaise guzarti hai jaise zindagi guzar jaati hai...

بہت دن سے!
مجھے کچھ اَن کہے الفاظ نے بے چین کررکھا ہے
مجھے سونے نہیں دیتے
مجھے ہنسنے نہیں دیتے
مجھے رونے نہیں دیتے
یوں لگتا ہے!
کہ جیسے سانس سینے میں کہیں ٹھہری ہوئی ہے
یوں لگتا ہے!
کہ جیسے تیز گرمی میں
ذرا سی دیر کو بارش برس کے رک گئی ہے
گھٹن چاروں طرف پھیلی ہوئی ہے
بہت دن سے!
مری آنکھوں میں سپنوں کی
کوئی ڈولی نہیں اُتری
بہت دن سے!
خیالوں میں‘ دبے پاؤں
کوئی اپنا نہیں آیا
بہت دن سے!
وہ سب جذبے!
جو میری شاعری کے موسموں میں رنگ بھرتے تھے
کہیں سوئے ہوئے ہیں
مرے الفاظ بھی کھوئے ہوئے ہیں
میں اُن کو ڈھونڈنے!
اِس زندگی کے دشت میں نکلا تو ہوں لیکن!
مجھے معلوم ہے‘ جذبے!
اگر اک بار کھو جائیں
تو پھر واپس نہیں ملتے
مجھے معلوم ہے پھر بھی!
ابھی اک آس باقی ہے
میں اب اُس آس کی انگلی پکڑ کر
چل رہا ہوں
بظاہر شبنمی ٹھنڈک مجھے گھیرے ہوئے ہے
مگر میں جل رہا ہوں
میں اب تک چل رہا ہوں

Usay Kehna
Keh Raat Ka Pichla Pehar Hay
Our Abhi Hum Jagtay Hein
Hamari Ankhon Say Neend Koso'n Door Hay Abhi
Hamaray Lab Ab bhi
Teray Nagmay Gaatay Hein
Hamara Zehan Ab Bhi
Teri Batein Soochta Hay
To Kabhi Hum hans Detay Hein
Kabhi Udaas Hotay Hein
Shab-E-Tanhaai Ki Yakh Basta Hawao Usay Kehna
Hum Ab Bhi Baa Wazoo Ho Kar Tumhara Naam Letay Hein
Usay Kehna
Yeh Apna Naqsh Dhoo Jaye
Ya Phir Say Mera ho Jaye....!!!!!

Bas Ek lamhay Ka jaghra Tha
Dar-o-Dewaar Pay easay Chanaakay Say Geri Awaaz
Jesay kaanch Girta Hay
Har Ek Shay Mein Gaein
Urti Hui, Jalti Hui Kirchein
Nazar Mein, Baat mein, Lehjay Mein
Soach Or Saans Kay Andar
Lahoo Hona Tha Aik Rishtay ka
So Who Ho Gya US Din
Usi Awaaz Kay Tukray Utha Kar Farsh Say Us Shab
Kesi Nay Kaat Lein Nabzein
Na Ki Awaaz Tak Kuch Bhi
Keh Koi Jaag Na Jaye
Bas Aik Lamhay Ka Jaghra Tha
Bas Aik Lamhay Ka Jaghra Tha

tutee huwee tasweer....
soya huwa zameer....
kuch purani yaadain...
aik saaz..
meree awaaz..
yeh kamra...
khalee burtun...
meri muskaan..
pyar mohabbat...
ajeeb baatain..
jaagtee raatain...
aansoo...
khushiaan...
murjhaye huwe phool...
dhool...
meraa dil...
soch....
pashemaanee..
khayaal...
udaasi...
bay saakhta mazaak...
ik khazana....

mere paas..
buhut kuch hai...
magar dekho to...
kuch bhee nahee..

kabhee koi aaye to...
kabhee koi dekhay to..
kuch bhee nahee..

buhut kuch...
magar kuch bhee nahee...

aao to..
dekho to..
kuch bhee nahee...

Mein kuch kuch bhoolta jaata hoon
ab tujhko,
Tera chehra bhi dhundhlaane laga hai
ab takhayuul mein...
Badalne lag gaya hai ab
woh subah-o-shaam ka mamool,
Jismein tujhse milne ka bhi ek mamool shamil tha
Tere khat aate rehte the,
toh mujhko yaad rehte the...
teri aawaaz ke sur bhi,
Teri awaaz ko kaagaz per rakh ke meine
chaaha tha ke pin ker loon,
Woh jaise titliyon ke per laga leta hai koii
apni album mein...
tera "be" ko daba ke baat karna
"wa" per hothon ka challa gol ho ker ghoom jaata tha
bahut din ho gaye dekha nahin...
na khat mila koii...
bahut din ho gaye...sachhi
teri awaaz ki bauchaar mein bheega nahin hoon mein...
Mein kuch kuch bhoolta jaata hoon ab tujhko...

ek tere na hone se kuch badal nahin jata
phoolon ki khushboo salamat hoti hai
parindey b chehekte rehte hen
badal b barastey rehte hen
per ek tere naa hone se koi ha
jo
hansna bhool jata hai
jeena bhool jata hai
ek tere na hone se

dafn seene meN rakheN wasl ke armaaN kab tak
aatish e hijr jalayegi miri jaan kab tak
tangi e zeest ka ho jaye use kaash ahsaas
ghaflat e yaar kahaN tak shab e hijraaN kab tak
aaeenah bandi e dil kaGHzi gul se kijaaye
aik seHraa meN tamanna e gulistaaN kab tak
aoj per aaj he tuGHyani e beHr e jazbaat
aik kooze meN daba rakkhenge toofaaN kab tak
her ghaRi dil pay diye jaate heN dastak aalaam
bin bulaye chale aayenge yeh mehmaaN kab tak
ab woh KHamosh he , tha shab meN shareek e maatam
saath deta mira aaKHir dil e naalaaN kab tak
daafa e naar e shikam Arq e badan he jiska
pet per bandhega patthar wahi dehqaaN kab tak
le liya qatl ka ilzaam hameeN ne sar per
husn ko dekhte ab aur paraishaaN kab tak
jo nah milti hameN GHurbat meN husaini manzil
koo ba koo phirte younhi be sar o saamaaN kab tak

Woh jiske chehre mein mujhe chaand dikha karta thaa
Woh shakhs jo meri her baat pe maraa karta thaa
Apni hatheli mein mera naam padha karta thaa
Uss per phir sapno ka ik mahal khada kerta thaa
Haan usske mere beech akser aisa hua karta thaa
Woh bewajah hee apni zidd pe adhaa kerta thaa
Har baat per mujhko shaq-e-nigaah se dekha karta
Waise Woh mujh pe yakeen badaa kerta thaa
Jab bhee usko meri shakl ki yaad aaya kerti
Chaand dekhne ko Woh raaton mein utha kerta thaa
Usske saath sadak per aksar chalte chalte
Main duur kaheen badalon per udaa kerta thaa

Woh kabhi mujhse ek pal ki duuri na saha kerta thaa
Woh jo mere liye saari duniya se ladaa kerta thaa
Aaj Woh shakhs mere bin hee jiye jaata hai
Ye baat aur hai ke humko yaad bada aata hai
Ye na poocho ke sanam kitna yaad aata hai
Hum toh kehte hain ke khuda jitna yaad aata hai


"Kacchi kaliyon ki aashiqi se phool ki dillagi behtar
Phool maraa kerte hain,badla nahi karte"

tera dard tha , teri yaad thi
mein jahan gya , mein jidher gya
mera din to yoonhi guzer gya
joonhi sham hui , mein bikher gya
is abr ka mera yaar se , bara milta julta mizaj hai
kabhi toot ke baras gya , kabhi berukhi se guzer gya
jab mein chor doon ga wo gali
usey yaad aaye gi tab meri
khoje ga wo tab mujhe
usey khabar mile gi mein mar gya
ab tung hai wo mere naam se
mere baad aaye ga wo dosto
wo tumhi ko ro ke poochey ga
wo kahan gya , wo kidher gya

Bahot khud per jabar ker k
muhabat ka safar ker k..
mita ker her khushi apni..
usay panay ki chahat main..
muhabat ki musafat main.
Bas itna jan paya ha....
"MUHABAT MAAR DETI HA"

Dhund Chai Hui Hy Jheelon Pr
Urr Rahy Hain Parind Tiloon Pr
Sub Ka Rukh Hy Nashemanoon Ki Traf
Bastiyoon Ki Traf Banoo Ki Traf
Apnay Galloon Ko Lay Kr Charwahay
Sarhadi Bastiyoon Mein Ja Puhanchy
Dil-e-Nakaam ! Main Kahan Jaon??
Ajnabi Shaam !! Main Kahan Jaon??

Kaho ab kia kahoon tum se

Batao kia likhoon tum ko

Mujhe tamheed do koi mujhe umeed do koi

Naya ik lafz ho koi

Jahan se baat chal nikle meri mushkil ka hul nikle

Batao lehja kaisa ho

K tum se baat kerni hai

Mujhe thora ujala do baser ik raat kerni hai

Tum apni roshan aankhon ko

Ager kholo to mein likhoon

Tumhaare lub se aaye ga sukhan mein ik kateela pun

Tumhaari aankh de de gi takhatub ko nasheela pun

Kaho ab kia irada hai

Mujhe izhaar kerna hai

K beytaabi ziada hai

Kaho....ab....kia kahoon....tum se....!!!!

Kaha se lauu woh shabd,
Jo teri tarif ke kabil ho.
Kaha se lauu woh chand,
Jisme teri khoobsurti samil ho.
Aye mere bewafa sanam ek baar bata de,
Kaha se lauu woh kismat,
Jisme tu bas mujhe hasil ho

Har roz dekhta hu tumhe naino ke jharokhon se,
Har roz iss dil ko tum naye hi nazar aate ho..

Kya bat hai tere husn mein samjhaye koi mujhe,
Kyu har baar aur bekarar mujhe kar jaate ho..

Kehna chahte hai kitni batein tumse dil ki apne,
Par tum toh nigahen milane se bhi katrate ho..

Dekha hai tumhe chupke chupke mujhe dekhte hue,
Phir pas aane se mere kyu ghabraate ho..

Aise na karo, izhaar-e-dil mushkil hua jaate hai,
Kyu dil ki mere uljhano ko tum badhate ho..

Jo bat tere dil mein hai, wahi hai bat idhar bhi,
Keh bhi do usse, kyu dil ko itna tadpate ho..

Lab khamosh hain khamosh sahi, parwah kisko hai,
Nigahon se kaho kab mujhe haal-e-dil sunate ho.

mera wada ye hai tum se
tumhen itna main chahon ga
ke dunya mein kahen par bhi!
mohabbat ke hawale se
kabhi jo baat nikle ge
hamara naam aye ga

Kathan hay zindagi kitni...

Safar dushwaar kitna hay...

Kabhi paaoo'n nahee'n chaltay....

Kabhi rasta nahee'n milta....

Hamaara saath day paaey...

Koi aisa nahee'n milta...

Ager mai'n yoon guzaaro'n to...

Yeh shab-o-roz nahee'n kat'tay...

Mager aey mairay maalik...

Mujhay shikwah nahee'n tujh say...

Mai'n jaa'n pay khail sakta hoo'n...

Mai'n her Dukh jhail sakta hoo'n...

Agr tu aaj hee ker day....

Mohabbat hum-safar mairi....!!!

مجھے تم کیا بتاؤ گی
کہ جب سے مجھ سے بچھڑی ہو
بہت بے چین رہتی ہو
میری باتیں ستاتی ہیں
میرے لفظوں کے جگنو ایک پل اوجھل نہیں ہوتے
میری نظمیں رلاتی ہیں
میری آنکھیں جگاتی ہیں

مجھے تم کیا بتاؤ گی
کہ تم نے بارہا اُن اجنبی چہروں کے جنگل میں
میرے چہرے کو ڈھونڈا ہے
کسی مانوس لہجے پر، کسی مانوس آہٹ پر
پلٹ کر ایسے دیکھا ہے
کہ جیسے تم میری موجودگی محسوس کرتی ہو

مجھے تم کیا بتاؤ گی
کہ کتنی سبنمی شامیں
ٹہلتے، سوچتے گزریں
کہ کتنے اشک ایسے تھے جو گرتے ہی رہے دل میں

مجھے تم کیا بتاؤ گی


میری جاں! میں سمجھتا ہوں
تمہاری اَن کہی باتیں
کہ میں ان موسموں کے ایک ایک رستے سے گزرا ہوں
جب سے تم سے بچھڑا ہوں
تمہاری ذات پر گزرے ہر موسم میں رہتا ہوں
پھر تم کیا سناؤں گی
مجھے تم کیا بتاؤ گی

Jaltay Diye ke samnay
Jhonka Hawa ka Dekh ker
Tum kyon Odaas ho gaye
Mosam khizaa'n ka Dekh ker
Tum, Dukho'n ke soz ka
Mosamo'n ke Rog ka
Dard mat saha kro
Udaas mat raha kro
Ye Dard hen Hayyat ke
Kuch Rang kainaat ke
Kuch Dukh ki tez barshe'n
Kuch phool hen Nishaat ke
Tum Phool bas chuna kro

"Udaas mat raha kro...!!!"

Usay main nay hi likha tha,,,,,,,,,
k............
Lehjay barf ho jaeen to phir
pighla nahe karetay........
Prinday dar k ur jaeen to phir.........
loata nahi kartay.........
Usay main nay hi likha tha............
Yakeen uth jaee....to........
Shayad khabi wapis nahi ata..........
Hawaoon ka koe Toofan, khabi Barish nahi lata.......
usay main nay hi likha tha,,,,,
k........
Sheesha Toot jaee to ,,,,,,,
khabi joor nahi pata,,,,,,,
jo Rastay say bhatak jaee,
wo wapis mur nahi ata..........
Osay kehna wo Adhoora khat...
Osay main ne hee Likha tha...!!!

Haath ki Lakeeron me

kya Tilash krtay ho..

En Fazool Baton me...

Kis ley Ulajtay ho...

Jis ko milna hota hi..

Bin Lakeer dekhay hee...

Zindagi ke Raston per...

Sath Sath chalta hi..

Phir kahan Bicherta hi...

Jo nhi moqadar me...

Kab Hamen wo milta hi...

Kab wo sath chalta hi...

Hath ki Lakeeron me...

Kya Tilash krtay ho....!!!

kya tumhein pata hai
keh raat ke pichley peher
koi shaks
apni num aankhoon par
haath rakhey
Khudaa se
tum ko ,tumhari khushyoon ko
maang raha hota hai!!!!!!!!!!!!!!!!!!!

un kahi batoon ko
un sunay lafzoon ko
qaid say rehaey do
ke warna .....
guzrya hoyay kal ki
chubhan ki bazgasht ....
mairi koey unkahi
tumhari koey unsuni
aanay walay kal main
achanak kabhi takrai to
ankhain khoon rooain gi
zubaan laRkharaey gi
samAt kalbalaey gi .
zindigi dagmagaey gi.
jis chubhan pe zinda thay
ik pal main na rahi
to
usi pal mar jao gay

Bahot khud per Jabar ker key..

Mohabat ka safar ker key...

Osay paaney ki chahat me...

Mohabat ki musafat me...

Bas itna Jaan paye hen...

Mohabat Maar Deti Hey....!!!!

Shayad ye sach hey..

keh Bicherney se koi Martta nahi...

Lekin Ek Din...

Main ney Phool ko Tehnii se Juda kia to...

Phool chand saaniyo'n mein Murjhaa kr Dam tor gia...

Tab main ney Jana...

Keh...

Agr Jazbay sachay aur Be-laos hon...

To...

Bicharney se koi Mar bhe sakta hey....!!!!

Ab K Us Ki Ankhoon Main
Bay'Sabab Udasi Thi
Ab K Us K Cheray Par
Dukh Tha Bad'Hawasi Thi

Ab K Yoon Mila Mujh Say
Yoon Ghazal Sone Jaisay
Main Bhi Na'shana'sa Hon
Wo B
Ajnabi Jaisay

Zard Khal'o'khad Us K
Sogawar Damam Tha
Ab K Us K Lehjay Main
Kitna Khud'raa'Pan Tha

Wo K Umer Bhar Jis Ne
Shehr Bhar K Logoon Main
Mujh Ko Hum'sukhan Jana
Dil Say Ashnaa Likha
Khud Say Mehar'ban Samjha
Mujh Ko Dil'robaa Likhaa

Ab K Sada Ka'Ghaaz Par
Surkh Rosh'nayee Say
Us Ne Tal'kh Lehjay Main
Mere Naam Say Pehlay
Sirf Bewafa Likha.....!

Mohabbat Maqsad Hai Zindagi Ka
Mohabbat Muqaddar Hai Her Kisi Ka
Mohabbat Her Khushi Ka Peghaam Hai
Mohabbat Hai To Rehmat Hai
Mohabbat Hai To Chahat Hai
Mohabbat Pyar Ishq-o-Lagan Hai
Mohabbat Main Her Shakhs Magan Hai
Mohabbat Main Zindagi Kho Jati Hai
Mohabbat Haar Hai Mohabbat Jeet Hai
Mohabbat Hi Dil Ka Sacha Meet Hai
Mohabbat Phoolon Ko Hui Kantoon Sey
Mohabbat Palkoon Ko Hui Aankhoon Sey
Mohabbat Chand Ko Hui Chandni Sey
Mohabbat Rooh Ko Hui Ragni Sey
Mohabbat Subha Ki Pehli Kiran Hai
Mohabbat Do Diloon Ka Millan Hai
Mohabbat Hi Meri Manzil Hai
Mohabbat Hi Mera Dil Hai...!!!

MOHABBAT

Mohabbat aik shajr hey.........

Aur shajr ko iss se kia matlab

k iss ki chhaon mein koi...............

Thaka hara musafer aa k betha hey

Ab iss ka rang kia hey?

Nassl kaisee hey?........

Kahan se aaya hey?.....

Issay kis simt jana hey?.....

Shajer ka kaam to bass........

Chhaon dena aur dhoop sehna hey.

Meri Jalti Aankhen...

Ek Siyaah Raat...

Ek Qalam...

aur...

Ek Kitaab...

Ek Dairy ke Chund...

Urtey hoye Warq...

Meray Haathon mein...

Odaasi ki kuch Lakeeren...

Meri Bheegi Palkon mein...

Chund Aansoo...

Meray Malgajey sey...

Daman mein kuch Murjhaye hoye...

Phoool...

Guzrey Mazi key Rang....

Aaney waley Dino ki...

Aas...

Aur....

Jalta-Bujta aik Diya...

Bas Yahi to hey...

Meri Duniya ki kul Aabadi.....!!

wohh log bahot khush.kismat the ,
jo kaam se aashquee karte the,
yaa ishq ko kaam samajhte the

Hum Jeete jee masroof rahe
kutch ishq kiya
kutch kaam kiya

kaam Ishq ke aadey aata raha
aur ishq se kaam bigadte rahe...

Aakhir tang aakar dono ko
humne adhoora chorh diya...

Bhool jain aaj to Behter hi

Silsaley Qurb key, Judai key

Bujh chuki Khowishon ki Qandeelen

Lut chukay shehr shansaai key

Raaigaan saa'aton se kya Lena

Zakham hon, Phool hon, Sitarey hon

Jis ne Jaisey bhe Din guzaarey hon

Zindagi se shikayaten kaisy

Ab nhi hen agr Giley they kabhi

Bhool jain keh Ham miley they kabhi

Bhool jain keh jo howa so howa

Aksar-Ao-kaat chahney per bhe

Faaslon mein kami nhi hoti

Baz-Ao-kaat Janey walon ki

Waapsi se khushi nhi hoti....!!!

Agr koi Pooche Tum se...

Haal-Ehwaal kaisey hain...

Kaisy guzar rahi hey...

Faqat.....itna keh dena...

Suno....

Zindagi mein Gham hain...

Gham mein Maza hai...

Aur...

Main Mazay mein Hoon....!!!

suno,
tum laut aao na

wo dekhu chand nikla hai

sitary jagmagaye hain

hamari muntazir ankhain

duain mangty ankhain

tumain hi sochty ankhain

tumain hi dhondty ankhain

tumain wapis bulaty hain

ye dil jub bi dharakta hai

tumhara naam leta hai

ye ansu jub bi behtay hain

tumhary dukh mai behtay hain

k barish jub bi hoty hai

tumain hi yad kerty hain

khushi koi bi ajaye

tumahary bin adhuri hai

suno,
tum laut aao na

suno,
tum laut aoo na

Mohabbat key sabhi jazboo ko
Dil ki khoobsurat shakh pe
Tahreer karna
Aur tumharey geet gana
Kiya faqt merey fara'iz main hi shamil hai?
Key tum se rabton ki pasdari ko nibhana
Gar kisi ka farz hai tu!
Sirf mera hai?
Agar tum se kabhi milney ki khwaish ho tu!!
Darwaza sawali ki tarha khat khatana
Sirf meri zim'medari hai?
Tumhari koi khwaish!
Tashna rah jae
Tu us pe ghamzada hona
Bohat rona!
meri qismat main likha hai?
ke aae jan-e-wafa!
Tum ko
Mere jazbat ka ahsaah hi kab hai?
Mere jiwan ke is sahra se
Tum ko rabt rakhney ki
Zaroorat hai na parwah hai
meri sanso pe har lakhta udasi karhney wali
Mujhe bas itna batla dey
key kiya?
Khwaboo ke is vera'n jazerey ki hifazat
Ek bas!
Mujhe per hi lazim hai?
Khudaoo ki tarha se be-niyazi oorhney wali
Mohabbat ki ye sari palna bhi
Bus mujhe per farz hai?
AUR TUM!!!
Aur tum FALAK PE BAITH KAR
Sara tamasha dekhti jao!

woh jis main tum ne pocha hay
k ab halaat kaisa hain?
mare din raat kaisay hain?

meherbani tumhari hai.....

keh tum ne is trah mare halaat pochay hain
mare din raat pochay hain
tumhain sab kuch bta doonga

mujhe itna bata do keh
kabhi saager kinare per kisi machli ko dekha hay?
keh jis ko Lehrain pani k kinare tak to laati hain
magar phir chor jati hain

mare halaat aise hain !
mare din raat aise hain...!

sans lena aik adat hai
warna zindagi to ab be jaan si hoye
ankhon mein na umiidi ki roshni
na hi maazi mein kuch tatolne ki justujo
ye qadam na hamwar rahon ke itne adi hoye
ke hamwaq rah guzar par bhi aik jhatka laga
sans lena bhi aik adat hai
aur yon kuch adaten mar kar bhi ****t'ti nahen

Wo kehta tha

Sonoo!!

Mohabatoon mein doriyan

Mohabatoon ko aur mazbot bna dety hain

lakin

Usy shayed yeh khabar nahi ha

K fasily

Dilon per bany naqsh bhi to dhondla dety hain.

Dard phail jaye tu aik waqat aata hay
Dil dharakta rehta hay
Arzoo gazidoon kay hoslay nahi chaltay

Dasht-e-bay yaqeeni main
asray nahi chaltay
Rah-ro-on ki ankoon main
Manzilen na jab tak hoon,
qaflay nahi chaltay,

Ik zara tavajo say daikhiye tu khulta hay
Log in per chaltay hain,
rastay nahi chaltay

Sochnay samajhnay say,
saath saath chalnay say
Doriyan smat’ti hain, faslay nahi chaltay

Khwab khwab aankoon main ratjagay nahi chaltay
Darguzar kay halqay main masalay nahi chaltay

Do diloon ki qurbat main teesra nahi hota
Vastay nahi chaltay

Bakht sathh chalta hay taal-e-azmaon kay
Waqat raam kernay main tujzeeon kay dao kya
Tajrabay nahi chaltay

Ishaq kay ilaqay main hukm-e- yar chalta hay
Zaabtay nahi chaltay

Husan ki adalat main aajzi tu chalti hay
Mertabay nahi chaltay

Dosti kay rishtoon ki perwarish zarori hay
Silsalay ta’aluq kay,
khud say ban tu jatay hain
Lakin in shagofoon ko totnay bikharnay say
Rokna bhi perta hay

Chahatoon ki matti ko,
arzo kay poday ko
Senchna bhi perta hay

Ranjishon ki baton ko
bolna bhi perta hay

Dard phail jaye tu aik waqat aata hay
Dil dharakta rehta hay
Arzoo gazidoon kay hoslay nahi chaltay

Kaho to Laot jatey hen

Abi to Bat Lamho'n tak hai, Saddio'n tak nhi Ayi..

Abi Muskan ki Nobat bhe, Honto'n tak nhi Ayi...

Abi tak koi Majbori Kheyaalo'n tak nhi Ayi...

Abi to Gard Pairo'n tak hai, Baalo'n tak nhi Ayi..

Kaho to Laot jatey hen...

Tumara sath gar mil jaye...

To Zamaney se Olajhana, Bat he kya hai...

Agr tum chor do mujh ko, meri Aokaat he kya hai..

Meray Barey me na socho...

Tum apni Bat batlaao...

Kaho to chaltey rehtey hen...

Kahot to Laot jatey hen...!!!

Kal Rat Janey kya hoa

Kuch Der Pehlay Neend sey

Kuch Ashq milney aa gaye

Kuch Khowab bhe totay hoy

Kuch log bhe Bholay hoy

Kuch Rasta Bhatkay hoy

Kuch Gard me Liptay hoy

Kuch khaaol me simtay hoy

Be-Rabt si sochen kaheen

Bhooli hoyi Baten kaheen

Ek shakhs ki Yaade'n kaheen

Phir Der tak Jaaga raha

Soch me Gum behta raha

Ungli se Thanday Farsh per

Ek Naam bas Likhta raha

Kal Rat bhe wo Rat thi

Kuch Der Pehlay Neend sey

Main Der tak Rota raha...!!!

میں نے
تمہیں
اپنی محبت کے سحر
وفائوں کی جاگیر
اور
وعدوں کی زنجیر سے
آزاد کیا
خدارا۔۔۔۔!
یہ مت پوچھنا کہ
میں نے خود کو
تمہاری قید سے
آزاد کیا یا نہیں
یقین جانو۔۔۔!
میں
ان قیدیوں میں سے ہوں
جو کھلے دروازے دیکھ کر
فرار نہیں ہوتے۔۔۔۔۔۔۔

Mujy ye Ghalt-Fehmi thi

keh mohabat Dher sari thi

Dono haatho'n me bhar ker

Tamam Omer sambhaalo'n ga

Kabi Khoney nhi don ga

Mohabat khoney ke Dar se

Muthiya'n Bhench lein main ne

mgr jab muthiya'n kholei'n

To dono haath khali thay

kyon keh...

Mohabat Rait jaisey thi

Judai ki kasak liye

Teri Yad se Jura Aansoo

Es shab ki Aankh se tapka hai

Guzray kal ki trah

Aaj ka Din bhe

Tujh Bin..

Odas guzra hai...!!!

Yakeen Ki Aakhri Had Tak, Yakeen Hai Aur Daawa Bhi,

Ke Rukhsat Kar Ke Bhi Aksar
Nazar Ki Aakhri Had Tak Mujhe To Dekhta Hoga,
Magar Itne Yakeen Ke Baad Bhi Maine
Kabhi Mud Kar Nahi Dekha,
Bas Ek Gehra Sa Dar Hai
Kahin Aisa Na Ho Jaye
Palat Kar Main Use Dekhun

To Wapis Ja Chuka Ho Wo...!!

Mujhay Iss Zindgani Se Koi Shikwa Nahi Lekin,
Zara Si Be Sakooni Hay,
Na Janay Kiun Mery Dil Mein,
Ajab Ik Khauf Rehta Hay,
Mujhay Mehsoos Hota Hay,
K Mery Dil K Darwazey Pe,
Teri Yaad Ki Dastak Mein Vo Shiddat Nahi Baqi,
Bohat Si Khas Baatein Hain,
Jo Mujh Ko Aam Lagti Hain,
Mery Dil Mein Unhein Sun Kar Koi Toofan Nahi Uthta,
Teri Aankhein,Tera Chehra,
Teri Awaaz Ki Rimjhim,
Sabhi Kuch Khuwab Lagta Hay,
Mujhay Mehsoos Hota Hay,
Sunehrii Titliyoon Jaisy,
Vo Sab Khush Rung Se Sapney,
Mery Lafzoon K Pholoon Par,
Bohat Din Se Nahi Baithy,
Mujhay Mehsoos Hota Hay,
Samay Ki Tez Lehron Ne,
Hamary Rait K Kachay Gharonday Torr Dalay Hain,
Mujhay Un Tez Lehron Se,
sunehrii Titlion Jaisy,
Sabhi Khush Rung Sapnoon Se,
Koi Shikwa Nahi Lekin,
Zara Si Be Sakooni Hay,
Mujhay Mehsoos Hota Hay,
Tumharay Dil K Darwazey Pe Meri Yaad Ki Dastak,
Meri Jaan Ab Nahi Hoti,
Meri Jaan Ab Nahi Hota,
K Meri Yaad Aye To,
Tumhari Aankh Bhar Aaye,
Duaein Mangtey Lamhay,
Mujhay Tum Bhool Jati Ho,
Magar Phir B Mujhay Tum Se,
Koi Shikwa Nahi Lekin,
Ajab Si Be Sakooni Hay,
Ajab Ik Khauf Hay Dil Mein,
Main Tum Ko Bhool Jaon Ga…!!!

Jitni Dua'en aati theen....
Sab maang li hum nay..!!
Jitnay Wazeefay yaad thay saaray....
Kar baithay hain........
Kaye Tarhan say Jii Dekha Hay...!!
Kaye Tarhan Marr Baitey Hein ..!!
Lekin jaannnaaa...........!!!
Kisi Surat Bhi....!!

TUM MEREY HO KAR NAHI DETAY

Mohabbat harf-e-awwal hai

Mohabbat harf-e-aakhir hai

yeh hai ik aisa jazba jo

zahoor main apney mahir hai

zamane main udasi b

mohabbat baant sakti hai

kisi k dil se nafrat ko

mohabbat chaant sakti hai



mohabbat ba-wafa b hai

mohabbat dil-ruba b hai

mohabbat karne walon ko

mohabbat se gila b hai

mohabbat main jo hote hain

giley woh sub mohabbat hain

lagan chahat wafadari

yeh saare dhabb mohabbat hain

mohabbat aan jesi hai

mohabbat maan jesi hai

mohabbat phool jesi hai

mohabbat jan jesi hai

mohabbat jan leti hai

mohabbat jan deti hai

mohabbat sarfaroshi ko

hamesha man leti hai

mohabbat ik tabbasum hai

jo pholoon main b khilta hai

kabi titli k pankhoon main

kabi mumta main milta hai

mohabbat sans leti hai

mohabbat dekh sakti hai

mohabbat sath chalti hai

mohabbat rah badalti hai

kisi ki shadmani ko

mohabbat soch sakti hai

ye sari zidgaani k

ghamon ko noch sakti hai

mohabbat ik nageena hai

yeh jeene ka qareena hai

kabi jo nah doob paye

mohabbat wo safeena hai


jahan k sub mazahib main

mohabbat ka taqqadus hai

yehi insan k jazbon main

ataa sub se muqqadus hai

mohabbat ka yeh jazaba abb

bara pamaal hota hai

yeh jis k dil main bus jaey

bahut be-haal hota hai

mohabbat kal b hoti thi

mohabbat abb b hoti hai

magar apne muqqadar per

mohabbat aaj roti hai ...!!!

Hatheli samnay rkhna
K sub anso grain usmay
Jo ruk jaega honton per
Samjh Jana K Wo Hon Main

Kabhi jo chand ko dekho
To tum muskra dena
Jo chal jaye Hawa Thandi
To ankhein band kr leena
Jo jhonka tez ho sub sey
Samjh Jana K Wo Hon Main

Jo zyada yaad aoun main
To tum ro lena gi bhar k
Agar hichki koi ayay
Samjh Jana K Wo Hon Main

Agar tum bholna chaho
Muje shayed bhula do tum
magr jub sans lena tum
Samjh Jana K Wo Hon Main

Bat thi mohabat ki
Omer bhar ki chahat ki
Bheer me zamaney ki
sath sath chalna tha
Imteha'n bhe aney they
Zindagi key sab hee pal
Sath hee bitaaney they
Janey tum ne kya socha
Bas Ek pal me hee
Bat khatm ker dali
Zindagi jo poori thi
Wo Adhoori ker dali
Per kon tum ko samjhaye
keh mohabato'n ke mosam bhe
Roz to nhi atey
You'n Zindagi me apno ko
Chor to nhi jatey...!!!

Main Tanhayee pehan'ta hoon...!!!

Udaasi K ujaar angaan main mehroomiy'un K zard patty chunta hon...!!!

Meri ankhooon mein eik muddat se jug'ratey bharay hain..!

Mery hontooon pe chispaa hein chitakh'tii hichkiyaan...!!

Chehry pe dukhtii hasrateen hain.............!!!

Main apni zaat mein ujray huay gaoon ka mela hon...!!!!!!!!!!

Mery yaroo..!!

Tumharya sath reh kar bhi akaila hon...!!!

Tumhain tu khud sanwarnaa hy

Tumhari khuahishoon k baam-o-dar py roshni k phool khilany hain...!!!

Tumahin likhna hy apni saans ki garmi sy.!!

Neendoon ka safar-nama................

Meri sangat main mat baitho...!!!

K..mian pathhar ka mahbas hon...!!!

K..main mehroomiyoo k shehr ka basii.....................!!

Meri kismat..udasi,kum libasi,na-shanasii hai!!!!!!!

Meri sangat mein mat betho,mujhy milnay se katraao

Khud apnay dil ko smjhaoo....

Mery nazdeek mut aoo....!!!!!!
Mery dil main andheera hy...!!!!!!

Aur....



YEH ANDHEERA SIRF MERA HAY.........!!!

SahiL Sumander Per....!!!
Aik Shakhs BaithA Hay....!!
Aur Usk Hath Mein....!!!
Aik Dairy Bhi Hay...............
Dairy K SafhOon Ko..!!
Aik Aik Phaarr Ker
Is Terha URratA Hai....!!!
JiS TerhA Koi QaidI
QaiD Say Rihaee Per.........!!

QaiD Fakhtaa'aOn Ko....!!!



Aasmaa'n DikhaTa Hay......!!!!

Kisi haath nay kisi loh pay jo nahi likha

Wohi aik hurf-e-guman hain hum

Khat-e-gumshuda main likhi gaiee

Koi ajnabi si zuban hain hum

Kisi aur khita-e-dard par jo guzar gaya

Usi waqt ki tag-o-taaz ka

Koi be nishan sa nishan hain hum

Kabhi apnay wahimay say nikal k dunia ko deakha

To na khul sakay k kahan hain hum

Meri jaan humari yeh dastaan

Isi aasmaan ki chat talay

Isi kahkashaan k darmiyan

Kaien baar likhi gaiee kaien bar suni gaiee

Yeh hadees naghm-e-be sada

Kabhi surkh phoolon ki taiz khushbo'on main ruk gaiee

Kabhi aanso'on main rawan huwee

Yeh woh shame-e-sham-e-wisal ha

Jo tamaam raat jali kabhi

Kabhi aik pal main dhuwan huwee

Kabhi roshni ka yakeen bani

Kabhi tarikee ki gumaan huwee

To jo hogaya usay maan lay

K wo daagh wo hain jo saath behroon

K panioon say na dhul sakain gain

Hwa k rastay main urnay walay udas lamhay

Na ruk sakay hain na ruk sakain gain

Tu jo hogaya usay maan lay...........!!

Agar kabhi zindagi mile to humein bhi kehna

K yahan to sirf sansein chal rahi hain

Sari umangein, sari tarangein

Mit chuki hain

Munafiqat ki siah, andheri taveel shab hai

Na chal rahi hai, na kat rahi hai

Agar kabhi roshni mile to humein bhi kehna

K apna sara safar to aise hai

Jese daire mein guzer raha hai

Na koi manzil na rasta hai,

Na koi jugnu na rahnuma hai

Agar kabhi rasta mile to humein bhi kehna

Agar kabhi rahnuma mile to humein bhi kehna

Agar kabhi roshni mile to humein bhi kehna...!!!

Dil ka tumharay jo safhaa hai...

Wo aaj bilkul Sadaa hai..!!

Is per bhi toa likha tha HUM NE...

Aik Naam Kabhi...!!

Paighaam Kabhi...!!

Ashaar Kabhi..!!

Sarkaar Kabhi..!!

Wo Safhaa....

Tum ne DHO DALA

Wo Safhaa....

BILKUL KHALI HAI...!!

Ab kaghaz kay is safhay ko...

Kion Aagay Laa Kay Rakhtay Ho??

Kion Naam,

Paighaam,

Ashaar

Likhain...!!!

Hum Loag to jo Sarkar Likhain...............

Aik baar LIKHAIN...!!!!

Aur iss mein bhi taa'jub kiyaa??
Tumhaarey lout aaney ki..
Bachi ho aas jo koi

Nawaaey Be-zubaan ban kar...!!!
Sisak kar phir sey utthey aur.!!!.
Tum tak bhi puhanch jaaey!!

So tum Sey Ye guzaarish hey!!
Tab ik ehsaan tum karna.......
Palat kar dekhna yun sard nazron say....
Ke jo bhii aas zinda ho..!!!

Ussey yak-sar mita dena....!!
Humein pathar bana dena..!

Kis ko ilzaam dain apni ruswai ka...!!!

Kis ko jaa ker kahain Qarab tanhai kaa..!!

Pyar k kheal main.....

Wasal ki subah se..

Hijar ki shaam tukk...

Jo tamasha hoa

Is main shamil thay hum..!!!!


App maqtool thay................

App qatil thay hum...!!!

Koi mujh ko aisi daleel day
K main toor ker tere naqsh
Aankh ki putliyon se mita sakoon!



Koi mujh ko aisi daleel day......
K main dil se phir teri umr bhar ki.!!
Rafaaqton ko bhula sakoon!



Koi mujh ko aisi daleel day............
K main umr bhar teri yaad ka..!!
Koi jashan he na mana sakoon!



Agar aisi koi sabeel hai tou phir aazmaa!!!!!


Jo nahi tou phir....!!!!!!!!!


"MUJHAY YAAD KER ,,, MUJHAY YAAD AA!!

Gard mei'n aata hooa insaan
kagaz par kitni hi tasveer'n bana dali
magar sukoon
phir bhi
na mila
har baar sochta raha
kuch aur kuch ar
aab wo boorha ho chuka hai
haath kanptai hai'n
nazar bhi dhoka de rahi hai
magar
andar ki aag hai
ke usi tareh maujood hai

Jab Joban Tera Dhal Jaeye

Jab Pyar Ki Umer Niakl Jaye

Jab Chor De Tujh Ko Husan Tera

Jab Chehra Pur Ho Jhurion Se

Jab Zulf K Kham Na Baqi Hun

Jab Rangat Na ho Gaalon Mein

Jab Chandni Utare Baalon Mein

Jab Aankh Ki Masti Toot Chuke

Jab Hont Bhi Surkhi Kho Jaein

Jab Chor Dein Tujh Ko Sub Sathi

Jab Koi Na Tujh Ko Apnaye

Tab...!!!

Mere Pass Chale Aana

BAsti Ki Sooni Galiyon Mein

Ek Betha Ho Ga Deewana

Jo Pyar Ka Paras Pathar Hai

Jo Tujh Ko Sona Ker De ga....

Tere Joban Ko Wo Kia Jane???

Teri Umer Se Uska Kia Matlab???

Tere Jism Se Uska Kia Rishta???

Jisay Kehte Ho Tum Harjayi

Hai Tere Naam Ka Shaidai..

Bohat dino ki baat thi

shabab per bahar thi

fiza bhi khushgawar thi

na jaane kioun machal para

main apne ghar se chal para

kisi ne mujh ko rok ker

bari aada se tok ker

kaha ke laut ayyee

meri qasam na jayyee

meri qasam na jayyee

magar mujhe khabar na thi

mahaul per nazar na thi

na janey kioun machal para

main apney ghar se chal para

phir shehar se main aa gaya

khayal tha ke paa gaya

usey jo mujh se durr thi

magar meri zaroor thi

phir ik haseen shaam ko

main chal para salam ko

gali ka rang dekh ker

naye tarang dekh ker

mujhe bari khushi hui

mujhe bari khushi hui

main kuch isi khushi main tha

kisi ne bahir jhank ker kaha

paraye ghar se jayyee

meri qasam na ayyee

meri qasam na ayyee

wohi haseen shaam hai

bahar jis ka naam hai

chala hoon ghar ko chor ker

na janey jaoon ga kidhar

koi nahin jo rok ker

koi nahin jo tok ker

kahay ke laut ayyee

meri qasam na jayyee

meri qasam na jayyee

عجب اک ان کہی سی ہے

عجب اک ان کہی سی ہے

جسے دونوں سمجھتے ہیں

مگر کہنے سے ڈرتے ہیں

کہ ان جذبوں کے آگے تو

سبھی الفاظ جھوٹے ہیں

کئی بے خانماں راتیں، بہت سی ان کہی باتیں

جو لب تک آ نہیں پائیں

ان آنکھوں سے جھلکتی ہیں

تقدس ایسے رشتوں کا ، جہاں عزت پنپتی ہے

فضا کے چار کونوں میں یہ خوشبوئیں مہکتی ہیں

میری آنکھوں میں دیکھو تو

ہزاروں خواب ڈھلکتے ہیں

عجب اک ان کہی سی ہے

جسے دونوں سمجھتے ہیں

مثال طفل یہ جذبے،

دلوں کی بدگمانی میں

عموماََ مبتلا رہتے ، بڑے سہمے سے رہتے ہیں

مگر نظروں کے ملنے سے

عجب جگنو چمکتے ہیں

وفا کے طاقچوں میں چاہتوں کے دیپ جلتے ہیں

ستارے چاندنی ان کہے جذبوں کے اکثر ساتھ چلتے ہیں

عجب اک ان کہی سی ہے

جسے دونوں سمجھتے ہیں

مگر کہنے سے ڈرتے ہیں

سمندر سے کہیں گہرے

دلوں میں معتبر ٹھہرے

بہت ہی بے کراں جذبے

کئی سالوں سے بے مقصد

نمو پانے کی حسرت کو، یہ اپنے دل میں رکھتے ہیں

مگر کہنے سے ڈرتے ہیں

کبھی فرقت کے لمحوں میں

محبت بن کے یہ جذبے

جب آنکھوں سے چھلکتے ہیں

بڑے سچے لگتے ہیں

تبھی یہ ان کہے جذبے

بڑے اچھے سے لگتے ہیں

عجب اک ان کہی سی ہے

جسے دونوں سمجھتے ہیں

مگر کہنے سے ڈرتے ہیں

Zindagi
Zindagi socho aur musibat ka samandar hai.
Insaan zindagi ke aadhe gam galat ummide bandh kar khud kharidta hai.
Zindagi aisa Pendolam hai jo gamo aur khushiyo ke bich jhulta hai.
Mohabbat ke bagair bekar hai Zindagi aur Bewajeh hai.
Jab tak Zindagi baaki hai Mout se ladte raho, aur jab Maut aaye to Zindagi se izzazat mang lo.
Zindagi sirf jine ka naam nahi, zindagi naam hai mohabbat ka, ibaadat ka aur insaniyat ki khidmat karne ka.

Maut
Maut aman aur sukun ka samndar hai.
Maut saare gamo ka ilaaj hai.
Maut itni taklif deh nahi hoti jitni Zindagi.
Maut ko hamesha yaad rakho magar uski aarzo na karo.
Buzdil insaan Maut aane se pehele kai baar marta hai.
Mayusi se badkar duniya mai koi chij buri nahi hai, mayusi Maut ka dusra naam hai.

Saray Mousam
Sare Batain
Aas gulab Wohi Hain

Jagnay Wali Aankhain
Or Un Ke Khuwab Wohi Hain

Lakin itna Farq para Hai

Jab Tum Mujh Se Phone Pe Batain Kartay ho
Lafzon Main Ab khud Ko Dhondna Parta Hay...

mere hathon mein ub qalam day do

khudara mujh say yeh ranj-o-alam lay lo

in hathon say dhoop kee jalan lay lo

daikho naa girnay do mujhay youn keechar mein

mujhay bhee kuch ja-o-hasham day do

kiya hua agar kuch kamzor hoon tum say

hoon to tum saa magar door hoon tum say

hamaray dermian ana kee deewar kharee hei

aaj iss ana kee hud kee jaan lay lo

mere hathon mein ub qalam day do

kabhee naa nikalnay walee ahon ko suno

in aansoo peetee ankhon ko takko

kiya tum ko ranj nahin nazar ata

jo raat ko sonay naa day

woh dard nahin nazar ata

mere yeh sub dard mujh say lay lo

mere hathon mein ub qalam day do

daikho phir mein kaghaz to naa chunoon gaa

baarish mein darakht talay to naa chuppoon gaa

dhoop mein nangay sir naa chaloon gaa

ho sakta hei mere paaoon bhee saaf rahain

mein anay walay din say to naa deroon gaa

agar zulm hua mujh per to keh to sakoon gaa

mujh ko bhee ik zuban day do

mere hathon mein ub qalam day do

Ye zard mousam ke khushk pattay
Hawa jinhain le gaii urra ke
Agar kabhi in ko dekh pao
To soch lena
Ke in main her berg ke nimoo main
Ziyan gaya arq shaakh-e-gul ka
Kabhi ye sarsabz konplain thi
Kabhi ye shaadab bhi rahi hain
Khulay huay hont ki tarah or shagufta bohat dino tak
Ye sabz pattay
Hawa ke railay main be-basi se tarap chukay hain
Magar ye ab khushk ho rahey hain
Magar ye ab khushk ho chukay hain
Agar kabhi iss taraf se guzro
To dekh lena
Barhana shaakhain hawa ke dil main garrii huee hain
Ye ab tumharey liye nahin hain

Mere Jism-o JaaN Ke Her Eik Rishtay Se Muat'bar,
Mere Humsafar
Tujhay Yaad HeiN! Tujhay Yaad HeiN!
Wo Ju QurbatooN Ke Saroor MeiN
Teri Aarzoo Ke Hassaar MeiN
Meri KhwahishooN Ke Wafoor MeiN
Kai Zaaiqay Thay Ghulay Hovay
Dar-e GulistaaN Se Bahaar Tak
Wo Ju Raastay Thay Khulay Hovay!
Sar-e Loh-e JaaN,
Kisi Ajnabi Si Zabaan Ke
Wo Ju Khush'numma Se Haroof Thay!
Wo Ju Sarkhushi Ka Ghubaar Sa Tha Chaar Soo
JahaN Ek Doojay Ke Ru'Baru
HummeiN Apni Rooh'ooN MeiN Phailthi Kisi Nagh'maggi Ki Khabbar Mili
Kisi Roshni Ki Nazar Milli
HummeiN Roshni Ki Nazar Milli Tou Ju Raiza Raiza Se Ux Thay
Wo BeHm Hovay
Wo BeHm Hovay Tou Pata Challa
Ke Ju Aag Si Hei Shar'rar FishaaN Meri khaak MeiN
Ussi Aag Ka
Koi Un'bhujha Sa Nishaan Hei, Teri Khaak MeiN!
Essi Khaak'daaN MeiN Wo Khwaab Hei
Jissay Shakal Dene Ke Waastay
Yea Ju Shash'juhaat Ka Khel Hei, yea RavaaN Hova
Esi Roshni Se MakaaN Banna, Esi Roshni Se ZamaaN Hova
Yea Jo Her GumaaN kA Yaqeen Hei!
Wo Ju Her YaqeeN Ka Gumaan Tha !
Essi DastaaN Ka Byaan Tha!!!




Kisi Dhyaan Ke, Kisi Taaq Per, Hei Dhara Hova
Wo Jo Eik Rishta-e Dard tha
Mere Naam Ka Tere Naam Se,
Teri Subh Ka Meri Shaam Se,
Sar-e Rah'guzzar Hei PaRa Hova Wohi Khwaab-e JaaN
Jissay Apni AankhooN Se Dekh Lene Ke Waastay
Kai Laakh TaarooN Ki SeeRiyooN Se Uttar Ke Aati Thi KehkashaaN,
Sar-e AasmaaN
Kis Abbr Paaray Ki OoT Se
Ussay Chaand Takta Tha Raat Bhur

Ussi Rakht-e Gham Ko SamayT'tay
Ussi Khwaab-e JaaN Ko SaNbhaaltay
Mere Raastay, Kai RaastooN MeiN Ulajh gaye
Wo Chiraagh Jo Mere saath Saath Thay, Bujh Gaye
Wo Ju ManzileiN
Kisi aur Manzil-e Bay'nishaaN Ke Ghubaar-e Rah MeiN Kho GayeiN
(Kai Was'wasooN Ke Fishaar MeiN shabb-e Intazaar Si Ho GayeiN)
Wo Tanaab-e Dil Ju UkhaR Gayee
Wo Khyaam-e JaaN Ju UjjaR Gaye
Wo Safeer Thay, Ussi Daastaan-e Hayaat ke
Ju Warq Warq Thi Bharri Hoi
Mere Shoq Se Tere Roop Se
KahiN ChhaaooN Se, KahiN Dhoop Se

Mere Hamsafar,
Tujhay Kiya Khabbar!
Yea Jo Waqt Hei Kisi Dhoop ChhaooN Ke Khail sa
issay Dekhtay, issay Jheeltay
Meri Aankh Gard Se uTT Gai
Mere Khwaab Rait MeiN Kho Gaye
Mere Haath Barf Se Ho Gaye

Mere Be'Khabbar, Tere Naam Per

Wo Jo Phool Khiltay Thay HooNt Per
Wo Jo Deep Jaltay Thay Baam Per
Wo NahiN Rahe
Wo NahiN Rahe Ke Ju Eik Rabt Tha DarmiyaaN, Wo Bikhar Gaya
Wo Hava Challi
Kisi Shaam Aisi Hava Chali
Ke Ju Barg Thay Sar-e Shaakh-e JaaN, Wo Girra Diye
Wo Jo Harf Darj Thay Rait Per, Wo uRRa Diye
Wo Ju RaastooN Ka Yaqeen Thay
Wo Ju ManzilooN Ke Ameen Thay
Wo Nishaan-e Pa Bi MiTTa Diye!

Mere Hamsafar,

Hei Wohi Safar
Maggar Eik MoR Ke Fark Se
Tere Haath Se Mere Haath Tak
Wo Ju Haath Bhur Ka Tha Faasla
Kai MausamooN MeiN Badal Gaya
Ussay Naaptay, Ussay KaaT'tay
Mera Saara Waqt Nikal Gaya

Tu Mere Safar ka Shareek Hei
MeiN Tere Safar Ka Shareek HooN
Pe Ju DarmiyaaN Se Nikal Gaya
Ussi Faaslay Ke Shummaar MeiN
Ussi Be'yakeeN Se Ghubaar MeiN
Ussi Rah'guzzar Ke Hassaar MeiN

Tera Raasta Koi Aur Hei
Mera Raasta Koi Aur Hei

khush-gawaar mausam meiN,
an-ginat tamashaai
apni apni TeemoN ko,
daad deney aateiN haiN
apney- apney pyaaroN ka,
hauslaa baRhateiN haiN.

maiN alag- alag sabsey,
barhweiN khilaRhi ko
hooT karta rahta hooN.
barhwaaN khilaRhi bhi,
kya ajab khilaRhi hai?
khel hota rahta hai,
shor machta rahta hai
daad paRhti rahti hai
aur woH alag sabsey,
intizaar karta hai.
aik aisi sa'at ka,
aik aisey lamhey ka,
jismey saneha ho jaaye.
phir woH khelney nikley,
taaliyoN key jhurmuT meiN,
aik nara-e-tahseen
usskey naam par ho jaaye.
sab khilaRhiyoN kay saath,
woH bhi moa'tbar ho jaaye.

par yeH kam hi hota hai,
phir bhi log kahtey haiN,
khel sey khilaRhi ka,
umr bhar ka rishta hai.
umr bhar ka yeH rishta,
chhooT bhi to sakta hai
aakhri whistle kay saath,
Doob jaaney wala dil
TooT bhi to sakta hai.

Tum bhi ' iftikhar aarif',
BarhweiN khilaRhi ho.
Intizaar kartey ho,
Aik aisey lamhey ka,
Aik aisi sa'at ka,
Jismey haadsa ho jaaye,
Jismey saneha ho jaaye.
Tum bhi 'iftikhar aarif'
Tum bhi Doob jaaogey.
Tum bhi TooT jaaogey...!!!

yeh kaisa khayl hay taqdeer ki baynaam bazi ka
keh jo haaray, so haaray haiN
magar jo jeet jaatay haiN
unhay bhi ik naee uljhan ki daldal ghayr laiti hay
keh ikk mushkil kay baad ikk aur mushkil ghayr laiti hay
samajhnay kay liyay aaeyn,
chalaiN ham farz kartay haiN
kisi lamhe kisi ik shakhs ko paana hamari zindagi say bhi ziyada besh-qeemat tha
ham uss ki aarzu mai saari dunya bhool baithay thay
bas ussi ka naam laitay thay, ussi ko yaad kartay thay
ussi ki dhun mai jeetay thay ussi kay gham mai martay thay
to phir kuch yuN huwa ikk roz uss ko paa liya ham nay
ussay rangoN ki doli mai bitha kar ghar mai lay aaey
tassavur ki har ik khusbu gul-e-manzar mai lay aaey
kahani aagay chalti hay
to hota iss tarah hay - zindagi kay kaar-khanay mai
dinoN kay aanay jaanay mai
jahaN kay an-ginat kaamoN ka chakkar chalnay lagta hay
badan thakta hay
aankhain dayr tak baydaar rehnay say sulagti haiN
zubaan ik taajiraana aur musalsal jhoot
ki takraar say uktaanay lagti hay
magar majbur hoti hay
keh dunya ka dabao uss ko ruknay hi nahi daita
koi bay-kaar sa qissa woh phir dohraanay lagti hay
thakan aur neend ki milti haddoN mai, sard bistar par
sehar say raat tak ki bay-nateeja guftugu
yaad aanay lagti hay
to uss lamhe
woh umroN ki ryaazat ka samar, woh gohar-e-yakta
ussi shiknoN bharay bistar kay ik hissay mai hota hay
magar mehsoos hota hay
keh jaisay woh hazaroN meel ki dori pe rehta hay
issi doori kay sehra mai kaee raataiN bikharti haiN
kaee din faut hotay hain
to phir ik din
kisi baynaam say ehsaas ki aahaT
hamaray hast ki khaali gali mai goonjti hay
aur hamay baydaar karti hay, bataati hay
keh ham jis ghar mai rehtay haiN
wahan kuch khoobsurat khuwaab bhi abaad hotay thay
chalaiN ham farz kartay haiN
yeh sab kuch ik kahani hay,
magar kitni purani hay...!!

Ab ke us ki ankhon mien
besabab udaasi thi
abh ke us ke chehray per
dukh tha...behawasi thi
abh ke yun mila mujh se
yun ghazal suni...jese
mein bhi na_shanasa hoon
wo bhi ajnabi jesse
zard khaal o khad uss ke
sogawar daman tha
abh ke uss ke lahjay mein
kitna khudra pan tha
wo ke umer bhar jis ne
shahr bhar ke loogon mien
mujh ko hum sukhan jana
khud se mehrban samjha
mujh ko "Dilruba" likha
abh ke sada kaghaz per
surkh roshnai se
us ne talkh lahjay mein
mere naam se pehle!
sirf "Bewafa" likha...!!

Yeh lahu
Jissay meray
ShehroN kay
Saaray raasty
gulgooN haiN
Aur har pairhun ka ruNg unnabi hai
Kal kay mausamoN
Aur aanay waalay
SoorajoN
Ka zamzama-gar hai
Chalo tumnay to
Kali surkhiaN
Miqraaz kar daaliN
Sukhan nakhcheer kar daalay
Magar ab in hawaaoN ko bhi roko
Jo tumharay maqtaloN ki laaliaN
Aur taza khooN ki khushbuaiN
Aur unki awaazaiN liyay
GalioN say
BazaroN say
ShahraahoN say ho kar
Har taraf
Qaraya-b-qaraya
Phailti jaati haiN
NaadaaoN
HawaaiN naamwar baunti haiN
Jab qaasid kabootar qaid hotay haiN

Mohabbat rooh main utra hoa mosam hay
so janan
Talluq khatam karnay say
Mohabbat kam nahin hoti
Bohat kuch tujhe say barh kar bhi
Mayyassar tha, mayyassar hay
Na-janay phir bhi kyon?
Teri zarorat kam nahin hoti !!!

gehraa sannaaTaa hai
kuch makaanoN se Khamosh uThtaa hu’aa
gaaRhaa kaalaa dhuuaaN
mail dil meN liye
har taraf duur tak phailtaa jaataa hai
gehraa sannaaTaa hai

laash kii tarah bejaan hai raastaa
ek TuuTaa hu’aa Thelaa
ulTaa paRaa
apne pahiye havaa meN uThaaye hu’e
aasmaanoN ko hairat se taktaa hai
jaise ke jo bhii hu’aa
uskaa ab tak yaqiiN isko aayaa nahiiN
gehraa sannaaTaa hai

kisi khush nigah si ankh ne yeh kamal mujh pe karam kiya
mairi loh'e jaan pe raqam kiya
woh jo ik chand sa harf tha,
woh jo ik sham sa naam tha
woh jo phool si bat phirti thi dar'ba dar
usay gulistaan ka pata diya



mayra dil ik shehr'e malaal tha,
usay roshni main basaa diya
mayri ankh aur mayre khwab ko kisi ik pal main baham kiya



mayre aainoon pe jo gard thi maah'o sal ki
woh utar gai
woh jo dhund thi chahar so woh bikhar gai
sabhi roop aks'e jamal ke
sabhi khawab sham'e visal ke
jo ghubaar waqt mian sar'basar they aTey huye
woh chamaak uthey
woh jo phool raah ki dhool they mehek uthey
liye saat rang bahaar ke
chalaa main jo sang bahaar ke
to sajaa diye sabhi raste
kisi dast'e shoubda baaz ne
mayre naam per, mayre waaste




mairii bay gharii ko panah di,
mairi justaju ko nishaan diya
jo yaqeen se bhi haseen hai,
mujehy ik aisaa gumaan diya



woh jo reeza reeza wajood tha
usay ik nazar main baham kiya
kisi khush nigaah si ankh ne
yeh kamaal mujh pe karam kiya

main apane ghar mein hii ajanabii ho gayaa huuN aa kar
mujhe yahaaN dekhakar merii ruuh Dar gaii hai
saham ke sab aarazuueN konon mein jaa chhupii hain
laven bujhaa dii hain apane cheharon kii, hasaraton ne
ki shauq pahachanataa hii nahiin
muraaden dahaliiz hii pe sar rakh ke mar gaii hain

main kis vatan kii talaash mein yuuN chalaa thaa ghar se
ki apane ghar mein bhii ajanabii ho gayaa huuN aa kar

Ajab Kahani Thi Shayad Meri Hee Zabani Thi ..
Ik Larki Woh Anjani Thi .. Beygani Thi An Chui Si
Woh Chui Mui Si Janey Kahan Kasey Kab Takra Gaii ...
Mujh Ko Bha Gaii .. Phir Kuch Aisa Hua Kai Baatein Huin
****i Woh Lambi Raatein Huein
Woh Aur Main Aksar Dono Ghanton Ghanton Bethey Yunhi
Baatein Kya Kertey Thaey
Janey Kab Kyun Ahsas Hua ...
Mujh Ko Usi Ka Pass Hua
Woh Us Din Shayad Na Ayi Thi ..
Jaan Meri P'aey Ban Ayi Thii ...
Tarpa Tarsa Behka Main ..
Pershan Hua Saans Lena Mujh Per Muhal Hua
Ahsas Hua Mujh Ko Us Din Tab Ho Gaii Mujh Ko Mohabbat Ab

Dhoonda Main Nai Intazar Kya
Raat Woh Sari Din Bhi Apna Baeykar Kya ..
Baeychan Hua Nadan Hua ..
Phir Sham Hui Woh Wapis Ayi
Phir Main Nai Us Ko Batlaya
Jatlaya Us Ko Behlaya
Kaha Us Ko
Suno Tum Sai Mohabbat ..
Bohat Hai Mujh Ko Bohat Hai
Bas Mujh Ko Tum Sai Mohabbat Hai ...
Ghabrai Thi Woh Sharmai Thi
Kahin Door Ja Ker Simti Thi
Phir Ghabrai Woh ....
Pershan Hui ...
Kuch Daer Ko Woh Chup Ho Ker
Phir Mujh Sai Woh Mukhatib Hui

Na Mil Paon Gi Toh Kya Kero Gai ?
Socha Main Nai Toh Jaan Nikli ....
Baey Inteha Nikli Baarha Nikli ...
Chup Raha Nahi Bola Kuch
Phir Yun Hua Kai Justuju Us Ko Hui
Khamosh Si Woh Bholi Bhali Si
Ik Din Mujh Sai Kehney Lagi
Yun Tum Sai Baatein Kerti Hoon
Baeykar Yeh Raatei Kerti Hoon
Tum Sai Kehti Hoon Main Na Main Yun
Dil Main Rekhti Hoon Haan Main Yun
Kai Mohabbat Tum Sai Kerti Hoon
Par Junoon Tumharey Sai Derti Hoon ...

Yun Laga Mujh Ko Tab
Seerab Hua Yeh Sehra Ab
Main Utha Khushi Sai Naach Gya
Dil Mera Zor Sai Dhadka Tab...
Poocha Phir Yun Shararat Sai Main Nai Jab
Kaho Kyun Leti Ho Imtehan Ab ?

Woh Hasti Muskurati Sharmati Ba'l Khati
Uthi Phir Chal Di Par Jatay Jatay Mujh Ko
Keh Gaii Ik Anjan Baat
Boli ....!!!
Meri Majboori
Kabhi Ho Gi Na Yeh Aas Poori...
Main Tha Junoon Main Andha Pagal
Majnu Bana Main Ranjha Ghayal
Jawab Deya Usey Hosla Deya
Phir Din Raat Main Nai Mehka Deya
Phir Wasee Hee Hotein Baatein Thaein
Khamosh Si Lambi Raatein Thaein
Ham Dono Thaey Bas Ham Dono
Aur Hamari Mohabbat Ki Baatein Thaein

Phir Yun Hua Kai Us Ka Jana Hua ...
Ik Khiley Phool Ka Murjhana Hua
Meri Zindagi Gaii Meri Qismat Gaii
Mera Junoon Meri Wehshat Gaii

Khali Haath Kashkoal Liye
Main Dar Dar Talash Main Us Ki Bhatka ..
Dhoonda Bohat Par Mili Nahi Woh
Khali Paet Nagey Paon
Tap'ti Raet
Pairon Main Phir Ch'aley Aye ..
Jeena Phir Dushwar Hua
Mujh Ko Us Din Us Ka Deedar Hua
Main Phatey Puraney Halon Main
Paon Main Parey Ch'alon Main
Lambi Dari Maeley Kaprey
Ukhri Saansien Par Chamki Ankhein

Dekha Main Nai Us Ko Jab
Pass Gya Gir Gir Jab ..
Poocha Us Ko Janti Ho ?
Kya Tum Mujh Ko Pehchanti Ho ?
Woh Anjani Si Deewani Si
Bhooli Si Kisi Pari Si Maysoomiat Sai
Mujh Ko Kehti Hai
Aey Jogi Tu Toh Adh Mara Sa
Mujh Ko Kaisey Janta Hai ?
Kasey Tu Pechanta Hai ?
Main Na Janoon Kaun Hai Tu
Tha'tka Main Phir Larkharaya
Haath Main Us Ka Anchal Aya
Gir Para Phir Tarap Kai Main

Ik Nazar Jo Us Ko Dekha Tab ...
Anchal Us Nai Jhatkaya Daman Apna Bachaya ..
Ja Rahee Thi Thamey Kisi Ka Haath
Chor Ker Mera Sang Or Saath

Saans At'ki Dhadakna Band Hua
Palkein Moondhein Jaan Nikli Thi
Lash Ko Meri Phir Uthaya Jab
Na Qafan Na Ghusal Bin Kye Yeh Sab
Dafna Aye Mujh Ko Jogi Char
Shayad Kai They Woh Merey Yaar ...
Qabar Meri Bhi Kachi Thi ...
Meri Mohabbat Bin Qafan Hui
Bin Ghusal Hee Woh Bhi Dafan Hui
Woh Kahani Phir Yun Khatam Hui ..!!!!!!!

Apne Hathon Ki Pouro Ki Hiddat
Jinhone Mere Hathon Ko Chhua Tha,
To Jaise Dafatan
Dil-E-Sehra Mein Barish-E-Wafa Ka Chal Pada Tha Silsila Sa,
Abhi Kuch Der Aur Rehne Do,
Apni Nazrein Jo Takra Gayi Thi Achanak,
To Ye Gumaan Sa Hua Tha,
WaQt Jaise Tham Sa Gaya Hai,
Labon Se Ada Na Ho Saki Thi,
Kitni Ankahi Baatein Phir Bhi,
Aankone Bina Ruke Keh Thi Dali,
Phir Jhuk Bhi To Gaye The Sharma Ke,
Abhi Kuch Der Aur Rehne Do,
Apni Khuli Zulfon Ko Yunhi Hawa Mein Lehrate,
Ke Dil Ab Tak Is Manzar Se Bhara Nahi Hai,
Hawayein Jo In Zulfon Mein Se Hote Hue Mujh Tak Pahuchti Thi,
To YaQeen Jaano Ke Main,
Bagh-E-Bhayshat Ki Pur Muatar Hawaon Mein Rach Bas Jata Tha,
Abhi Kuch Der Aru Rehne Do,
Wo Chehre Ki Muskaan,
Apne Chehre Par Bante Bigadte Zawiyah,
Jinki Masoomiyat Par
Main Hans Padta Tha,
Abhi Kuch Der Aur Rehne Do,
Wo Saare Kisse,
Wo Saari Baatein,
Wo Saari Yaadein,
Wo Saare Manzar,
Dil Ab Tak Muztarib Hai,
Fariyad Yehi Kar Raha Hai,
Wo Sara WaQt Jo Ek Pla Mein Hai Beeta,
Beet Gaya Hai,
So Use Guzar Bhi Jana Tha,
Magar Wo Kash Beetta Theher Theher Ke,
Kayi Sadiyon Ka Safar Hota Inke Darmiyan,
Zindagi Kab Shuru Ho Kar Khatam Bhi Ho Jati,
Pata Bhi Na Chalta,
So Apni Dilki Yaadonki,
Tasveer Un Haseen Mulakaton Ki,
Yehi Kehti Hai,
Yehi Kehti Rahegi,
Abhi Kuch Der Aur Rehne Do,
Abhi Kuch Der Aur Rehne Do...

Mujhe Tum Yaad Aate Ho,
Kisi Sunsaan Sapne Mein Chhupi Khwahish Ki Hidaat Mein,
Kisi Masroofiyat Ke Mod Par,
Tanhayi Ke Sehraon Mein,
Mujhe Tum Yaad Aate Ho,
Kisi Bichhde Hue Ki Chashm-E-Purnam Ke Nazare Par,
Kisi Beete Hue Din Ki Ot Mein,
Ya Phir Tumhare ZiQr Mein Guzri Hui Shab Ke Ishare Par,
Kisi Basti Ki BaronaQ Sadak Par,
Aur Kisi Dariya Kisi Veeran Jungle Ke Kinare Par,
Mujhe Tum Yaad Aate Ho,
Kabhi Sunsaan Raaston Mein,
Suhani Shaam Ho Koi,
Kahin Barish Baras Jaye,
Kahin Sehra Taras Jaye,
Kahin Kaali Ghata Utre,
Kahin Baad-E-Saba Thehre,
Mujhe Tum Yaad Aate Ho,
Mujhe Tum Yaad Aate Ho...

Apni Tanhaiyon Se Puchha Hai,
Shab-E-Hijraan Se Baat Kar Li Hai,
Mere Andar Ki Sehmi Khamoshi,
Mera Bahaar Ka Hansta Chehra Bhi,
Aat Ke Sunsanate Lamhe Bhi,
Din Ka Dasta Hua Ujala Bhi,
Zabt Ka Tootta Ye Bandhan Hai,
Sabr Ka Chhutta Ye Daman Bhi,
Uski Yaadein Bhi Kuch Isharon Mein,
Mujhko Majboor Kar Rahe Hai Sab,
Aao Sab Uske Paas Chalte Hai,
Usse Kehte Hai Kuch Dawa Kar Do,
Apni Fitrat Ko Chhod Kar Ek Pal,
Koi Waada To Tum Wafa Kar Do,
Inki Baaton Se Kuch Nahi Hoga,
Aakhri Faisla To Dilka Hai,
Dil Ye Kehta Hai Uske Milne Se,
Apni Tanhaiyan Hi Achhi Hai,
Ab Akele Mein Lag Gaya Hai Dil,
Usse Milne Humein Nahi Jana,
Uski Baatein Udas Kar Dengi.

Raaste Be-Naseebon Ki Tarah Hote Hai,
Mumkin Hai Tumhe Bhatka Dein,
Meri Tarah
Man Bhi To Bhatka Hua Hoon,
Ye Shaayad Tha,
Is "HOON" Aur "THA" Ke Darmiyan Abhi Ek Gumaan BaaQi Hai,
Tumhare Dil Ke Kisi Kone Mein Oongata Hua Guman,
Jisse Aage Kitne Naseeb Phootte Hai,

Ek Khaur Mere Dil Ke Kisi Kone Mein Bhi Hai,
Apne Raaston Ka Khauf,
Ya Shayad Mere Aur
Tumhare Naseebon Ka Khauf,
Ya "YA" Aur "SHAYAD" Bhi Ajeeb Lafz Hai,
Hamare Raaston Ki Tarah...

Suno,
Use Keh Do,
Hum Apne Zabt Mein Kamil To Hai Lekin,
WaQt Ka Samundar Bemeher Bahut Hai,
Wo Apni SaffaQ Maujon Se Kisiko Saf Bach Nahi Nikalne Deta Hai,
Kabhi Ret Hamare Kadmon Se Khich Leta Hai,
Kabhi Bhanwar Ki Gehrayi Mein Khich Leta Hai,
So Hum Bhi Darte Hai,
Kahin Koi Alood Gerdoon,
Na Daale Khak Aankhon Mein,
Kahin Koi Laher,
Na Lipte Paanv Se Khich Daale Bhanwar Mein,
Jao Is Intezar Ko Thoda Mukhtasir Kar Do,
Suno Use Keh Do,
Hum Apne Zabt Mein Kamil To Hai Lekin...

Tumhen bhi to khabar ho gi...

ke darya pas behty hoon

to pani acha lagta hy.....


kinaroon sy jurri matti sy poocho rog chahat ka

ke is pani ki chahat men

kinaroon sy okhar ker

ajnabi desoon men jana kitna mushkil hy

kinara phir naheen milta....


tumhen bas itna likhna hy...

yahan jo bhi bichar jay

dobara phir naheen milta!!!

Azl say ta abad janaan
falak kay chaand, taron say
meri dharti kay zarron say
pahardon ki bulandi say
sabaa ki shokhyon say aur phoolon ki malahat say
tapish khursheed ki aur chaand ki ropehli kirnon say
ufq ki wus,aton aur neelgon gehray sumandar say
kahin ziyada kahin bardh kar
mujhay tum say MUHABBAT hay

Kia woh sa,at aa ponhchi hai?
jab saray pul beh jatay hen
lamgar hiltay reh jatay hen
koi chappu hath nahi aata
koi kashti sath nahi deti
kia wo sa,at aa ponhchi hay?

Jab lafzon ki sharyanon mein
taseer nawa so jati hay
jab jhoot kay koorda danon mein
har sachaai kho jati hay
jab hont laraznay lagtay hen
tab aankhen bolnay lagti hen

jab aankhen bolnay lagti hen
tab roz qayamat hota hay
kia woh sa,at aa ponhchi hay??

dard gar aadmi hota
to girebaan pakaR kar kehte
is tarah rehte haiN be chain diloN ke andar?
is tarah karte haiN beemaaroN se?
ham tumheiN sehte haiN, kuchh tum bhi to sehna seekho
aik thoRi se khushi aaye to jal jaate ho!

تم مجھے بہت یاد اّے

جب رات اپنے اّخری پہر میں تھی
چاندنی دم توڑ رہی تھی
پو کہیں پھوٹ رہی تھی
زندگی پھر جاگ رہی تھی

تم مجھے بہت یاد اّے

جب میں نے اس گل کی جانب دیکھا
کھ جس پھ بلبل گنگنا رہی تھی
کہ جس کی خوشبو باغ مہکا رہی تھی
کہ پتییاں جس کی اّگ سلگا رہی تھی

تم مجھے بہت یاد اّے

جب میں نے اّسماں کی جانب دیکھا
اور ستاروں میں اپنا ستارہ ڈھونڈا
جو یک لخت زمیں کی جانب لپکا
پھر ایک چمک ، کہیں کھو گیا

تم مجھے بہت یاد اّے

جب میں کمرے میں بند تھا اکیلا
کتاب سرہانے، کرسی پے بیٹھا
پرانی یادوں کی دنیا میں کھویا
کبھی ہنستہ ، کبھی رویا

تم مجھے بہت یاد اّے

وہ داستاں پھر کیا ختم ہو
کہ جس کا باب اول تم ہو
کہ جس کا پڑھنے والا گم ہو
ان خیالوں میں جہاں تم ہو

تم مجھے بہت یاد اّے

اب کیا سنو گے عاطف کیا سنانی
رات گئ دن نکلا، ہوئ بات پرانی
دو دل بچھڑے، محبت ہو گئ انجانی
مگر جب بھی دوھرائ وہ کہانی

تم مجھے بہت یاد اّے

aaj bohat dino'n baad suni hai barish ki awaz
aaj bohat dino'n baad kissi manzar nay rusta roka hai
rim jhim ka malboos pahan kar yaad kissi ki aaye hai
aaj bohat dino'n baad achanak aankh younhi bhar aaye hai
aankh or manzar ki wusat main charon janib barish hai
aur barish main door kahin ek ghar hai jis ki
aik aik eent par teray meray "khwab" likhay hain
or is ghar ko janay wali kuch galiyan hain
jis main hum dono'n kay saaye tanha tanha bheeg rahay hain
darwazay par qufl para hai or dareechay soonay hain
deewaron pay jammi hoye kaaii main chup kar
mousam hum ko dekh rahay hain
kitnay badal hum dono'n ki aankh say ojhal
baras baras kar guzar chukay hain
aik kammi si aik nammi si
charon janib phail rahi hai
kai zamanay aik hi pal main
baham mil kar bheeg rahay hain
andar yaadain sookh rahi hain
bahar manzar bheeg rahay hain...

Ye sar burida badan kis ka
ye jama khoon kafan hay kis ka
ye zkhm khorda rida hay kis ka
ye kis lahoo say zameen yaqoot ban gai
ye kis ki aghosh kis ka taboot
ye kis nagar kay sapoot hen
jo diyar e angar me kharay hen

Ye kaon be aasra hen
jo tegh qalaan say
kati fasl ki tarah
ja baja parday hen

Ye kaon jaan hay
jo apnay lakht e jigar ko malbay mein dhodti hay
ye kaon baba hay
jis ki aawaz shor mehshar mein dab gai hay
ye kaon masoom hay
keh jis ko
siyah aandhi diyay samajh kar bujha rahi hay

Inhen koi janta nahi
inhen koi janna na chahay
ye kis qabilay kay sar bakaf jannisar hen
jis ko koi pehchhanta nahi hay
koi bhi pehchanna na chahay
keh in ki pehchan imtihan hay
keh in ki pehchan mein zuban hay
na koi bachcha koi baba na koi maan hay

Mehel saraaon mein khush muqaddar sheyookh chupp
baadshah chupp hen
haram kay sab paasban
aalam panah chupp hen
munafiqon kay girohn kay
sarbarah chupp hen
tamam ahl e riyaa keh jin kay labon pe hay
ladana chupp hen

Aaj Bhi Shaam Udaas Rahi
****************************
Aaj bhi tapti dhoop ka sehra
teray naram labon ki shabnam
teri bikhri zulf kay
saay say meroom raha

Aaj bhi patthar hijr ka lamha
sadyon say bekhoab ruton ki
aankhon ka maqsoom raha

Aaj bhi apnaywasl ka tara
raakh urdati shaokh shafaq ki
manzil say maadoom raha

Aaj bhi sheher mein pagal dil ko
teri deed ki aas rahi
muddat ki gum sum tanhaai
aaj bhi meray paas rahi
aaj bhi shaam udaas rahi !!!

sard thai hont
buhat zard thi yeh shakh-e-badan
sakht pathraei howi theen aankhein
dasht ki tarah thi sari dunya
aasman,dard ka lamba sehra

janay kya baat chali baaton say
janay kis tarha tera zikr chhira
aisa lagta hai tann-e-murda mein
rooh phoonki hai kisi nay taaza

Men dharti meli meli si..

Too ujla ujla prem gagan

Too chanchal shor hawaoon ka..

Men kankar koi paon ka..

Too sat suroon ka roop koi ..

Men tapti jalti dhoop koi..

Too khushboo nirmal kalion ki..

Men dhool udas in galion ki..

Too subha ka pegham koi..

Men bojhal dhalti sham koi..

Too jangle ka more koi

Men shehroon ka shor koi

Too chand nagar ki hoor koi

men aas men betha door koi..

men dharti meli meli si.....

too ujla ujla prem gagan..

KIA TERA MERA JOR SAJAN!!!!

Kab tak mujh say piyar karogay
kab tak?
jab tak mera rang hay taza
jab tak mera ang tana hay
par is kay aagay bhi to kuch hay
woh sub kia hay
kisay pata hay
wahin ki aek musafir main bhi
anjanay ka shaoq barda hay
par tum meray sath na ho gay tub tak
Fehmeda Riyaz

Kolohn mein bhanwar jo hen to kia hay
sar mein bhi hay justajoo ka johar
tha para e dil bhi zer e pastan
lekin mera mol hay jo in par
ghabra kay na yon gureez pa ho
paimaa,ish meri khatam ho jab
apna bhi koi azoo napo
Fehmida Riyaz

Aagahi
*******
Aankhon ki tehreer ko parhna
jis din mein nay seekh lia
bus us din say
har ek apna
begana sa lagta hay
jana pehchana har chehra
anjana sa lagta hay

Chalo chhordo !
muhabbat jhoot hay
ahd e wafa ek shughal hay bekaar logon ka
talab, sookhay howay patton ka be ronaq jazirah hay
khalish, demak zada aoraaq par bosida satron ka zakhirah hay
khumaar e wasl, tapti dhoop kay sinay par urdtay baadlon ki raaigan bakhshish
ghubaar e hijr, sehra me surabon say atay maosam ka khumyaza

chalo chhordo !

Keh ab tak main andheron ki dhmak me saans ki zarbon pe
chahat ki bina rakh kar safar karta rahon ga
mujhay ehsaas hi kab tha
keh tum bhi maosmon kay saath apnay perhan kay
rang badlo gi !

Chalo chhordo !

Woh saray khwab kachchi bhurbhuri mitti kay be qimat gharoonday thay
woh saray zaaiqay meri zuban par zakhm ban kar jam gayay hon gay
tumhari ungliyon ki narm poren patthron par naam likhti thinmera lekin
tumhari ungliyan to aadatan ye jurm karti thin

Chalo chhordo !

Mera hona na hona aek barabar hay
tum apnay khaal o khid ko aaynay me phir nikharnay do
tum apni aankh ki basti me phir say ek naya maosam utarnay do
mray khwabon ko marnay do
nai tasveer dekho
phir naya maktoob likho
phiy nayay maosam nayay lafzon say apna silsila jordo
meray mazi ki chahat raaigan samjho
meri yadon say kachchay rabtay tordo
chalo chhordo...!!
Muhabbat jhoot hay
ahd e wafa aek shughal hay bekaar logon ka

Muhsin Naqvi

Har ek daor mein ham, har zamanay mein ham
zeher pitay rahay, geet gatay rahay
jaan detay rahay zindagi kay liyay
sa,at e wasl ki har khushi kay liyay
deen o dunya ki daolat lutatay rahay
faqr o faqa ka tosha sanbhalay rahay
jo bhi rasta chuna us par chaltay rahay
maal walay hiqarat say taktay rahay
ta,an kartay rahay, hath maltay rahay
han nay un par kia harf haq sang zan
jin ki haibat say dunya larazti rahi
jin pe aansoo bahanay ko koi na tha
apnii aankh un kay gham me bikharti rahi
sub say oujhal howay hukm e hakim pe ham
qaid khanay sahay, tazyanay sahay
log suntay rahay saaz e dil ki sadaa
apnay naghmay salakhon say chhantay rahay
khoonchkan deher ka khoonchkan aaiyna
dukh bhari khalq ka dukh bhara dil hen ham
tabe shaair hay jin ka adl o sitam
munsif khair o shar, haq o batil hen ham
FAIZ AHMED FAIZ

Sochtay sochtay phir mujh ko khayal aata hay
too meray ranj o masa,eb ka madawa to na thi
rang afshan thi meray dil kay khalaon mein magar
aek aurat thi ilaj e gham o dunya to na thi

Meray idraak kay nasoor to ristay rehtay
meri hokar bhi woh meray liyay kia kar leti
hasrat o yaas kay ghambhir andheray mein bhala
aek nazuk si kiran saath kahan tak deti

Us ko rehna tha zar o saim kay aewanon mein
reh bhi jati woh meray saath to rehti kab tak
aek maghroor sahokaar ki piyari betii
bhook aur piyas ki takleef ko sehti kab tak

Aek shaaer ki tamannaon ko dhoka dekar
us nay tordi hay agar piyar bharay geet ki lay
us par afsos hay kiun, us pe taajjub kaisa
ye muhabbat bhi to ehsaas ka ek dhoka hay

Phir bhi anjanay mein jab sheher ki rahon mein kabhi
dekh leta hon doshiza jamalon kay hujoom
rooh par phelnay lagta hay udasi ka ghubaar
zehen mein ringnay lagtay hen khayalon kay hujoom

Sochtay sochtay phir mujh ko khayal aata hay
woh meray ranj o masa,eb ka madawa to na thi
rang afshan thi meray dil kay khayalon mein magar
aek aurat thi ilaj e gham o dunya to na thi
NAREESH KUMAR SHAAD

Log kehtay hen keh dheeray dheeray
waqt har zakhm ko bhar deta hay

Tum bhi logon ki kahi baton mein aajati ho
aek lamhay kay liyay
muzhamil ho kay yehi sochti hogi shayed
meray bachpan ka woh sathi, woh pagal lardka
woh bhi ab bhool haya ho ga mujhay
log kehtay hen keh dheeray dheeray
waqt har zakhm ko bhar deta hay

Be sabab apni jafaon pe pashimaan na ho
log kehtay hen..............magar
aesa hota nahi

are chhoTe chhoTe taaro
ke chamak damak rahe ho
tumheN dekh kar na hove
mujhe kis tarah tahayyur
ke tum oonche aasmaaN par
jo hai kul jahaaN se a'alaa
huve raushan is ravish se
ke kisee ne jaR diye hoN
guhar aur la'al goyaa

Agar Saare Zamaane Main
Hazaron Laug Bhi Tum Se
Mohobbat Karte Haun
Tu Tum Itna Samajh Lena
Ke Un Main Ek Main Bhi Hoon
Agar Bilfarz Dunya Main
Ek Shakhs Ho Aisa
Jisay Tum Se Mohobbat Ho
Agar Tum Janna Chaho
To Wo Ek Shakhs Main Hi Hoon Ga
Agar Saare Zamaane Main Milay Na Koyi Aisa
Jisay Tum Se Mohobbat Ho
Yakinan Phir Yehi Hoga
Main Dunya Main Nahin Hoon Ga

:umdah:

thnx 4 sharing

Woh kabhi mujhse ek pal ki duuri na saha kerta thaa
Woh jo mere liye saari duniya se ladaa kerta thaa
Aaj Woh shakhs mere bin hee jiye jaata hai
Ye baat aur hai ke humko yaad bada aata hai
Ye na poocho ke sanam kitna yaad aata hai
Hum toh kehte hain ke khuda jitna yaad aata hai


Good collection
thnx 4 sharing

:wah;

WAH...ASIF DEAR....
NUZMON KA KHUBSURET INTEKHAB...
EK ART GALEERY....HURFON AUR SOCHON KI...
BOHOT KHOOB....MZEED INTEKHAB KREN..

buhat khoob...